ما هو اكثر موقف مضحك وهو سايق او له علاقه بالسيارات

**i_Am_Legend** · 15-07-2010 11:47 PM

انا بقى حصلى موقف كوميدى بس كان هيبقى ممييييت. ماشى بالعربية فى امان الله الساعة 2 بالليل . وانا عندى فتحة سقف جلد فى العربية وكان فى بنت صغيرة اتنطط على السقف وقطمت الاسياخ وبوظت الاجزء الميكانيكية اللى فيها . المهم فجأة الاقى هوا شدييد...وديب زيو -الاقيلك جلد فتحة السقف وقع وراح لابس فى وشى وانا ماشى بتاع 110 وماشى فى الشمال اشيل الجلد مش عارف ضغط الهوا لزقة فى وشى ولا شايف ورايا ولا قدامى رحت شدة كلة راح لابس فى البرابريز من جوة والناس كلها بتعدى من جنبى بتتفرج على الخناقة ..رحت مشغل الانتظار وسيبت الدركسيون خالص.
وقعدت اشد فى الجلد.
لولا ستر ربنا وان زوايا العربية مظبوطة كان حصل بلاوى بس الحمد لله لما سبت الدركسيون كانت ماشية مسطرة.
ومن ساعتها وانا بدعى على البنت الصغيرة العفريتة.
وحشرت الجلد بتاع الفتحة بكرتونة بتيجة لحد ما افضى الاقى سروجى بيفهم.
حد يعرف سروجى بيشتغل فى الفتحة الجلد.

**mohamedhfz** · 15-07-2010 11:51 PM

الموقف التاني
كنت في بيتنا و نايم في اوضتي اللي علي الشارع في امان الله و احنا اساسا في الدور الأول بعد الأرضي و تحتينا كافيه و قدامه رصيف عريض الراجل بيفرش الترابيزات عليه و اسمعلك يا عم وانا نايم علس السرير صوت كاوتش بيصفر علي الأسفلت و صفاره فرمله تانيه و تالته و حاااااااااااااااسب و دششششش و بعدين شتيمه
ببص لقيت عربيه 128 طالعه الرصيف اللي علوه بتاع 40 سم و راشقه في المحل و صاحب الكافيه نايم فوق الكبوت و عمال يشتم في السواق
الكوميدي بقي ان السواق ده طلع واحد صاحبي و كان عامل نفسه محترف سواقه . اول ما شفته طالع من العربيه انا كنت هقع من البلكونه من كتر الضحك لدرجه اللي في الشارع كله قعدوا يضحكوا هما كمان

**mohamedhfz** · 16-07-2010 12:39 AM

اخر موقف
بس ده حصل مع صاحبي و مكونتش معاها بس كان معاه واحد صاحبنا تاني
المهم البيه جايب لانسر جديده و فرحان بيها و بيمشي يرخم علي خلق الله . و هما راجعين من فرح بالليل . في شارع في منطقه وادي حوف مفيهوش غير عمود نور واحد اللي بيشتغل وكمان كان مش شغال في اليوم ده
و صاحبنا حافظ المكان و ماشي و منور الشبوره بس و لقي موتوسيكل جاي في وشه من بعيد فبيقول للتاني بص انا هرعبلك بتاع الدليفري اللي جاي ده
و فعلا هدي شويه و اول ما الموتوسيكل قرب اوي راح مهوشه بالعربيه كأنه هيخبطه و بيكسر عليه و هووووب دشششش لقي نفسه راشق في حاجه
اتاري بقي الموتوسيكل ده طلع عربيه سوده و فانوس واحد بس هو اللي شغال

**Samir Elshahawy** · 16-07-2010 03:05 PM

ما أعتقدش أن القيادة في مصر فيها حاجة تضحك و لكنها ممكن تجيب لك الضغط و شلل الاطفال

**skoda1996** · 16-07-2010 08:02 PM

اليا مواقف كتير بس ما تضحكش
الحمدلله بتعدي علي خير
لكن انا مرة عربيتي عطلت و ركبت تاكسي و السواق شافني واقف جنبي الملاكي بقي فبيتكلم معايا عن العربيات
المهم
بيقولي يا باشا انت بتربط الجزام؟؟؟؟؟؟قلتله اه طبعا عشان امان و ال50 جنيه كتير برده
قالي ضحكو عليك الحزام ده اخترعوه عشان جمجمه الانسان عبارة عن كورة فيها ميه بس تقيله شوية زي زيت العربية كده
و المخ بيعوم جواها لازم تربط الحزام عشان مش كل ما تفرمل او مطب مخك يترجرج
قلتله و تلاقي كل الظباط اللي بيعملو مخالفات الحزام ما يعرفوش و متخيلين نفس السبب اللي في دماغي
ابقو اربطو الحزام بقي عشان مافيش حاجه تترج

**ahmed88hassan** · 16-07-2010 08:30 PM

المشاركة الأصلية كتبت بواسطة shanodaa

كان زجاج السياره عليه بعض التراب وكنت مش كاشف الطريق وكنت ماشي علي الكرنيش وكان بجواري سياره تقودها بنت جميله فقلت لنفسي شغل المساحه وشغل الميه واغسل الزجاج وانت ماشي وفعلا بس اللي حصل ان بزبوز الميه ما كنش مظبوط علي الزجاج كان واحد مظبوط والتانيه جه علي العربيه بتاعه البنت وافتكرت اني بعاكسها وبصت لي بصه وافتكرت اني بعاكسها وكل السيارت ضحكو عليها طبعا كان الطريق ماشي مشي السلحفاء

هههههههههههه
انا بقي صاحبي بيعملها قاصد (البزبووز)

**د.أبونضال** · 16-07-2010 10:05 PM

المشاركة الأصلية كتبت بواسطة ahmed_su

الموقف ده حصلى كنت راكب مع واحد صاحبى من 5سنين او اكتر شوية.... عربيته 128 وكنا وقفين فى

نفق الملك الصالح والاشارة وقفة المهم جاله موبيل واندمج فيه والعربية عمالة تريح منه والعربية المرسيدس اللى ورانا عماله تديله كلاكس ... وبعدين.... دش خبط فيها نزل صاحبها يبص على الفانوس بتاعه اللى اتشرخ فنزل صاحبى واخذ معاه مفاتيح الكونتكت ولاقيته بيدها لصاحب المرسيدس وبيقوله بيعها وهاتلك فانوس ......الراجل نسى اللى حصل لعربيته وفطس من الضحك وانا اعدت اضحك على ضحك الراجل صاحب المرسيدس

أنا ضحكت من قلبي فعلا..... صاحبك ده ذكي فعلا

**Eng_Mostafa_89** · 16-07-2010 11:49 PM

المشاركة الأصلية كتبت بواسطة mohamedhfz

اخر موقف
بس ده حصل مع صاحبي و مكونتش معاها بس كان معاه واحد صاحبنا تاني
المهم البيه جايب لانسر جديده و فرحان بيها و بيمشي يرخم علي خلق الله . و هما راجعين من فرح بالليل . في شارع في منطقه وادي حوف مفيهوش غير عمود نور واحد اللي بيشتغل وكمان كان مش شغال في اليوم ده
و صاحبنا حافظ المكان و ماشي و منور الشبوره بس و لقي موتوسيكل جاي في وشه من بعيد فبيقول للتاني بص انا هرعبلك بتاع الدليفري اللي جاي ده
و فعلا هدي شويه و اول ما الموتوسيكل قرب اوي راح مهوشه بالعربيه كأنه هيخبطه و بيكسر عليه و هووووب دشششش لقي نفسه راشق في حاجه
اتاري بقي الموتوسيكل ده طلع عربيه سوده و فانوس واحد بس هو اللي شغال

مرة عملت موقف شيبة بكدة
كنت ماشي فى شارع رايح جى وضيق ومظلم وكل لما ابص فى المرايا الاقى لمبة راحة جية عيزة تعدينى افتكرتة موتسيكل المهم مكنش فى مقابل جى فشورتلة عدى وهو بيحط بوزة فى جنبي لاقيت نقرة فبصيت فى المرايا لقيت النور بعيد عنى رحت مفادى النقرة وسمعت صوت فرامل ببص جنبى الاقيها بيجو 7 راكب ومعندوش اى نور امامى غير الفانوس الشمال.
الراجل عدة من جنبي وبصلى بصة

**ACC.Eslam Arif** · 17-07-2010 02:27 AM

فى اول اسبوع تعليم السوقة
ولدى قالى اطلع بالعربية من الركنة فى الشارع
عادى
بس قدام العربية مسورة مطافى اللى طلعة من الاض دى
طبيعى ارجع لوره ولكسر عجل شمال قدام واطلع
دايت العربية غيار وفرحان ومستنى العربية ترجع معايا
هوب انا باصص لوره والعربية طلعة لقدام
ههههه طلعت مديها الاول
وانا المفروض اديها r
لولا ستر ربنا كان زمانى مصيف فى الشارع

**mahmoud_afifi** · 19-07-2010 11:41 PM

حصلي موقف كوميدي بس لما بحكيه مش زي لما حصل.
من كام سنه كان ابن خالي جاب بيكانتو لما كانت لسه جديده المهم انا كنت راكب جنبيه و اخويا كان سايق عربية بابا ورانا. ابن خالي كان العربيه لسه جديده وتشجع على انه يجري وهو مجنون اصلا سرعه وكده. المهم بيسألني الطريق ده فيه مطب ؟؟؟؟؟ .... مفيش لسه الواد مخلص السؤال والا الاقيلك العربيه بتطير وبتدببببب في الارض .... قولتله على طول : اااااااه في مطب
والله وقف العربيه وقعد يجري ورايا بتاع خمس دقايق حولين العربيه
اخويا وقف وقعد يضحك علينا وقال : انا كنت ماشي وخير اللهم اجعله خير لقيت حاجه طارت ونزلت عملت شرار
ولغاية دلوقتي لما بنفتكر الموقف ده انا وابن خالي برضه بيجري ورايا

الموضوع: ما هو اكثر موقف مضحك وهو سايق او له علاقه بالسيارات

LinkBack

أدوات الموضوع

عرض

-

-

-

-

-

-

المواضيع المتشابهه

موقف مضحك بجد منقول

موقف مضحك مع واحد جزائرى

موقف مضحك مبكي !! (العهده على الراوي)

الموضوع النهارده مالهوش علاقه بالسيارات (ساندوا)

الكلمات الدلالية لهذا الموضوع

المفضلات

المفضلات

ضوابط المشاركة