الموضوع: نايل موترز يحسم قرارى فى شراء رينو كليو

فعلا الكلام النظري بيكون فيه الكثير من المبالغة و عدم المصداقية..
نصيحة لو بتسأل على عربية خد رأي ملاكها فقط ..

المشاركة الأصلية كتبت بواسطة Renamr

السلام عليكم أخي أبو عبد الله

أنا اختلف معاك في النقطة دي....15الف يا راجل في 4 سنين!!!! كان زمان كل الناس الي شارية العربية دي رموها في الزبالة
يا جماعة انتو بتجيبو الكلام دة منين؟؟
تعالى نحسبها سوا:

لو هانقول انه في السنة العربية هاتعمل 30 الف كيلو مثلا
يبقى أول سنة لو هو ماشي سليم هيغير فلتر هوا 50 جنيه + فلتر بنزين 50 جنيه +بوجيهات 120 جنيه+100جنيه مصنعية.....بعني اول سنة 400جنيه

في اخر السنة الثانية الي هيجد هو طقم الكاتينة + طلمبة الياه 1100 + ال400 بتوع كل سنة يبقى 1500

السنة الثالثة 1900 .....السنة الرابعة 3000 جنيه!!!!
جيبت منين بقى يا باشا الـ15 الف؟؟

انا لما اشتريت عربيتى مستعملة (100 الف كم ) غيرت الحاجات الرئيسية بس ب500 جنيه ومشيت بيها سنة كاملة زي الفل بدون أي مشاكل خالص
اه صرفت السنة الي بعدها حوالي 5000 جنبه ودة كان تغير لبعض الاشياء الرئيسية مثل طقم الدبرياج ,بلي عجل, عفشة, طنابير ....ما هي برده عاملة 120 الف كم وكل دة نزاهة والله عشان انا محسوك وبحافظ على الحاجة جدا
اسعار قطع الغيار اه غالية ودة حال الجديد كله
فعلا سعر اعادة البيع بيقل كتير جدا...ليه؟ بسبب حاجة زي الي انت قولتها دي "15الف جنيه في اربع سنين" ودة حال الرينو كله مظلوم بسبب الاشاعات دي

يا جماعة مع احترامي الشديد ليكم ياريت نخلي الردود من ملاك رينو فقط لانهم ادرى بيها وبصيانتها

بارك الله فيك وغفر لوالدك ولك وللمسلمين جميعا الاحياء منهم والاموات اللهم اغفر لوالدك وارحمه وادخله فسيح جناتك واغسل خطايه بالماء والثلج والبرد

عمرو عمارة

أولا شكرا لك
ولكن انا هرد على كلام من كلامك انت

انت قولت

وكل دة نزاهة والله عشان انا محسوك وبحافظ على الحاجة جدا

يعني حضرتك ماشاء الله من النوع المحافظ على عربيتك وربنا يباركلك فيها بإذن الله

اما لو كنت لا تهتم قوي او عادي يعني
صدقني مش هتبقى كده خالص
وبعدين انت مشيت بعربيتك 20 الف بس
واحتكرت الكلام على مالكي السيارة فقط
وهذا بالنسبة لي ظلم
لأني العربيه دي مع قريب لي وانا معاه أول بأول في كل حاجه والحمد لله
يعني انا عارف كتير في العربيه والحمد لله
يعني لما تيجي تقولي ملاكها ده حكر بصراحه
لأن مش لازم العربيه تبقى بأسمي علشان اتكلم فيها

اما بخصوص الأسعار اللي حضرتك قولتها
انا مش هفندها ولكن هقولك بس لو الأسعار كانت بالمنظر ده والصيانة سهلة كده
أولا الميكانيكيه اللي بره هيقفلوا من الصبح
ثانيا مكنش العربيه سعر اعادة البيع بتاعتها مش محصلة اللانوس ولا الأكسنت القديمة ولا عربيات كتير جدا

3 الاف جنيه في ثلاث سنين
ده ولا في الأحلام طبعا مع احترامي لك والله
حضرتك العربيه دي مصاريفها عاليه جدا
ده غير اعطالها وانا بأؤكد ان العربيه لها اعطال كهربائية كثيرة
وتسبب في حوادث كمان
وان كانت دي حالة فردية فمن حقي ان اقولها
العربيه في حوالي الستين الف كيلو حصل فيها مشكلة فصل الأر بي ام وانت ماشي يعني تلاقي العربيه وهيا ماشيه تلاقي البنزين فصل ورجع وهكذا
يعني لما تبقى ماشي على سرعه تلاقي العربيه بتهدي وتزود وتهدي وتزود بطريقه عشوائية
ورحنا الوكيل اكتر من مره ومفيش فايده وبعدين اختفت فتره وكنت بحذر قريبي أن الموضوع ده ممكن يعمله حدثه وقد كان لأنه حصلتله تاني وراح الوكيل ومعملوش حاجه في العربيه وهو راجع حصلت معاه راح ميكروباص كان وراه لزق في الشنطه عافانا الله واياكم من هذا

فمعلشي اللي يقول العربيه مفيهاش اعطال وده كلام اشاعات يقولي وانا افرجه على العربيه
ولو حد قال حاله فرديه ما انا برضه ممكن قوله دي حالهفرديه لعربيتك انت لأن استعمالك مش شديد للعربيه وبتحافظ عليها اما لو التبهدلت شويه مش بتستحمل

وياريت يا جماعه تحطوا نفسكم مكاني العربيه موجوده والعطل فيها ومش اول مره ده من زامن وراحت التوكيل مليون مره على الموضوع ده

يعني حالتي الفرديه مع الأشاعات يبقى لازم اصدق ولو شئ من هذه الأشاعات

وشكرا لكم ولكل من رد عليا
وشكرا لدعائكم فلكم جزيل الشكر وعافانا الله واياكم

ما هو خلاص قرر والله يبيعها بجد
وبعدين لأنه مش من النوع المهتم قوي يعني
بمعنى انه من محبي الرينو اصلا كمان وكان كل مره يصبر نفسه والله بجد
ولكن وصلت لحد خلاص