الموضوع: حل مشاكل التكييف

المشاركة الأصلية كتبت بواسطة mido51eg

طيب جزاك الله كل خير. انا عندي التكييف مشحون تمام والدورة معمول لها فاكيوم مظبوط ومفيش فقاقيع هواء في فلتر الفريون والثلاجة الخارجية اللي تحت المساحات دي متغطية بلباد عازل ومع ذلك التكييف بيبقى مش اوي اثناء سطوع الشمس. تحديدا في الفترة اللي بتبقى فيها الشمس عمودية يعني تقريبا من الساعة 11 للساعة 4 كده. قبل كده وبعد كده بيبقى ممتاز. لكن اوقات كتير بستعمل العربية بالنهار وببقى مش مبسوط بأداء التكييف. حضرتك تنصحني بأيه؟

مشكلة حضرتك :

1- اول حاجة حضرتك هتغسل السربنتينة كويس جدا من برة ومن جوة

2- اتاكد ان مروحة السربنتينة بقوتها يعنى مش ضعيفة

3- لازم يكون نوع الفريون كويس ( بولندى - انجليزى )

4 - الكباس عندك والراجل بيشحن التكييف لازم يتأكد من مدى قوة ضغطة لان لو الكباس ضعيف هيعمل الاعراض دية بس احنا الاول عايزين نعمل الحاجة السهلة

المشاركة الأصلية كتبت بواسطة man1968

طيب يا باشا انا عندى مشكلة معايا لانوس 1 مفيش هوا ساقع بيطلع خالص لما اشغل الac ومش بحس ان الكومبريسور اشتغل يعنى الموتور مش بيتاثر فعاوز اوصل للعيب هل الكهربا مش واصلة للكومبريسور ولا فى عيب فى الكالاتش
لو ممكن اوصل لسلك التوصيل بتاع الكومبريسور وبيكون راكب فين فيشة الكهربا فى الكومبريسور والف شكر وكل سنة وانتم جميعا طيببين

فيوز الخاص بال a/c بيبقى موجود فى علبة الفيوزات الموجودة داخل الحوض بتاع المحرك حضرتك هتلاقى الرسمة اللى على العلبة موجود كل فيوز وظيفتة وقوتة هتجيب كهربائى يشيك على الفيوز لو لاقة شغال يبقى كدة حاجة من الاتنين يأما سير الكباس اتقطع او الكباس نفسة باظ

المشاركة الأصلية كتبت بواسطة wael ahmed

يا جدعان الحل هوه الفاميه :))))
سمسم باشا انا التكييف عندى من غير الفاميه فى الجو الحلو ده بيبقى مالهوش اى تلاتين لازمه (بياخد وقت كبير علشان يسقع الدنيا )
وحاجه هتجنينى عندى صوت تنفيس طالع من الكمبروسير هموت واعرف ده ايه ؟!! ده لو تنفيس من الدوره كان زمان الفريون بخ ...بس مش لاقيه تفسير :) ده طبعا غير صوت الكركره اللى بتتطلع من الكومبرسيور ;)

مشكلتك دية ان شاء الله هشوفهالك فى المقابلة

المشاركة الأصلية كتبت بواسطة elsheikh2010

فيه ريحة تراب او ريحة وحشة بتطلع من الهوايات لما اشغل المراوح بس من غير ماأشغل التكييف فعلاجها ايه ؟؟؟

الريحة دية عشان تروح ياباشا فية منظف اسمة منظف التكييف بيتجاب وبعد كدة اعمل التكييف على السخن وشغلة خمس دقايق

واهم حاجة تتأكد من جودة فلتر التكييف