موضوع جميل ومتميز جدا، ألف شكر
رقم العضوية : 101005
تاريخ التسجيل : 28May2011
المشاركات : 437
النوع : ذكر
الاقامة : الدقي - الجيزه
السيارة: مفيش أولى عشان يبقى في تانية ..
السيارة[2]: Renault Mégane III E2 2012 - راحت خلاص .. الحمد الله على كل شيء
دراجة بخارية: لا يوجد
الحالة :
السلام عليكم ورحمة الله
طبعا احنا عارفين الجنوط ومعظم الناس بتركبها عشان تخلي شكل العربيه أحلى .. وبيعرضوه عشان يزيد من ثابت العربيه .. ده غير طبعا لو عدنك العربيه جايه بعجل حديد ب أكيد الجنوط هتديك تسارع أحسن و ومسافة فرمله اقل .. غير إن التهويه على الفرمل هتبقى أحسن .. طبعا أنا عارف إني مقلتش حاجة جديدة لحد دلوقتي.. واللي جاي برده مش جديد …
بعد ماالواحد فينا يحوشله كام قرش حلوين ويقرر إنه يروح يجيب جنط .. بيبقى رايح على الشكل والخامه ومابيقاش عارف أي حاجة عالمواصفات الجنوط دي… هتقولي هو الجنط ليه مواصفات ؟؟
هاقولك آه .. اللي كل الناس عارفاه من المواصفات هو مقاس القطر بتاعه 15 انش, 16 , 17 .. الخ … بس للاسف في أكتر من كده بكتير الناس متعرفوش … وبعد ماتصرف الحبه الحلوين اللي إنت حوشتهم .. تيجي عند أول مطب من مطبات مصر الجامدة الحلوة دي تلقي العجل بيحك في الرفرف أو تلقي العربيه فيها اهتزاز جامد على سرعة فوق 100 كم ويمكن اقل كمان وممكن تلقي المساعدين ناشفة أو لفه الدركسيون مبقتش زي الاول … طبعا كل ده بسب عوامل تم تغيرها عن الجنوط الاصليه … والمشتري للاسف معرفش ايه اللي اتغير وراح ورا الشكل والمقاس بس …
تعالوا بقى نبص على المواصفات اللي بتبقى مكتوبها على كل الجنوط ومحدش بيعبرها
الجزء الاول :
• (Diameter)القطر : وده طبعا كلنا عارفينه .. اللي هوا 15 انش, 16 انش ..
•(Width)العرض : ده عرض الجنط الداخلي من اول طرف فيه لآخره وبيبقى 5.5 انش , 6.5 انش , 7 انش..
•(BCD/PCD ) قطر دائرة الترباس : ده المسافة مابين كل ترباسين قصاد بعض .. بصراحة صعب شرحها .. الصوره تغني عن ألف كلمه زي ماال مثل الصيني بيقول …
والمسافه دي بتتقاس بالمليمتر وطبعا دي لازم تبقى مظبوطه على الطنابير وألا الجنط مش هيركب من الاساس .. في بعض الجنوط هتلاقي فيها 8 اخرم ودي كل 4 قصاد بعد بمقاس أو 10 وكل 5 بمقاس مختلف.. وإنت بتركب ال بيركب مع المقاس اللي عندك …
لغيه دلوقتي معظم الناس عارفه الكلام دي … ودي الحاجات الظاهره قدامك .. وإنت شايفها …
في بقى حاجات تانيه الناس متعرفش عنها حاجة … وللأسف المشاكل بتيجي منها والناس مش عارفها سببها ايه ..
• Centre Bore/مركز التجويف: ده القطر بتاع الفتحه اللي
بتدخل في المكان اللي بيركب عليه فتحة الجنط وللاسف كل الجنوط مقساتها اكبر من المقاس الاصلي اللي متركب عشان يركبوا على أكتر من عربيه و وحدة قياسها المليمتر
وده معناه إن بعد التركيب الجنط مش هيبقى محمل عالاكس
والترابيس(مسامير) مع بعض .. لأ ده هيبقى على مسامير بس ومع السرعة العاليه ومطبات و الكلام ده .. هتلاقي العربيه بتهز منك جامد جدا جدا …ومع الوقت هتلاقي الترابيس بتفك ومحتاج تربط ...
طب ايه الحل ؟؟
أكيد سمعنا عن الرينجات .. (Centric Hub Ring)
الرينجات دي ممكن تبقى الومينيوم أو بلاستيك وبتتحط في الفراغ الموجود بين الجنط والاكس …
مثلا أنا العربية عندي مقاس مركز التجويف بتعها 66.1 مم .. والجنط الي عايز أجيبه 73 مم .. ده معناه إني محتاج رينجات بالفرق بين المقسين اللي هو 6.9 مم أو 7 مم …
الأفضل إنك تاخد الرينجات من عند اللي بايعلاك الجنط عشان يركبهملك وقت تركيب الجنط وبيبقى شكلها كده
• (Offset or ET)مقياس الأزاحه: دي هي المسافه من منتصف عرض الجنط لغيه دائرة الترابيس وفي تلاثة أنواع منها..
- صفر : المسافه مابين من منتصف عرض الجنط لغيه دائرة الترابيس هي صفر , وده معناه انهم على خط رأسي واحد
- موجب : المسافه مابين من منتصف عرض الجنط لغيه دائرة الترابيس هي موجبه ; ومعناه دائرة الترابيس طالعه لبره الجنط يعني بتقرب من شفة الرفرف وتبعد عن المساعدين
- سالب : المسافه مابين من منتصف عرض الجنط لغيه دائرة الترابيس هي سالبه ; ومعناه دائرة الترابيس داخله لجوه الجنط يعني بتقرب المساعدين وتبعد عن شفة الرفرف
كل العربيات الدفع الأمامي بتركب جنوط ازحتها موجبه وممنوع تركب سالب .. جرب كده ومع اول ملف العربيه هتتقلب
و عامه 99% اللي في مصر موجب ...
معظم السيارة بيبقى الجنوط الأماميه والخلفيه مقياس الأزاحه بتعهم واحد عشان المصنع يوفر شوية .. بس لو مختلفين يبقى لازم تلزم بيهم ..
طب يحصل ايه لو جبت جنوط مقياس الأزاحه بتعها مختلف عن الاصلي… هيحصل الاتي :
- لو مقياس الأزاحه اقل من الاصلي .. يبقى الجنط هيبعد عن المساعدين ويقرب من شفة الرفرف .. ولو العربيه مش عاليه كفايه بعد التغيير.. العجل هيحك شفة الرفرف من بره
- لو مقياس الأزاحه أكتر من الاصلي .. يبقى الجنط هيبعد عن شفة الرفرف ويقرب من المساعدين .. ولو العربيه برده مش عاليه كفايه بعد التغيير.. العجل هيحك في الرفرف من جوه ويمكن يوص إنه يحك في اجزاء التعليق الداخليه من جوه ..
- لو إنت حظك حلو .. مش هيحصل حاجة من دول
وطبعا كل المقايس دي على أساس إن العرض واحد
طب ايه الحل ؟؟
الحل إنك تلتزم بالمقياس الاصلي .. والعرض الاصلي أو تجيب اقرب حاجة ليه سواء موجب أو سالب.. 2 مم أو 1 مم مش هيفرق .. بس 15مم أو أكتر ممكن يفرقه جامد ..
التغير المسموح بيه بحد اقصي هو 10 مم عشان تبقى واثق إن إن شاء الله مش هيحصل مشاكل ..
أو إنك تستخدم فواصل بالفرق في المقياس .. يعني مثلا لو الجنط الاصلي 45+ والجديد +30 .. يبقى إنت محتاج
فواصل +15 مم عشان ترجع زي الاصلي ..
وبصراحة أنا مابنصحش تركبها لأن مع الوقت هتاكل في الطنابير مع الإحتكاك وهاتعمل ازمه ..
لو عايز تعرض الجنط يبقى لازم تحسبها صح (جبنه President) صح الصح) ... محدش يعلق عليها
… لأن العرض دخال في الحسبه... يعني مش تعرض الجنط وتجيب نفس مقياس الأزاحه …
ممكن تدخل تشوف الموقع ده .. هيديك مقياس تقريبي
Wheel Offset Calculator
طب يا ترى ال كلام ده كله فين ؟؟؟؟
الكلام ده هتلقيه في الجنط من جوه محفور عليه .. وفي اغلب الاوقات البايعين ميعرفوش عن الكلام ده حاجة …
الجزء الثاني :
في معظم الحالات لو كبرت مقاس الجنط , يبقى لازم تغير الكاوتش بس مش مجرد إنك تغير وخلاص .. لازم تجيب المقاس ال مظبوط طب ليه ؟؟؟
عشان لازم يبقى مجموع قطر الجنط + الكاوتش هو هو نفس القطر القديم وألا قراية عدد السرعة مش هتبقى صح …
مثلا : العربيه عندي 205/65 R15 وده معناه إن العرض بتاع الكاوتش 205 مم وسمك )بضم السين ( الحائط بتاع العجل 65% من ال 205 مم و القطر الداخلي 15 انش .. طب دلوقتي أنا عايز جنوط 17 ... يبقى اعمل ايه ؟؟
أكيد لازم اقلل ال 65 % دي .. فـهتبقى 55% .. بالتقريب كده كل لما تزود الجنط 1 انش هـتقلل 5% ده لو إنت على نفس العرض .. لأن زي ماقلنا دي نسبه مئويه من العرض ..
والموقع ده هيساعد كتير لو عايز تحسبها …
Tire size calculator
واتمني إني اكون أفدتكم وأي سؤال أنا موجود :)
رقم العضوية : 108530
تاريخ التسجيل : 25Jul2011
المشاركات : 7,215
النوع : ذكر
الاقامة : القاهرة
السيارة: NON
السيارة[2]: نيسان صني
دراجة بخارية: لا يوجد
الحالة :
موضوع جميل ومتميز جدا، ألف شكر
رقم العضوية : 42143
تاريخ التسجيل : 09Jun2009
المشاركات : 861
النوع : ذكر
الاقامة : Hellwan
السيارة: كفاية واحدة
السيارة[2]: HONDA CIVIC 93
دراجة بخارية: مبحبهاش
الحالة :
شكرا على المعلومات القيمة
والشرح الوافى
لازم يكـــون عنــــدك حنكــــة؟؟؟
إلا هـــو يعنـــى ايـــة حنكـــة!!!!
hamdymsr سابقا
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
موضوع ممتاز
مفيش حد بيطبق المعايير دى حتى عند اكبر بائعى الجنوط والكاوتش كله عايز يبيع وخلاص انت الى المفروض تكون مذاكر عشان ما ينضحكش عليك وترجع تانى تغرم تغيير من اول وجديد
المفروض اى محل جنوط يكون عنده برنامج لحساب الدناه دى عشان مايحصلش خلل
رقم العضوية : 101005
تاريخ التسجيل : 28May2011
المشاركات : 437
النوع : ذكر
الاقامة : الدقي - الجيزه
السيارة: مفيش أولى عشان يبقى في تانية ..
السيارة[2]: Renault Mégane III E2 2012 - راحت خلاص .. الحمد الله على كل شيء
دراجة بخارية: لا يوجد
الحالة :
ماهو بصراحة أنا قعد أفهم الكلام ده بعد ماواحد صاحبي اتلسع ... وقلت لازم الناس تعرف الكلام ده ...قبل متروح تشتري .. وتبقى عارف البديل لو مش عند بتاع الجنوط اللي إنت عايزه ...
و شكرا على مرور الاعضاء الكرام .. :)
رقم العضوية : 74580
تاريخ التسجيل : 04Jul2010
المشاركات : 795
النوع : ذكر
الاقامة : Giza Haram
السيارة: HONDA CIVIC
السيارة[2]: FIAT 125 / VOLVO 244 GL / MAZDA 323
دراجة بخارية: no
الحالة :
بارك الله فيك وجزاك الله كل خير تسلم ايدك
[frame="5 80"]العضو رقم (11) فى وحووش الهونداوية {عصابة الهوندا المفترية سابقاً }
[/frame]<!-- google_ad_section_end -->
رقم العضوية : 99402
تاريخ التسجيل : 17May2011
المشاركات : 125
النوع : ذكر
الاقامة : elmansoura
السيارة: chev lanos2010
السيارة[2]: peugeot
دراجة بخارية: no
الحالة :
شكرا علي الايضاح شرح وافي وممتاز وجميل
رقم العضوية : 45064
تاريخ التسجيل : 18Aug2009
المشاركات : 5,052
النوع : ذكر
الاقامة : القاهره
السيارة: BMW isa
السيارة[2]: Lancer boma 2010
دراجة بخارية: مش بحبهم
الحالة :
مشكوررر جدااااا على المجهود الرائع ده
[rmade]http://nileup.com/up/uploads/nilemotors_13672356391.jpg[/rmade]
Eldell only 1
رقم العضوية : 21729
تاريخ التسجيل : 10Oct2008
المشاركات : 299
النوع : ذكر
الاقامة : El Haram
السيارة: هيونداى اكسنت
السيارة[2]: سيارة الشعب 128
دراجة بخارية: no
الحالة :
lمجهود رائع شكرا جدا على المشاركة
رقم العضوية : 43004
تاريخ التسجيل : 30Jun2009
المشاركات : 224
النوع : ذكر
الاقامة : El Mohndseen
السيارة: Punto Classic 2011
السيارة[2]: Hyndai New Accent
دراجة بخارية: لا يوجد
الحالة :
موضوع ممتاز و مجهود رائع
المفضلات