هي البنات اتجننت و لا ايه ؟

**Screenplays** · 27-04-2012 09:55 PM

فاكرين صديقي اللي كان عايز يخطب زميلته السوريه اللي معاه في الشغل ؟ ... بعد مشاورات و محاورات مع الست والدته اخيرا وافقت علي مضض و الخطوبه كانت امبارح ... جاتلي الدعوه الصبح علي البيت مع رساله علي الموبايل ... الخطوبه كانت في بورسعيد عشان والدته مش هتعرف تسافر لظروف صحيه ... طبعا قولت مبدهاش ... حلقت دقني ... استشورت شعري ... غسلت سناني بسيجنل تو ههههههههه ... ضربت البدله الطلياني مع البرفان الفرنساوي ... كنت زي الاخ ده بالظبط

في واحد جاري تملي مسافر الخليج و سايبلي السيراتو بتاعته بس طبعا صياناتها و بنزينها علي حسابي ... اخدت العربيه و طرت علي الفرح ... قلبي اتقبض اول ما دخلت القاعه ... بسم الله ما شاء الله و لا حول و لا قوه الا بالله ... العروسه ملكه جمال مع اني الميك اب خفيف ... تشوف بقيت البنات في الفرح تضرب كف علي كف ... و قال ايه امه كانت عايزه تجوزه واحده قريبته ... احلي سلام و تحيه للبنات السوريه ... سلمت و بوست و حضنت ( صحابي طبعا الرجاله ) ... و بعدين قعدت علي طرابيزه مع صحابي ... هنا ابتدت المشكله ... بنات قرايب صحابي ده جم قعدوا معانا ... عادي ... و ماله ... مفيش مشكله ... المشكله اني مكنتش عارف اتكلم كلمتين علي بعض من غير تعليق سخيف من دي او من دي ... واحده منهم قاعده جنب صاحبي كل ما ابصلها اتلاقيها بتغمزلي ... عبيطه دي و لا ايه ؟ ... و لا يمكن عندها التهاب في عينها ؟ هههههههههه ... صاحبي ده قام منها ... اتلاقيت دي جايه تعد جنبي و تتعرف و ترغي معايا ... ماشي عادي ... بس اللي مش ماشي و مش عادي ... انها كانت مخمسه معايا في الكرسي بتاعي ... كلامها صريح ... بدون خجل او رتوش ... هنقول واحده صايعه ... لكن لما تكون كل بنات الفرح بكميه التبرج و الهدوم اللي مهياش هدوم اصلا ... يبقي كده في مشكله في المجتمع ... جينا لفقره الرقص السلو ... انا طبعا قاعد علي الطرابيزه لوحدي لحسن الحظ ... كل واحد اخد القطعه و هاتك يا رقص ... تيجي واحده عايزاني ارقص معاها و انا مليش في الليله دي اصلا ... و لما تصدها يزيد اصرارها ... بجد دي قله ادب ... فين الاهالي ؟ فين الابهات و الامهات ... في الاخر باركت لصاحبي و لعروسته ... بسم الله ما شاء الله و لا حول و لا قوه الا بالله ... شكل تاني و كلام تاني ... لنا الله يا رجاله

**medododo** · 27-04-2012 10:01 PM

هههه
متخفش بعد اللي بيحصل في سوريا هتلاقي مصر اتملت سوريين
ويمكن تظبط معاك العملية
الله يرحم عبد الناصر
ياريت الوحدة فضلت بين مصر وسوريا كان زمان النسل اتحسن أوي خلال 60 سنة دول

**Screenplays** · 27-04-2012 10:04 PM

ههههههههههه من بقك للسما يا رب علي الاقل الواحد يشوف خلق حلوه و هو ماشي في الشارع

انا هنتخب حمدين صباحي يمكن يضم سوريا لينا مش هو ناصري برضه ؟ ههههههههههههه

**medododo** · 27-04-2012 10:14 PM

أنا كمان هنتخبة
بس مجاش في بالي الصراحة السبب ده
بس لو كده أنا هنتخبه 4 مرات حسب الشرع

**Screenplays** · 27-04-2012 10:19 PM

ههههههههههههه

**al_manara** · 27-04-2012 10:25 PM

ياةةةة.
طيب الف مبروك لصاحبك . وعقبالك

**Screenplays** · 27-04-2012 10:30 PM

عقبالي لما يكون في عروسه مشابهه لعروسته مش عروسه من هنا

**Ghosts** · 27-04-2012 11:05 PM

المشاركة الأصلية كتبت بواسطة Screenplays

عقبالي لما يكون في عروسه مشابهه لعروسته مش عروسه من هنا

الشكل الجميل دة شىء يسعد أى راجل فى الدنيا (و خصوصآ الراجل المصرى الغلبان اللى بيعانى من نقص حاد فى الجمال اليومين دول

) ....

لكن طباع و روح الأخوة الشوام بتختلف عننا خاااااااااااااالص ....
يعنى مثلآ مين أجمل سعاد حسنى ولا أليسا؟؟!!

شكلآ طبعآ أليسا لكن روحآ أكيد سعاد حسنى ....
أليسا جميلة بس بااااااااااااردة

و دمها يلطش

....

بالنسبة لى جمال الروح دة شىء مهم جدآ زى جمال الشكل الخارجى ....
للأسف اليومين دول مبقاش فى مصريات كتير بيتمتعن لا بجمال الشكل ولا الروح ولا الأخلاق ....

قولى بقى لو خيروك ما بين واحدة زى سعاد حسنى ولا أليسا هتختار مين عشان تتجوزها؟؟!!
الجميلة جدآ جدآ بس باردة ولا الحلوة النخشة اللى دمها خفيف؟؟!!

**aboomar22** · 28-04-2012 01:45 AM

المشاركة الأصلية كتبت بواسطة ghosts

الشكل الجميل دة شىء يسعد أى راجل فى الدنيا (و خصوصآ الراجل المصرى الغلبان اللى بيعانى من نقص حاد فى الجمال اليومين دول

) ....

لكن طباع و روح الأخوة الشوام بتختلف عننا خاااااااااااااالص ....
يعنى مثلآ مين أجمل سعاد حسنى ولا أليسا؟؟!!

شكلآ طبعآ أليسا لكن روحآ أكيد سعاد حسنى ....
أليسا جميلة بس بااااااااااااردة :copy of majd(2): و دمها يلطش

....

بالنسبة لى جمال الروح دة شىء مهم جدآ زى جمال الشكل الخارجى ....
للأسف اليومين دول مبقاش فى مصريات كتير بيتمتعن لا بجمال الشكل ولا الروح ولا الأخلاق ....

قولى بقى لو خيروك ما بين واحدة زى سعاد حسنى ولا أليسا هتختار مين عشان تتجوزها؟؟!!
الجميلة جدآ جدآ بس باردة ولا الحلوة النخشة اللى دمها خفيف؟؟!!

خد عندك دى بقى على فكرة سعاد حسنى سورية الاصل ابوها كان خطاط سورى محمد حسنى البابا

**Screenplays** · 28-04-2012 02:14 AM

المشاركة الأصلية كتبت بواسطة أحمد كمال

ماهو مش دي النقطة ..... دور عاللي يهنيك و ما تبصش هو قرد و لا غزال ...... و اما يهنيك هيبقى غزال في عينيك حتى لو كان قرد في الحقيقة ...... فهمتني ؟؟؟؟؟ تبقى اولويتك رقم واحد انها تهنيك مش انها تبقى غزال

ماشي بس انا بدور علي غزال و يسعدني في نفس الوقت يعني بدور علي الحاجتين في نفس الوقت

المشاركة الأصلية كتبت بواسطة shaddadfalcon1

موضوع الجمال ده ولا ليه لازمه

لو انت حابب مراتك يبقي شكرا

هات اي واحد متجوز وقرفان وقارن بين حاله وحال مراته في الوقت ده وفي ايام الخطوبه هتلاقيهم كانو ملايكه لكن دلوقتي مش طايقين بعض طيب ليه.؟

اولا : كانوا عايشين بعيد عن بوز بعض
ثانيا : هي شغاله ميك اب و جينزات و توبات
ثالثا : كانوا موهومين انهم بيحبوا بعض

في اسباب بالهبل

المشاركة الأصلية كتبت بواسطة M.Zaher

رجعنا تاني للمواضيع اللى بتقلب على الواحد المواجع

ياخونا ياللى مش متجوزين

اعملوا حسابكم برضه ان فيه ناس متجوزه

ههههههههههههههههههههههههه هههههههههه احسن احسن احسن

المشاركة الأصلية كتبت بواسطة aboomar22

خد عندك دى بقى على فكرة سعاد حسنى سورية الاصل ابوها كان خطاط سورى محمد حسنى البابا

تصدق اول مره اعرف الحوار ده و جمالها فعلا مش مصري

الموضوع: هي البنات اتجننت و لا ايه ؟

LinkBack

أدوات الموضوع

عرض

العرض المتطور

-

-

-

المواضيع المتشابهه

انا اتجننت

انا شكلى اتجننت اكيد اتجننت

يا جماعة انا اتجننت

الكورسا اتجننت

انا اتجننت في عقلي ولا اية

الكلمات الدلالية لهذا الموضوع

المفضلات

المفضلات

ضوابط المشاركة