معلش بقي هاتمسك ايدك في الخروج شويه
مثال علشان تروح تشي تشي مثلا تاخد واحد شيشه و مشروب هاتخشلك في ٥-٧ دينار
اماكن كويسه زي سفن بارز ده المينيمم شارج ٧ دينار
عشا في مطعم لبناني مش اقل من ١٥ دينار (و البناني هو اللي مطري البلد -مش المطاعم طبعا- و كلك مفهوميه )
بس طبعا فيه ماكدونلدز و برجر كينج و كل الفاست فود و اكمان فيه جاد و فرحات بتاع الحمام فتح من كام شهر في حولي
و برده ممكن تاكل وجبه مكس جريل برده بدينار و نص بس
هو الموضوع قلب علي اكل كده ليه، ماعلينا
الكويت كبلد صغيره بس فيها اماكن خروج كويسه بس معظمها في الكويت سيتي و السالميه زي الافنيوز (اللي هو كارفور عندنا بس اسم تاني)و مارينا مول و دي التاكسي رايح بس ممكن يخبطله حوالي ٣-٤ دينار
بس زي ما فيه الغالي هاتلاقي برده كافيهات معقوله و رخيصه و كمان فيه قهاوي بلدي لو تحب
لان زي ما بقولك المصريين كتير جدا و مستواياتهم متفاوته علي الاخر فاكيد هاتعيش
و الشغل الحكومي احسن من حيث انتظام العمل و المعامله و خلي بالك عامل الحاله النفسيه للمغترب ده من اهم عوامل استمراره في الغربه من عدمه
و من حيث العمل الاضافي كله بيعمل كده بس بصراحه مش عارف ده قانوني ولا لا
و كويس ان السكن و المواصلات و التامين الصحي عليهم و بكده مرتب ال ٣٥٠ دينار فيما فوق يبقي كويس و مش هاتعيش محروم برده
و ربنا يوفقك