دي تاني شركه اقفلها بسبب الثوره ... حسبي الله و نعم الوكيل

**Amrgamal1** · 24-04-2012 10:06 PM

والله انا بردو الشركه بتاعتي انا ووالدي ( شركه هندسه ومقاولات ) وقعت وقعه وحشه اوي بسبب الثورة
كنا داخلين في مشاريع حكوميه والفلوس عماله تتأخر وناس كتير طبعا ليها فلوس
لحد ما تأخير الفلوس من الحكومه اتحول لخسارة كبيرة
ابو ام دي بلد تجيب اللي عايز ينجح لورا

**mohammedabdallh** · 24-04-2012 10:07 PM

المشاركة الأصلية كتبت بواسطة screenplays

ما هي لو المشكله لو العيش بس كنت هقول ماشي لكن في بلاوي زرقه تانيه كتير

انت يائس اوى كدا ليه
شكلى كدا هجوزك قريب علشان اليائس ده يخرج منك

**Screenplays** · 24-04-2012 10:10 PM

المشاركة الأصلية كتبت بواسطة hossam_elwani

انا مقدر الى انت فيه بس ملاحظ فى كل ردودك انك جايب اخرك خلاص من كل حاجه وحالة الاحباط مسيطره عليك تمامااااا

وهنا المشكله لازم تسيب باب للتفاؤل (تفاءلوا خيراً تجدوه)

والا دى بداية الانهيار النفسى بلا رجعه

اذكر الله

اه جبت اخري اه انا مش هكدب

انا اتخرجت في 2008 و اعدت اتفحت و اتهان في الشغل لحد 2010 عشان احوشلي قرشين و فتحت الشركه الحمد لله و في خلال سنه اشتريت عربيه و بقي معايا فلوس في البنك و كل ده من غير ما اخد مليم من اهلي و في الاخر تيجي الثوره تضيعلي كل ده ليه ؟ حرام و الله هي السنتين دول كنت قاعد في التكييف و سرقت الفلوس دي مثلا ؟ و الله حرام تعبي اللي راح علي الفاضي

انا خسرت نص مليون جنيه و انا عندي 24 سنه مش حرام بذمتك ؟ و لو عايزني اقولك انا خسرت المبلغ ده في ايه اقولك مفيش مشكله ده غير عربيتي اللي اتسرقت

و حاولت اطلع تاني بس مفيش فايده السوق كله واقف و الناس بتشتغل نفسها و بس و محدش عايز يشتغل و في الاخر بقيت شاب عويل لا فلوس و لا شغل و لا عربيه

و تقولي انت مكتئب ليه ؟ ما لازم اكتئب علي الفلوس و السنين اللي راحت

**Screenplays** · 24-04-2012 10:15 PM

المشاركة الأصلية كتبت بواسطة amrgamal1

والله انا بردو الشركه بتاعتي انا ووالدي ( شركه هندسه ومقاولات ) وقعت وقعه وحشه اوي بسبب الثورة
كنا داخلين في مشاريع حكوميه والفلوس عماله تتأخر وناس كتير طبعا ليها فلوس
لحد ما تأخير الفلوس من الحكومه اتحول لخسارة كبيرة
ابو ام دي بلد تجيب اللي عايز ينجح لورا

البلد دي مش عايزه اللي ينجح فيها و الله دي عايزه شباب توتو و بنات ....... حسبي الله و نعم الوكيل

المشاركة الأصلية كتبت بواسطة mzeid

لأن مش هينفع تبقى أنت في حالة نفسية صعبة و متضايق و اجي انا ازود عليك
لازم أفكرك ان دايما فيه امل ادعي ربنا ( و ادعيلي معاك بالهداية )
و زي ما قال استاذ حسام تفاءلوا خيرا تجدوه

و بعدين مش ممكن تكون دي وسائل علشان تتعلم منها انك ازاي تحافظ على شركتك قائمة حتى في الازمات :)

يا باشا العملاء معدوش بيدفعوا فلوس هعملهم ايه يعني ؟ هدفعلهم من جيبي مثلا ؟ و بعدين فعلا ترافيك المواقع بقي في الارض بسبب الاخبار و و و و الله انا مش فاهم احنا عملنا ثوره ليه بالظبط ؟

**Screenplays** · 24-04-2012 10:16 PM

شكلى كدا هجوزك قريب علشان اليائس ده يخرج منك

تجوزني ؟ حسبي الله و نعم الوكيل

هو انا لاقي اشرب عشان اتجوز و بعدين بالله عليك و انا راضي ذمتك هل فعلا الواحد يستاهل يتجوز هنا ؟ بعد المزز الاجانب عايزني اتجوز من هنا باماره ايه ؟ حرام عليك احبطتني اكتر ما انا محبط

**yakoot** · 24-04-2012 10:33 PM

فيه حلول كثيرة ( المجال بتاعك مش شرط يكون سوقك داخل مصر ) انتشر فى السوق الخليجى لو قدرت تشوف حد فى السعودية السوق هناك ضخم جدا وشغال كويس وتقدر تعوض خسارتك وانت قاعد من البيت بس اهتم انت بالجودة والمواعيد وحاول تشوف الناس الى كانوا معاك يشتغلوا فرى لانسر من البيت كحل مؤقت لو حضرتك شغال فى التطوير والدعم الفنى
الأمر يسير ان شاء الله

انا صاحب شركة اى تى وبمر بنفس الظروف ولولا ستر الله عز وجل على وانى ليا سوق فى السعودية كنت زمانى قافل الشركة

استعن بالله واصبر واانت مش لوحدك الى انضر بالموضوع دا انا اعرف ناس خسرت ملاييين واعلنوا افلاسهم ومع الإستعانة بالله و اصرارهم وصبرهم ربنا وفقهم واصبحوا من اكبر الشركات فى مجالهم فى الشرق الاوسط

**Screenplays** · 24-04-2012 10:50 PM

و الله تواصلت مع ناس عرب و خلايجه و طلعوا ناس معفنه بامانه مش عايزين يدفعوا فلوس اصلا و هاين عليهم استضيفلهم مواقعهم مجانا عشان يبقوا مبسوطين

**Raul_7** · 24-04-2012 10:50 PM

معلش يا سكرين واللهِ إنت نكدتني بكلامك بعد ماكنت بشوف مواضيعك و اقعد أضحك.

إن شاء الله تفرج قريب....بس قولي إنت مش عايز تشتغل موظف تاني؟

**Screenplays** · 24-04-2012 10:53 PM

هو انا لاقي شغلانه موظف و قلت لا ؟ انا اصلا عايش في المخروبه اللي اسمها بورسعيد و اقل كلمه انها محافظه سرسجيه بجد و خصوصا بعد موضوع ماتش المصري

حاجه تقرف

-

الموضوع: دي تاني شركه اقفلها بسبب الثوره ... حسبي الله و نعم الوكيل

LinkBack

أدوات الموضوع

عرض

-

-

-

-

المواضيع المتشابهه

حسبي الله و نعم الوكيل

حسبي الله و نعم الوكيل

بالصور الاكصدام الالنترا اتكسسر بسبب الغباء ز حسبي الله و نعم الوكيل

4 سنين من عمري في ذمه الله و حسبي الله و نعم الوكيل

عربيتي تدمرت بسبب حفره حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة