الموضوع: تسارع فيلوستر تربو اوتوماتيك 0 - 100 فى 7 ثوانى

المشاركة الأصلية كتبت بواسطة mody3on

طب انا قدامي ايه ب 103 احسن من ال rb ؟
والسيفيك فيها ايه يتدفع فيه 200 الف جنيه ؟ ولا حتى الجولف والاوكتافيا اللي بينزلوا بموتور 100 حصان ؟
انا بلاقي فيها اوبشن معقول واعادة بيع كويسة وقطع غيار متوفرة في كل حتة , مش احسن ما اجيب هوندا سيتي مثلا اللي لغاية دلوقتي مشفتش الشكل الجديد اللي نازل من 2009 تقريبا غير مرة واحدة ؟ اكيد ده مش ذنب العربية ولا ذنب هوندا , ده ذنب التوكيل اللي رافع سعر ال subcompact ومخليه في سعر عربية تانية اكبر واوسع وموتور اكبر وكماليات اعلى
بصراحة مفيش عربية بالسعر ده بتحقق المعادلة بتاعة الالنترا الا نوعا ما الفلوانس
كماليات ممتازة وفخامة بس اعادة بيع مش اللي هو وقطع غيار في التوكيل بس وموتور مش كويس
كل واحد بيشوف هو عاوز ايه , عشان كده في ملايين الموديلات من العربيات وكلهم بيبيعوا , عشان مش كل الناس هتتفق على عربية واحدة

كويس حضرتك بتقول قدامك اية ب103 الف طيب هل انت شايف ان مثلا rb تستاهل 103 الف

عربية خفيفة - ضيقة - مافيهاش عوامل امان - خامات بلاستيك - ثباتها ضعيف - قطع غيارها غالية - مافيهاش حتى immoplaizer - مسند يد - شالوا النور اللى فى السقف الامامى - عفشة ناشفة

مميزاتها بقى اية ( محركها سريع - ناعمة فى المشى الهادى بس - شكل حلو خارجيا - شكل عداد جديد ومتطور ) انا مش شايف حاجة تانى الصراحة ومش شايف انى ادفع فى عربية بالاوبشن والاداء دة 103 الف جنية

نفس الكلام ينطبق على الالنترا بالحرف بس الالنترا اسخم هتدفع 120-130 ومش هتاخد بردة اى وسائل امان

- الهوندا سيفيك هنتكلم على الشكل 2010 العربية دية تحفة بكل المقاييس وتمنها بالنسبة للفئة ال lxi كان كويس الى حد ما 158 الف جنية وكان المفروض انة يقل مثلا ينزل عند 140 الف زى ماكانت فى الاول بس هتلاقى مبرر انك تدفع فيها كل حاجة

( abs- 2 airbag- ebd - مثبت سرعة - محرك قوى جدا - ثبات عالى جدا - خامات جلد - شكل تابلوة تحفة وشكل خارجى تحفة - اعتمادية عالية جدا - قطع غيار موجودة فى كل حتة - ناعمة - نظام امان - immoplaizer ) طيب كل دة مايكفيش انى ادفع فيها 158 الف جنية اة عارف انها غالية شوية بس محققالى كل حاجة انا عايزها فهمت انا قصدى اية

- على فكرة الهوندا سيتى الشكل الجديد منتشرة بس عيب العربية دية انها غالية زيادة عن اللزوم يعنى اخرها معايا كان 120 الف لان بردة عوامل الامان فيها تجهيز اساسى

- الهوندا سيفيك 2012 انا بعتبرها مانزلتش اصلا

المشاركة الأصلية كتبت بواسطة semsem kane

كويس حضرتك بتقول قدامك اية ب103 الف طيب هل انت شايف ان مثلا rb تستاهل 103 الف

عربية خفيفة - ضيقة - مافيهاش عوامل امان - خامات بلاستيك - ثباتها ضعيف - قطع غيارها غالية - مافيهاش حتى immoplaizer - مسند يد - شالوا النور اللى فى السقف الامامى - عفشة ناشفة

مميزاتها بقى اية ( محركها سريع - ناعمة فى المشى الهادى بس - شكل حلو خارجيا - شكل عداد جديد ومتطور ) انا مش شايف حاجة تانى الصراحة ومش شايف انى ادفع فى عربية بالاوبشن والاداء دة 103 الف جنية

نفس الكلام ينطبق على الالنترا بالحرف بس الالنترا اسخم هتدفع 120-130 ومش هتاخد بردة اى وسائل امان

- الهوندا سيفيك هنتكلم على الشكل 2010 العربية دية تحفة بكل المقاييس وتمنها بالنسبة للفئة ال lxi كان كويس الى حد ما 158 الف جنية وكان المفروض انة يقل مثلا ينزل عند 140 الف زى ماكانت فى الاول بس هتلاقى مبرر انك تدفع فيها كل حاجة

( abs- 2 airbag- ebd - مثبت سرعة - محرك قوى جدا - ثبات عالى جدا - خامات جلد - شكل تابلوة تحفة وشكل خارجى تحفة - اعتمادية عالية جدا - قطع غيار موجودة فى كل حتة - ناعمة - نظام امان - immoplaizer ) طيب كل دة مايكفيش انى ادفع فيها 158 الف جنية اة عارف انها غالية شوية بس محققالى كل حاجة انا عايزها فهمت انا قصدى اية

- على فكرة الهوندا سيتى الشكل الجديد منتشرة بس عيب العربية دية انها غالية زيادة عن اللزوم يعنى اخرها معايا كان 120 الف لان بردة عوامل الامان فيها تجهيز اساسى

- الهوندا سيفيك 2012 انا بعتبرها مانزلتش اصلا

تاني يا سمسم :)
80% من مبيعات سيارات الفئة دي (100 الى 140 الف) بتبقى بالتقسيط . و دي تقريبا اكثر فئة مبيعا في مصر... ليه ؟

سيارة من 100 الف الى 140 الف ... مقدمها بيبدأ من 25 الى 50 الف جنيه و ده غالبا بيبقى ثمن عربيتك القديمة الي انت بعتها وعايز تشتري جديد .

الفئة دي من الناس حنقول متوسط مرتبها 3500 جنيه .

متوسط القسط بتاعة الفئة دي من 1500 الى 2000 جنيه في الشهر على حسب عدد السنين (3 - 6 سنين)

فبالتالي واحد معاه نقول 40 الف جنيه مقدم و مستعد يدفع 1700 جنيه قسط.
حتلاقيه اتحشر في خانة 115 الى 135 الف على حسب البنك و نسبة القرض .

بالتالي المستعمل اتلغى لواحد زي ده فمش حيفكر في مستعمل.
و مبدأك بتاع زود 25 الف ولا 35 الف وخد ليون ولا مش عارف ايه برده مش نافع نهائي .. ده الالف جنيه زيادة او اقل بتفرق مع الراجل ..

اومال انت ليه فكرك لما غبور عمل عرض على الانترا بقت ب 123 بدل 126 .. عايز اقولك انا عديت على مندوب المبيعات الي باعلي العربية اسلم عليه .. والله ماكان عارف يقعد معايا 5 دقائق من كم الحجوزات !!

على فكرة المثال الي بضربهولك فوق ده قريب مني جدا .. المهم ياسيدي .. اضف الى الفلوس دي التامين الاجباري بتاع 3-4 الاف جنيه كمان و نقول 1000 جنيه تراخيص و حلاوات ..

يبقى انت بتتكلم في 40 الف مقدم + 6000 عك و تامين و ترخيص و خلافه
وقسط 1700 جنيه يقسموا الظهر (نصف المرتب) لمدة لا تقل عن 5 سنين كل ده من اجل التمتع بسيارة.

هل بقى تتوقع الشخص ده ... حيكون عايز ايه من عربية ب 135 الف ؟ ( وهي على فكرة واقفة عليه ب 180 مثلا بعد القسط)

بمنتهى البساطة عايز فئة متوسطة (compact) عايزها 1600 و عايزها اوتوماتيك و واسعة و مش عايز يدفع صيانة ولا قطع غيار كتير لانه ببساطة جدا معووش الهواء ... يادوبك بنزين العربية و شكرا ! وفي نفس الوقت في قرارة نفسه عايز يجيب حاجة شكلها حلو علشان برستيجه قدام الناس انه جاب عربية و كدة .. و مينفعش تيبقى هاتشباك اوروبي علشان تكفي العيلين الي لسة مولودين وبعدين انت في مصر عارف .. الهاتشباك دي قلة ... السيدان = احترام D:

ومفيش شركة بتحقق المعادلة دي للاسف غير كيا - هيونداي حاليا !

فلا حيبص لمواصفات امان ولا خلافه .. اهم حاجة الدلع ! شكل بقى و كاسيت و مالتي فنكشن و فوج لايت ! شكرا !! هو ده الي هو عايزه !
ولو عايز امان ياعم .. عندك السيراتو و السول ... بال ABS وال ِAIRBAGS و عندك الكارينز !

ده بقى شخص مسؤول من عائلة .. مش حيفرق معاه بقى ان حضرتك قطعته بالمكنة ال SIR ولا ان حضرتك طرت من جنب في مطب هواء و هو اضظر يهدي علشان عربيته مش ثابتة زيك !

العربية بالنسبة له "اداة" او "وسيلة" للنقل ... مش هواية !!
وفي نفس الوقت بعد 5-6 سنين مالقسط يخلص ... حيبيعها ... المرة دي حتجيبله اعلى شوية .. يعني نقول 70 - 80 الف .. .

فحيعرف يخش في الاوروبي شوية لو الاسعار فضلت معقولة ..

علشان كدة حتلاقي ناس كتير و معانا في المنتدى هنا ... ابتدوا مثلا ب 127 و ربنا وفقهم لحد الاوكتافيا !

او ابتدى بفرنا ... و بعدين وصل ل فلوانس ...

الفكرة بقى ان "النقلة" دي او الفئة دي .. هي مبيعات غبور و كيا :)

ياريت تكون فهمتني !