الموضوع: تسارع فيلوستر تربو اوتوماتيك 0 - 100 فى 7 ثوانى

e Respect لكل الردود,
ولا مشاركة مقنعة, محدش جاب حاجة تقول انها (أو هتبقى) Fast-Car؟؟!!!
احنا قولنا (وأثبتنا) انها تفتقد لكل العوامل اللى ممكن تخليها سريعة..
على الأقل تقدر تجارى الأداء السريع (لسه ماقولناش الرياضى) للفئة اللى المفروض انها بتنافس فيها..!!!

ياجماعة بالراحة بس:
هى هيونداى هتجيب الـKnow-How بتاع صناعة السيارات الرياضية منين؟؟؟!!!!!!
لا خبرة سباقات, ولا R&D بتكنولوجى "قادرة" انها تطور Hot-Hatch..؟!!

المشاركة الأصلية كتبت بواسطة yoko

لأ في العربيات التربو ممكن على الrpm الواطي بل بالعكس على الواط أكتر عشان ضغط التربو بيبقى أعلى
وخصوصا في العربيات التربو وفي نفس الوقت الدواسه كهربى فبتعمل عمليه differentiation للسيجنال بتاعت الدوسه فلو دوستك سريعه بتعتبرك عاوز تجري وبتجيب الfull boost من غير ما تجيب أخر الدواسه أصلا
ولو مانيوال زي حالاتي وإنت كنت ماشي على نقله مش مظبوطه 4 على 40 مثلا هتسقف
وده لو البنزين أقل من 95 أو 95 مغشوش

+111
أصلا فـ الـrpm العالى الـECU بترفع الـThreshold بتاع الـknock.. عشان الـTiming/Boost Advance يتحرك فـ Window أعلى,
ومايبادرش بالـSpark/ignition-Retardation فيقلل الـHigh-End..؟؟!!!

لأى درجة بقى: حسب الموتور والـAdvance-Map/Strategy اللى الـECU بتستخدمها (الجدول/الـCurve بتاع الـKnock vs Timing).

المشاركة الأصلية كتبت بواسطة Hosam_Optrawy

معلش لسه ال official متكتبش على اى موقع رسمى لهيونداى لان العربيه لسه مانزلتش فى اى حته غير كوريا من كام يوم , لما تنزل اوروبا وتنزل عالسايت نبقى نتكلم

أمال أرقام الأداء اللى قالها الـCEO بتاع هيونداى دى أيه؟؟؟!!

حاجه كمان

انت ليه حكمت ان خلاص الفيلوستر اخرها كدا , دا اول فيديو يتجرب فيه تسارع العربيه , يعنى ممكن تلاقى فيديو بكره برقم مختلف ويمكن يبقى اقل من 7.3 ( اكيد هاتقول عليه مضروب برضه )


تانى وبتفصيل أكثر:
1- عشان رقم العزم المسئول عن التسارع أقل من الـBenchmark (اللى بتلعب around الـ7 ثوانى) بـ 17-20 نيوتن, وأضيق فـ الـrpm باند..
الجولف6 GTi مثلا بتطلع 280 نيوتن من 1700-5200 rpm
الفوليستر الضفدعة بتطلع 260 نيوتن من 1750-4500 rpm.. لو دققت فـ الأرقام وعرفت الفروق.. هتكتشف انها مش قليلة..؟!!

2- عشان الفتيس أوتو, والفئة دى فتيساتها مانيوال أو Sequential/Dual-Clutch عشان تقدر تقلل فاقد العزم.. وتوصل أكبر باور للعجلات فـ التسارع.

3- عشان مفيهاش Limited-Slip Differential.. اللى يقدر (+ ASR/ESP Off) يوزع العزم على عجلات الدفع حسب الـTraction ويسرع الطلعة بفرق واضح.

4- مفيهاش Launch Control, اللى بياخد Data من كل اللى فات (والـEngine/Drivetrain)
و يخلى الفتيس والـLSD يتحكموا تماما فـ الطلعة وبيفرق أكثر من ثانية كاملة فـ بعض العربيات..!!

ياراجل دا محدش علق على النقطتين دول (LC و LSD)؟؟!!! واضح ان كوريا (والركيبة) مش interested بالحاجات الوحشة دى.. (اللى بتخلى العربية سريعة). ههههههههه

رقم الهورسباور لوحده لا يكفى يا حسام بيه عشان العربية تبقى سريعة؟؟؟!!!!!!


وجوك بس ايه اللى جابها فى الموضوع :) نحصلها ازاى ماهو ادامك العربيه اهى بتجمع فى 7.3 بفتيس اوتوماتيك عادى

ياراجل وانت هتجيبوا الهونضاى للنيسان (فـ الـDrivetrain ونظام الدفع, مش هقول الـCVT).. ولا حتى الموتور الكورى للموتور الـDiG-Turbo اللى نيسان طورته مع رينو؟؟!!!
أنت عارف يعنى أيه Renault تربو؟؟!!!
تسمع عن التربو Era فـ الفورميولا1, ومواتير الرينو-برابهام..؟؟؟!!

المشاركة الأصلية كتبت بواسطة ashouhdy

انا حسبتها على الفيديو طلعت 6.8 6.9 7.4

أستاااااااااااااذ ياشهدى...
خلاص احنا ممكن نخلى الكومنت بتاع اليوتيوب:
Egyptian spec, automatic trans, and Shouhdy Counter. Hardly accurate. Enough said

ههههههههههههههههههه

المشاركة الأصلية كتبت بواسطة mody3on

طب ماهو ال r دي 2000 سي سي وبتطلع 197 حصان , والفيلوستر 1.6 وبتطلع 201 حصان , يعني محرك اصغر في السعة وبيطلع نفس القوة لو مكانش اعلى ! :)

نفس الكلام اللى فات..
الـ2.0 N/A بتاع الهوندا بيطلع 197 حصان,
الـ2.0 N/A بتاع هيونداى-كيا بيطلع 156 حصان.. (عيااااااااااااااان آخر 3-4 حاجات).
لو عايز تقارن يبقى Forced-Induction مع بعض.. زى ماقال سمسم.
مش تقارن Turbo-Charged مع Normal-Aspirated؟؟!!!

المشاركة الأصلية كتبت بواسطة CryptonX

نصيحة بس للاخوة ...
انتم فاهمين السيارة خطأ ..
هيونداي مااعلنتش انها عربية Performance او رياضية ... بتاتا ....

يا جدعان,
أجيبلك 100 Press-Release لهيونداى بتقول انها بتنافس فـ فئة الـHot-Hatch؟؟!!!
يعنى لما يقولوا
فـ أوروبا هتنافس الفوكسهول أسترا تربو/GTC, شيروكو
ولما فـ أمريكا يقولوا هتنافس الجولف GTi والفوكاس ST.. دى يبقى اسمها أيــــــــــه؟؟!!!

المشاركة الأصلية كتبت بواسطة sanhory

و الخميس ده كانت التجربة مع برافو t-jet ال 150 حصان من الثبات
لحاد اخر التاني بيكون البرافو فى الرفرف اللي ورا لل sir (استوك 100%) بالموتور بتاع الشرق الاوسط ال 160 حصان
في النقلة التالته ال sir بيكبر الفرق

المشاركة الأصلية كتبت بواسطة semsem kane

دة اللى حصل معايا بالظبط لما كنت بجرى مع برافو تيربو بس دة كان بعيد عنى بفرق ثلاث عربيات ولحد 160 بالظبط بدأ يبعد من المرايا بفرق اكبر ولحد 190 ماكانش ورايا

دايما الهوندا رافعة راسنا فى اى وقت وقدام اى عربية

أيه التهريج ده يا عم سنهورى انت وسامح؟؟؟!!!
انتو معانا ولا مع الناس الكوريين؟؟ هو ده اللى اتفقنا عليه؟؟!!!
وبعدين هى البرافو "اى عربية" برضه ياسمسم؟؟؟!!!
ركزوا فـ الموضوع يا أساتذة..