عملنا حادثه بالجين تو دمرتها ولكن الحمد لله

**M.Mokhtar** · 11-06-2008 03:18 PM

المشاركة الأصلية كتبت بواسطة meramor81

انهردا جوزى را التامين الصبح وصور الرخص والبوليصه تاعت التامين وصورة المحضر وادهلهم بس فى حاجه بقى قالولو لو هاتصلح تبعنا مش هاتتدفع حاجه بس لو هاتتصلح فى التوكيل هاتتدفع انت كل حاجه وهانديلك شيك بالفلوس بعد شهر او شهر ونصف اول مره اسمع كده وطبعا بيتهيالى العربيه هااتكلف اكتر من 5 الاف جنيه ربنا يعناا اللهم اجرنا فى مصيبتنا يارب
وفى حاجه تانيه اتصل بالتوكيل يبعتلنا ونش يشيلها ولا نجيب ونش منين او عربيه تشيلها ياريت تفيدونى

فعلا لو فى التوكيل انتوا هتدفعوا فى الاول وبعد كده هتاخدوا شيك من التأمين بمبلغ الفاتوره
بس حكاية شهر او شهر ونص دى كتيير اوى
المفروض فى خلال اسبوع او اتنين

المشاركة الأصلية كتبت بواسطة meramor81

وفى حاجه عاوزة اسال عليها هى العربيه هاتترش هو الخبط كله فى الكبوت ولا هايغيرو الصاج لانى خايفه لونها يتغير لما تترش

كده او كده ماتخفيش مش هيفرق اللون عشان ده ليه كود معين وبيطلع نفس اللون بالظبط

المشاركة الأصلية كتبت بواسطة معاذ الشرباصى

الونش حضرتك بتجبيه من اى مكان او بنزينة

ده رقم ونش لبنزينة موبيل اللى فى جسر السويس, على طول كنت بتعامل معاهم:0103895538 او 01022111509

بالنسبة للكبوت, غالبا هيتغير, و هيبقى لونه زى لون العربية تمام

متسمعوش كلام شركة التأمين, لأن شركة بروتون لغاية دلوقت ملهاش مركز خدمة معتمد. هو مركز بس بتاع ابو رواش

يبقى هما ممكن يعملوها اى كلام فى اى ورشة

اعملوها فى التوكيل, حتى لو اخدت وقت اطول

+11111111111111

**okmijn** · 11-06-2008 05:57 PM

المشاركة الأصلية كتبت بواسطة meramor81

[SIZE=5]تفتكروا ياجماعه العربيه هاترجع زى الاول الكبوت هايغيروه احنا التامين بتاعنا تبع البنك العربى تفتكروا هايرعونا ؟؟

الف مليون وحمدلله علي الف سلامتة ويارب يخلهولك ويخليكم كلكم - ويكفينا ويكفيكم شر الطريق

احلي من الاول طبعا ( لازم لأن دي وظيفة الفلوس إلي انتي بتدفعيها في موعدها للتأمين )

وتاني مرة الف مليون سلامة :-)

**SEATLOVER** · 11-06-2008 07:04 PM

الف حمدالله على السلامة ليكى و لزوجك العزيز
قدر الله و ما شاء فعل
وكل حاجة هاترجع إن شاء الله احسن من الاول
اى حاجة فى العربية مش مشكلة ودة اختبار من ربنا و امتحان للصبر
وربنا يبدلكوا خيراً من اللى حصل الف مرة بإذن الله

**tutankhamoun** · 11-06-2008 08:49 PM

ألف سلامة يا ميرامار على سلامة زوجك
و إن شاء الله العربية ترجع أحسن من الأول
و أبقى طمنينا

و تحيا ............ ج . ع . ع ........... هاي هيئ

**hamlet76** · 11-06-2008 09:47 PM

لا حول ولا قوة إلا بالله .. معلش، بس سلامة زوجك أهم من العربية .. وإن شاء الله ربنا هايعوض عليكو

**MohabSaeed** · 11-06-2008 09:49 PM

قدر الله وما شاء فعل .

ربنا يجازى كل انسان بيمشى غلط ويسبب الاذى لغيره .

الحمد لله على سلامه زوج حضرتك .... اهم حاجه سلامته

بالنسبه للتصليح ماتقلقيش نهائى ... العربيه او اتصلحت فى التوكيل " عز العرب " ان شاء الله حترجع زى الاول .... من غير ماتلاحظو اى شئ مختلف .

فعلا انا مع تصليح العربيه فى التوكيل .....علاشان لو اتصلحت بره ... اعتقد ممكن يجيبو اجزاء استيراد ويركبوها وخلاص .

لو مبلغ التصليح متوفر صلحوها فى التوكيل واصرفو المبلغ من شركه التأمين بعد كده .

لو التلفيات حتتكلف كتير والمبلغ مش متوافر . خلى شركه التأمين تتولى التصليح بمعرفتها . لكن عند استلام العربيه لازم تتأكدو انها رجعت سليمه 100 % .

ياريت لو حضرتك تعرفى من شركه التأمين لو صلحوها تبعهم حيصلحوها فين .... وتروحو المركز ده وتشوفو النظام ماشى ازاى .

**bassam nagy** · 11-06-2008 10:22 PM

حمدالله علي سلامة زوجك
وقدر الله وماشاء فعل

**Ghamrawy** · 12-06-2008 12:49 AM

لا حول و لا قوة إلا بالله
الف حمد و شكر لله على سلامة زوجك و ان شاء الله كله يبقى تمام
ممكن اعرف التامين تبع اى شركة يمكن اقدر اساعد
*انا مش معاكم فى موضوع الولد صاحب الموتوسيكل ده

**meramor81** · 12-06-2008 01:03 AM

المشاركة الأصلية كتبت بواسطة gemino

لا حول و لا قوة إلا بالله
الف حمد و شكر لله على سلامة زوجك و ان شاء الله كله يبقى تمام
ممكن اعرف التامين تبع اى شركة يمكن اقدر اساعد
*انا مش معاكم فى موضوع الولد صاحب الموتوسيكل ده

ياريت تقدر تساعدنا اسمها الجمعيه المصريه للتامين التعاونى
مكانها فى العباسيه احسن المفروض يبعتوا مهندس لعز العرب يعاين وفى ناس قالت لنا المهندس ده عقبال مايروح فيها اسبوع او اتنين وعقبال مايصرفوا الفلوس فيها كتير ممكن 3 شهور ياريت تقدر تفيدنا واشكر كل من فى المنتدى لاهتمامه بنا والله فعلا مافيش اجمل من منتدى نايل موتورز

**MohabSaeed** · 12-06-2008 02:28 AM

تأمين الجمعيه .... مقرف جدا فى صرف الفلوس وفعلا بيتأخر جدا على حسب كلام كتير من الاعضاء ..... اله لو ليكو واسطه فى الشركه .

انا فى حيره مش عارف اقولك صلحيها فى التوكيل ... و الفلوس حتتأخر جدا ,
ولا تصلحوها تبع التأمين ... وربنا يسترها .
مش عارف الصراحه ..... بس هو الموضوع محتاج تفكير .
ياريت لو حد جرب تصليح سيارته تبع تأمين الجمعيه يفيدنا اذا كان المركز الى بيصلحو فيهم كويس ولا لا.