شكل الموتور كده رزع :(

**amr_adel00** · 07-05-2012 08:33 PM

المشاركة الأصلية كتبت بواسطة propagaanda

يمكن فهمت غلط...عالعموم حصل خير
هو إعتقاد و أنا متفق معاه ... إن الفتيس الأوتوماتيك مش بتاع حرق و بيحافظ على الموتور لأن نقلته على 3 rpm ....
ودايما اللي بيحبوا الجري مش بيركبوا أوتوماتيك لأنهم المهم عندهم الراحة مش السحب و الشد و الكلام ده
كمان الفتيس الأوتوماتيك الموتور بتاعه مضمون إنه من بره لأن 98% من اللانوس في مصر مانيوال
إقتراحي: هات 1500 2 كامة "موتور حلو جدا بشهادة ناس كتير و إستهلاكه و سحبه أحسن من الكامة الواحدة"

يا باشا انا متشكر جدا على المعلومات القيمه دى و طبعا متشكر على رأيك بردوه :)
بس انا هريح دماغى و ان شاء الله هجيب موتور كامه واحده زى العندى و خلاص..
اما بخصوص مانيوال و اوتوماتيك فالموضوع ده فى ناس كتيير موافقه على وجهة نظرك و فى ناس كتير بردوه بتقول مش هتفرق
المهم فى الاخر الحاله يا مستر

**walaaeldeen** · 09-05-2012 07:33 PM

السلام عليكم
معلش عندي سؤال بالنسبه للمحرك ال1500 اثنين كامه و1600 استهلاكهم للبنزين عامل ازاي وهل قطع الغيار متوفره وهل يتم عمل اى تعديل لقواعد المحرك او اي تعديل في حوض السياره ولا بيركب علي القواعد القديمه
والله المستعان

**amr_adel00** · 10-05-2012 02:18 AM

يا جماعه انا الحمد لله جيبت خلاص الموتور و ركبته و دورته خلاص :) جيبته ال1500 الكامه الواحده مو 2000
لما دارت المكنه و استقرت شويه اتبسط الميكانيكى منها ومن صوتها و قالى كويسه المكنه دى سيبها دايره شويه بس..
كنا احنا طبعا جيبنه زيوت للمكنه و الباور و الفتيس علشان لما نجرب المكنه..
بس البوبينه اللى جت فى المكنه طلعت بايزه و خدت اللى كانت ركبه فى المكنه القديمه.
انا حبيت بس يا جماعه اقولكم انا عملت ايه فى القصه بتاعتى اللى كانت حاصله بس ليا سؤالين بعد اذنكم
1- التصرف يبقى ازاى مع الموتور اللى ركب جديد ده ؟؟ من ناحية المشى و الجرى و الحرق كده يعنى ؟؟ مع مراعاة ان الموتور ممكن يكون بقاله كتييييييير مشتغلش..
2- هل ليا الحق فى انى ارجع للتاجر واغير البوبينه منه ؟؟
لكم جزيل الشكر يا رجالة الدايو كلكم :)