المقاس المثالي للاطارات ال 17 " في الميجان

**momo10000** · 12-06-2008 12:32 PM

اصدقائي الاعزاء

حاببب انقل ليكم نتيجة تركيب الجنوط ال 17" علي الميجان

قمت بتركيب مقاس 17/ 45 /215 والمقاس المفروض اللي يركب في الكتالوج 17/ 50/205

النتيجة ان عفشة العربية اصبحت نشفة جدا جدا وغير ومريحة وبتدبدب في المطبات ودة طبعا نتيجة ان البروفايل كان 45 ودة اتسبب في دمار

المساعدين الامامية ورغم ان كنت عارف ان ممكن دة كان يحصل من الاول لكن قلت ممكن المقاس يأدي الغرض ولكن للاسف منفعش تماما بلاضافة

ان الفراغ اللي بين هيكل العربية والاطارات كان كبير جدا لدرجة ملحوظه وخلي الجنط كانة 15 مش 17 لان الداير بتاع الميجان كبير.

اضطريت اسفاَ اغير المقاس الي 17 /50 / 215 والوضع اتغير تماما.... نعومة في المطبات مفيش دبدبة ..العربية ارتاحت جدا ..والفراغ

الكبير اختفي ولوالعربية فيها 3راكبين وراء مفيش اي احتكاك بين الرفارف والاطارات والوضع طبيعي جدا ومريح والمنظر جميل والحمد لله.

ارجو اني وضحت من خلال التجربة دي ان لازم يكون المقاس 17/ 50/ 215 واي حاجة غير المقاس دة حيولد مشكلة .

شكرا
1

**farahat** · 12-06-2008 12:58 PM

طيب و نوع الكوتش في الحالتين كان إيه ؟ أصل دة كمان أكيد ليه تأثير

**fahd_628** · 12-06-2008 12:59 PM

الف مبرووووووووووك

طيب ممكن صورة للجنط

**Ramy_Tantawi** · 12-06-2008 01:08 PM

شكراً جزيلاً على مشاركتنا التجربه وجزاك الله خير . والف مبروك ان الوضع الحمد لله رجع للطبيعي وكله تمام ويارب دايما .........لو ممكن حضرتك تكلمنا شويه عن الجنوط اكتر لئني بفكر جدياً في الجنوط بس مستني اتأكد هل هاتفرق في استابيلتي العربيه ولا مش اوي والكلام ده كله.

**momo10000** · 12-06-2008 03:02 PM

متشكر جدا يا جماعه علي الردود واحنا كلنا اخوة والحمد للة

بالنسبة لنوع الكاوتش في المرة الاولي كان كومهو وللاسف ان اسوا نوع في المقاس دة هو الكومهو ،

الخامة ضعيفة يعني اي مطب جامد تلاقي بالونة طلعت عالطول ، وصوت الضوضاء بتاعها عالي جدا

ودة عشان كدة سعرها رخيص حوالي 425 جنية وللعلم الشركة الام لكومهو بتنزل خامة رديئة للشرق

الاوسط غير الخامات الممتازة جدا جدا اللي بتنزلها في الخليج او اوربا.

المرة التانية كان ( اكسيليرا ) اندونيسي سعر 550 للمقاس الجديد ، لكن المقاس القديم نفس السعر مع

الكومهو لكن المرة دي كان ليها ضمان من اشرفكو في حكاية البالونات والضوضاء حتي 40.000 كم

وانا من زمان جدا بتعامل مع اشرفكو وعارف شغلهم شكلة اية واثق فيهم تماما من تجاربي السابقة كلها.

اما الانواع التانية زي بيريللي وميشلان وجوديير بردجستون ودانلوب سعر الفردة من 1000 جنية

واطلع فوق.

وانا اضطريت اجيب الكاوتش بالاسعار دي عشان الجنط كان غالي شوية 4800 جنية + 1700

كاوتش المرة الاولي ومكملش شهرين وبعد كدة غيرت وجبت الكاوتس الجديد ب 2200 فالعملية كبرت

شويتين.

وصورة الجنط حبعتها عالطول بناء علي طلب الغالي فهد.

بالنسبة لاستفسار رامي باشا علي الاستابليتي فدة بيرجع لعرض الكاوتش ومقاس الجنط

كل ما زاد العرض يعني 225/ 235/245 للكاوتش مع جنط 17 او 18 عرض 6 او 6.5

انش كل ما حيزيد الاستابليتي بشكل رهيب في الغرز والملفات الصعبة والكلام دة عن تجارب شخصية

بحتة. لكن لازم تكون القيادة بحذر شديد في المطبات والملفات عشان متحملش علي العفشة وتبوظها.

ارجو اني اكون وضحت الصورة علي اقد ما اقدر.

شكرا