انا اللى مش فاهم ولا هما اللى نصابين

**mshmshm3** · 23-04-2012 11:48 PM

محدش بيتعلم ببلاش بعد كدة جرب حاجتك تمام و سليمة ادفع مش سليمة ما تدفعش قالك شوف كهربائي شوف نقاش ماشي ياعم متشكر تعبتك معايا و ماتدفعش مليم احمر و الصح فعلا تروح اي مركز خدمة معتمد

**Mo.Kareem** · 23-04-2012 11:49 PM

المشاركة الأصلية كتبت بواسطة zizo50001

بص للاسف انت اللى غلطان الاول انك عارف ان الميكانيكى على قدة وروحتلة تانى حاجة انك مشيت من عندة و العربية اصلا مش مضبوطة تانى حاجة انك بتدفع الفلوس كلها قبل ما العربية تضبط ودى غلطة كبيرة حاول تروح الاول للمركز تاخد منة الفلوس قولة العربية مش مضبوطة و حاول تطلع منهم اى حاجة

عارف حضرتك الموضوع مش هجيى بالزوق المركز هيقولى العربية جايه بيظة من الاول والموتور فيه مشكلة والفلوس دى بتاع غسيل الرشاشات ، والمكيانيكى الاولانى هيقولى ده شغل كهربا والاتنين هيشتغلونى ، انا عايز بقى حضرتكم تقولولى انى لو اصرفت معهم بقلة ادب يبقى انا مش غلطان

**moh_faheem** · 24-04-2012 12:05 AM

بص نصيحة رقم 1
متسيبش حقك واعمل مصيبة وخد فلوسك من الميكانيكى
نصيحة رقم 2
اوعى تدفع فلوس لاى صنيعى غير لما تجرب العربية وتعمل مشوار بنفسك

**hossam_elwani** · 24-04-2012 12:06 AM

المشاركة الأصلية كتبت بواسطة cdkareem

كلام حضرتك صحيح طبعا ، بس كان لازم اديله فلوس علشان الحاجات اللى اشترها ، وبعدين انا مشكلتى انى بعامل الناس على اساس انهم محترمين وعندهم ضمير ، مش لازم اخون حد ، وانا عارف ان ده مش مظبوط بس والله العظيم انا ديماً بفترض حسن النية ، وكمان العربية اتصلحت يعنى مش هينفع اقوله صلحلى العربية

للاسف فى الزمن ده مفيش كده .......

**eldeep** · 24-04-2012 12:09 AM

أخى الكريم أحتسب ما دفعته لهؤلاء النصابين عند الله لأنك مش هتاخد حاجة منهم لانهم فعلا هيطلعوا بمائة سبب لعدم رد المبلغ وأنهم عملوا شغلهم واليومين دول لا محضر ولا غيره مينفع ومش هتجنى غير وجع الدماغ
رأيى ان حضرتك مش أول ولا أخر واحد هيحصل معاه كده
المهم تطلع بالدروس المستفادة من هذا الموقف أنك لازم تتعامل مع ميكانيكى أمين أولا وشاطر ثانيا

**MOK3336** · 24-04-2012 12:29 AM

أولا مش هينفع تتكلم في فلوس بعد ما دفعت (عشان متهزئش نفسك )
ثانيا انت ايلي غلطان كنت مخلصتش حسابة غير لما كله يبقي تمام
ثالثا اديك اتعلمت و مش هتعمل كده تاني

**mahmoud_anwar** · 24-04-2012 12:38 AM

ياباشا ده طبيعي خد المثل ده مافيش مثل قاله اجددنا ومكنش صح
محدش بيتعلم بي بلاش انا العربيه الجولف الي معايه صرفت عليها دم قلبي
عندنا ميكانيكي في امبابه لا يوصف غير بي كلمه حمار الفولكس بجد خساره انه يكون صنيعي فولكس كرهني في الفولكس اول ما جبتها كانت عربيات 128 بتعدي منها ومكنش بيصلح حاجه وكان بيغير السليم بي السليم
وبعدين رحت الحرافين عند رضا حسيت انه فنان المهم رضا ده كان برضه ظلم انه يكون ميكانيكي انا ارشحه انه يبقا عجلاتي والله العظيم ربنا هيبارك له لو بقا عجلاتي لغايه لما وحد صاحب خالي دلني علي واحد في جسر السويس مابتعملش غير معاه لدرجه ان سعات العربيه مكنتش بتدور مكنتش بروح لي الحمار الي في منطقتنا وكنت اقول انا اجيب حد يقطرني يخدله 100 او 150 احسن ما اروح عند الحمار ويخرب امها واصرف اكتر من ال150 جنيه الي هقطرها بيها

**moh19227** · 24-04-2012 12:40 AM

ياباشا مش لازم تاخد من الميكانيكي فلوس بس خليه يشتغل ف العربيه وبعد متتظبط قوله شكرااا ومتدلوش ولا مليم

**AhMeD MeTwAlY** · 24-04-2012 01:42 AM

حضرتك مش فاهم وهما نصابين
انا متعود علي حاجه قبل ما اروح لميكانيكي اسأل ولدي او عمي او اي حد عنده خبره دا لو اتصلح يتعمل ازاي بيقولي علي الطريقه
بروح للميكانيكي اعملي كذا وكذا وكذا
عملهم مظبوط وحسيت ان العربيه اتظبطت بديله الي يقول عليه ودخلنه
مش مظبوطه بدليه جزئ من المبلغ مقابل تعبه وبس وبقوله العربيه مش مظبوطه اظبطه وانا اديك عيني

**MARTINDALE** · 24-04-2012 02:18 AM

بص يا صاحبي ..... انت اول حاجه تعملها انك تحمد وتشكر فضل ربنا على نعمه تصليح العربيه وانها الحمد لله جت على قد كده ..... ثانيا : انت انسان متعللم ومحترم ومش هينفع لا تروح تبجح ولا تعمل مشكله وتتساوى مع صنايعي وتشتمه ويشتمك .
ثالثا : اعتبرهم مبلغ اتعلمت بيه درس محترم ولعلمك .......... مش هيكون اخر درس .
رابعا وهو الاهم : الراجل الاخراني اللي صلحها لازم تعرف كان فيها ايه وعمل ايه .