رابطة الوحوش ملاك السيفيا (ج3)

**misho2008** · 28-01-2013 01:57 PM

السلام عليكم ورحمة الله جميعا

ربى احفظ مصر واهلها

حبيت انقلكم عملية الصيانة اللى عملتها فى عربيتى سيفيا 2002 مانيوال
سير كاتينة 75 جنية
بليتين كاتينة 120 جنية
سير تكييف ودينامو 50 جنية
فلتر هوا 25
قاعدة موتور امامية 85 اصلى
قاعدة موتور خلفى 250 اصلى
جوان غطا تاكيهات 25

المصنعية 120

**medo_chemist** · 29-01-2013 08:59 AM

يا جماعة السيفيا بتاعتى الى مغلباني بتدأت بتقطع لما بهدي على التالت او التاني اية الى حصل ؟؟؟
سؤال تانى :
هو اية اعراض بداية تلف المساعدين سواء اكان الجوز الامامى او الجوز الخلفي

**zadgo** · 29-01-2013 09:23 AM

السلام عليكم ورحمة الله وبركاته
النهارده الصبح وانا نازل الشغل جيت ادور العربية مدارتش خالص يعنى اللمض اللى فى التابلوة كلها منورة عادى لكن الكونتاكت مش بيلقط معايا خالص فهل ده كده المارش ولا ممكن يكون من البروده ولا ايه
ولو المارش حد يقولى يعمل كام

**Ahmed_Ramadan** · 29-01-2013 12:38 PM

المشاركة الأصلية كتبت بواسطة zadgo

السلام عليكم ورحمة الله وبركاته
النهارده الصبح وانا نازل الشغل جيت ادور العربية مدارتش خالص يعنى اللمض اللى فى التابلوة كلها منورة عادى لكن الكونتاكت مش بيلقط معايا خالص فهل ده كده المارش ولا ممكن يكون من البروده ولا ايه
ولو المارش حد يقولى يعمل كام

مبدأيا البرودة ملهاش دعوة خالص بتشغيل العربية ...اللى عندك ده يا أما مارش يا أما بطارية مش قادرة تقوم يا هتركب كتاوات مارش

**kayson** · 29-01-2013 01:06 PM

اعضاء الرابطة الكرام محتاج مشورة من سيادتكم يمكن يشرفنى بعديها الانضمام الى الرابطة المحترمة قدامى سيفيا اوتوماتيك موديل99 التكييف محتاج كباس و الموتور خفيف شوية و محتاجة جوز كبالن ومحتاجة سمكرة و دوكو و الفرش عايز كسوة دواخلها فابريقة ماعدا الشنب و عايزه اكصدامين و اكرة باب هى الكيلو متر معدى ال200الف ياترى تساوى كام ؟ و هيتصرف عليها تقريبا كام ؟ اسف للاطالة مع خالص الشكر و التقدير لاعضاء الرابطة

**Ahmed_Ramadan** · 29-01-2013 01:29 PM

المشاركة الأصلية كتبت بواسطة kayson

اعضاء الرابطة الكرام محتاج مشورة من سيادتكم يمكن يشرفنى بعديها الانضمام الى الرابطة المحترمة قدامى سيفيا اوتوماتيك موديل99 التكييف محتاج كباس و الموتور خفيف شوية و محتاجة جوز كبالن ومحتاجة سمكرة و دوكو و الفرش عايز كسوة دواخلها فابريقة ماعدا الشنب و عايزه اكصدامين و اكرة باب هى الكيلو متر معدى ال200الف ياترى تساوى كام ؟ و هيتصرف عليها تقريبا كام ؟ اسف للاطالة مع خالص الشكر و التقدير لاعضاء الرابطة

بلاش منها أحسن .... بس هى مطلوب فيها كام و حضرتك عاوز تجيب عربية بكام ؟؟

**kayson** · 29-01-2013 02:20 PM

هى مطلوب فيها 36 وعايز حاجة فى نفس الرينج.شكرا لرد حضرتك يعنى هى هتتكلف كتير عشان كده حضرتك بتنصحنى بلاش منها؟

**gaballa1971** · 29-01-2013 05:42 PM

المشاركة الأصلية كتبت بواسطة kayson

اعضاء الرابطة الكرام محتاج مشورة من سيادتكم يمكن يشرفنى بعديها الانضمام الى الرابطة المحترمة قدامى سيفيا اوتوماتيك موديل99 التكييف محتاج كباس و الموتور خفيف شوية و محتاجة جوز كبالن ومحتاجة سمكرة و دوكو و الفرش عايز كسوة دواخلها فابريقة ماعدا الشنب و عايزه اكصدامين و اكرة باب هى الكيلو متر معدى ال200الف ياترى تساوى كام ؟ و هيتصرف عليها تقريبا كام ؟ اسف للاطالة مع خالص الشكر و التقدير لاعضاء الرابطة

نصيحة بلاش منها هتكلفك كتير ممكن توصل اكتر من سيفيا تانية حالتها محترمة بكده تبقى خسرت وقت ومجهود وفلوس خليك فى الحاجة السالكة

**Ahmed_Ramadan** · 29-01-2013 06:27 PM

المشاركة الأصلية كتبت بواسطة kayson

هى مطلوب فيها 36 وعايز حاجة فى نفس الرينج.شكرا لرد حضرتك يعنى هى هتتكلف كتير عشان كده حضرتك بتنصحنى بلاش منها؟

هى الفكرة أنت هتصرف كتير علشان ترجع العربية و بعدين الكيلو عالى شوية و هتحصل تمن العربية السليمة و العربية السليمة تعمل من 40-41 و أنت طالع

**medo_egypt86** · 29-01-2013 07:52 PM

العربية متبجمعش بسرعة تحس ان فى خنقة وفكة وفى نتشة فى النقلات لما بدوس بنزين جامد مع انى لسه مغيرلها بوجيهات 2 شمعة ان جى كيه وفلتر هواء وفلتر بنزين ونضفت فلتر الفتيس
العربية كيا سيفيا 99 اتوماتيك عاملة 155000 كم
ارجو الرد سريعا