الموضوع: نايل موترز يحسم قرارى فى شراء رينو كليو

المشاركة الأصلية كتبت بواسطة Tyler_Durden

ايه ده انت أفشت ليه كده?
بصرف النظر عن الكلمتين الي في الاول ..انت برضه ماردتش على اي حاجة و كالعادة الكلام المبهم..
انا فعلا ماعرفش في الكليو عشان كده ما بفتيش..انت بقى مادام بتفهم كده فيها ماقلتلناش الخرطوم ده اسمه ايه..والمشكلة اتحلت في التوكيل و لا بره..و النتيجة كانت ايه..واتكلفت كام..
اما بقى عداد ال Rpm الي بيطلع و ينزل لوحده ده فمش عارف اقولك ايه بصراحة..يعني هو راح التوكيل?طب قالوله ايه..طب ايه السبب انه قعد من 60 الف ل 120 الف..يعني على افتراض ان العيب ده موجود فعلا هل التوكيل و الميكانيكية عجزو عن حل هذا اللوغاريتم طيلة 60 الف كيلو..

يا اخي انا مقفشتش ولا حاجه ولكن منبقاش بنتكلم على العربيات وواحد يدخل يقولي انيت مقهور
ده مالهوش علاقة بالعربيه خالص مش كده ولا ايه

عالعموم انت لم ترد على سؤالي
بدل ما تطرح استفهامات جديده
قولي انت المشكلة فين لما انت معاك رينو ومفيش مشاكل كهرباء في بتاعت في في غيرك
وهو ده مقصد الكلام
انك لا تقول ان كل العربيات مفيهاش ولا كلها فيها

المشكلة موجوده واذا كنت بتكذبني فده شئ تاني
وبرضه انا بأؤكد ان العربيه موجوده واللي عاوز يجرب يجرب
وممكن تسألو التوكيل عن الموضوع ده واكيد هيبقوا فاكرينه خصوصا انه من شهر تقريبا اخر مره

اما بخصوص الخرطوم بتاع الهواء فهو اتغير طبعا وعلى حسابه ولكن مش فاكر السعر بالظبط

وفك اللغز مش معانا والله ده مع توكيل العربيه ممكن تسألهم لنه محلهوش مع انهم شافو على الموبايل لأنه اخر ما زهق صورلهم الحركه على الموبايل فيديو

المشاركة الأصلية كتبت بواسطة Tyler_Durden

يعني انت زعلان من مقهور..و بتقولي بدل ما تتهزأ
ياالله ربنا يسامحك

يا اخي الفاضل انا بقول انك بتتهزأ بكلامي وليس كما اشرت مسبقا
وحقك عندي يا اخي

انما قريبك نفسه متعايش معاها بقاله أكتر من ١٢٠ ألف كم

والله يا هشام لها اسباب ولكن شخصيه له ولا استطيع ان اتكلم فيها

السلام عليكم

إيه يا إخوانا دة! أسبكم يومين كدة أجي ألاإيكم ماسكين في خناق بعض!!:):)
لا لا لا....يا Tyler بوس راس أخوك أبو عبدالله.....
ويا أبو عبدالله إنت بقيت شقي أوي على فكرة...يالاه بوس راس أخوك Tyler

يا جماعة صلو على نبينا محمد.......الموضوع ضرب خالص منكم وأنا شايف إن خلاص كل واحد متمسك برأيه بشدة ومافيش حاجة هتتغير......وللعلم إنتو حرقين دمكم وصاحب الموضوع زمانو إشترى BMW من التقطيع الي بيحصل دة

مافيش خناق و لا حاجة ..والله مش متمسك برأيي لأن انا ماقلتش رأي اصلا لان العربيةمش معايا..

الموضوع ان انا لو هاقول رأي في عربية مفروض اقول عيوبها ايه و ايه الاجزاء الي حصل فيها عطل و التوكيل حل المشكلة ازاي والتكلفة ...كده يعني عشان الي بيسأل يستفيد..واحنا هنا في منتدى رينو بنعمل كده و عندنا توبيك بيتكلم عن اعطال الميجان من ملاكها ..

انما الكلام العام من نوع (لا دي عربية وحشة) (اوعى الميجان دي بتنزل تستحمى في الترعة) (حاسب من الجين تو دي عربيه بايظه بترجع وش الفجر) (كليو ايه دي عربية كافرة والي يجيبها هايروح النار)

الرأي والكلام مفروض يبقى محدد عشان الناس تستفيد..زي ما احنا متعودين نعمل في منتدى رينو