حصري لنايل موتورز .. نيسان تيم يقدمون .. نتائج اختبارات قيادة نيسان قاشقاى الاتوماتيك

http://img829.imageshack.us/img829/7500/pppd1copy.jpg

http://img718.imageshack.us/img718/5...bccopycopy.jpg

http://img855.imageshack.us/img855/6...161004copy.jpg

http://img338.imageshack.us/img338/5...161039copy.jpg

http://img694.imageshack.us/img694/4...182042copy.jpg

http://img201.imageshack.us/img201/9...181938copy.jpg

http://img155.imageshack.us/img155/1...cf8620copy.jpg

http://img96.imageshack.us/img96/102...195509copy.jpg

http://img708.imageshack.us/img708/5...182528copy.jpg

نتائج اختبار قيادة نيسان قاشقاى اتومايتك
فى معرض دندى مول الصحراوى لنيسان ايجيبت

التقييمات تم تجميعها من نيسان تيم
والتصوير بواستطى
وتنسيق الموضوع

نترككم مع التقيمات والتجربة

http://img38.imageshack.us/img38/826/badge1copy.jpg

:: ahmed.tv ::

الثبات
==
تشعر مع بالثبات والاتزان .. فى المناورات .. على سرعات 120/130
وكنا راكبين 4 فى العربية وكنا مستمتعين ولا فى اى قلق يذكر
وكنا نسير على طريق ابورواش ومنطلق على سرعة 140وثابتة جدا

درجة التقييم

9/10

الفرامل
==
الفرامل عند السير على سرعة 110 سرعة الاستجابة اكثر من رائعة وتستجيب معك فى اقل وقت وبسرعة جداااااا وبقوة

درجة التقييم

9/10

الماتور
==
ماتور محترم .. ماتور hr16 من المواتير المحترمة والقوية ولا تفقد عزمها بسهولة

ماتور القاشقاى من الجيل الثانى لمواتير hr16 عشان السى فى تى وادخال بعض التعديلات والتحديثات عليه
حيث يحتوى على ديول انجكشن .. حيث يعطى تسارع قوى
مع صوت مش هادئ ووفرةفى استهلاك البنزين

وبخصوص التسارع .. نفس الشعور عند قيادة الجوك
حيث عند وضع الثبات .. تشعر وان السيارة لاتنطلق بقوة وعند الوصول الى سرعة 60 فيما فوق حتحس بالسرعة
ومع ذلك
والمفاجاة القاشقاى تستطيع الوصول من 0 الى 100 فى حوالى 11.5 ثانية
والتيدا التى امتلكها تصل فى حوالى 10.5 ثانية
فالفرق مش كثير .. مع الاخذ فى الاعتبار ان القاشقاى اثقل وزنا
لكن كما وضحت من قبل هو ليس اكثر انه شعور .. لان هذا نظام السى فى تى لاتشعر معه باى نقلات للفتيس
سحب العربية جيد جدا .. وتشعر انك راكب بساط ريح
لانك لاتشعر بالسرعة التى تسير عليها وسوف تفاجا انك تسير 140

درجة التقييم

9/10

الباور
==
الباور ناعم كعادة الباور الكهرباء مع العلم وزن السيارة 1400 او 1350 على ما اتذكر والجنوط 17
وبيفصل على سرعات بعد ال120

درجة التقييم

9/10

العزل
==
صوت الماتور مش مسموع وهادى .. وعند الضغط على دواسة البنزين تشعر معه بالاحساس الرياضى ولا يوجد اى ازعاج او ضجيج

وعزل الاصوات الخارجية الطريق رائع جدا .. عند غلق الزجاج .. وكنت جالس فى الخلف .. ومن كثرة الهدوء كنت حستغرق فى النوم .. ولكن احمد .. من تجربته للسيارة فوقت.. لانه تعامل مع السيارة بعنف .. لاجل تجربة ثبات السيارة

درجة التقييم

9.5/10

العفشة
==
كسائق .. وكراكب امامى وكراكب خلفى ممتازة .. وتمص الصدمات بشكل ناعمولاتشعر معها باى دب فى العفشة لان العفشة مالتى لينك وهى اميز ما فى السيارة

درجة التقييم

9/10

التقفيل
==
التقفل محترم وجيد جدا.. وتشعرمعه بوجودة التقفيل الانجليزى العالى فى الاتقان

درجة التقييم

8.5/10

الصالون
==
الجلوس بالنسبة للقيادة كسائق مريح جدا و الصالون تقفيله رائع وواسع ولكن ليس فى اتساع التيدا لان القاشقاى فئة مختلفة عن التيدا .. حيث انها فئة كروس اوفر

شكل العدادت مريح للعين كاضاءة

البانوراما .. تعتبر خيال علمى
اذا كان هناك نظارة 3d وعندما تنظر الى الطيور واى شى طائر فى السماء يمكنك ان تشعر انك طائر معه

تقفيل الصالون جيد جدا تشعر معه بخامة التقفيل الانجليزى المتقن

درجة التقييم

9/10

الشكل
==
العربية شكلها الخارجى جيد جدا .. وشكل السيارة برستيج هادئ وجميل جدا
مع شكل الفوانيس الشرسة واحساس شكل سيارات الدفع الرباعى

درجة التقييم

8.5/10

كراكب امامى
==
كنت قااعد مستمتع بالجلوس جدااا بجانب السائق .. وارتفاع السيارة شعرت بيه وانا كراكب .. فى منتهى الروعة والاحساس بالراحة

كراكب خلفى
==
تشعر بفخامة المقصورة كلها وانت جالس فى الخلف مع الراحة فى الجلوس
كنت جالس مرتاح جدا وطولى 178

احساس الراكب الخلفى مختلف جدا عن اللى جالس فى المقصورة الامامية
حيستمتع بالبانوراما اكثر وحيشعر انه فى عالم تانى من الخيال والهدوء
وحينسى الطريق ويشعر انه فى كوكب اخر مع منظر البانوراما وكما وضحت
من قبل كدا ناقص للراكب الخلفى نظارة 3d

الرؤية
==
الرؤية فى مرايات الصالون .. لا تشعر معها بكشف رؤية الطريق بنسبة كبيرة
ولو هناك 3 افراد جالسين فى الخلف .. لا تستطيع ان تشاهد الطريق بيسر لان الزجاج الخلفى مش بدرجة كبيرة من الاتساع
ولكن
مرايات الاجناب كبيرة جدا .. وتكشف الطريق بنسبة كبيرة جدا من الايضاح

درجة التقييم

8/10

التكيف
==
حدث ولا حرج .. تكيف قوى ويصل الى درجة التبريد بسرعة .. ولايؤثر على السحب اطلاقا وكنا فى العربية 4 افراد

التكيف ديول .. يستطيع كل راكب امامى تعديل درجة الحرارة اللى تناسبه

درجة التقييم

9/10

كنت اتمنى
==
ان تكون مجهزة بمرايات ضم وبلوتوث وكروز كنترول وesp
وسعرها اذا وصل الى 190 الف .. سوف تكون صفقة ممتازة

ومع ذلك امكانيات السيارة مع سعرها الحالى ب175 الف يعتبر منافس جدا وممتاز

http://img835.imageshack.us/img835/9688/badge6copy.jpg

:: ahmedzong ::

قشقاي 1.6 اوتوماتيك cvt xtronic عاملة 1300 كيلو .. السيارة لسة في التايين لسة معملتش صيانة الالف ..

التقييم في كذا نقطة .. و النتيجة من 10 لكل نقطة :

1 . الشكل
2. الموتور
3.العفشة
4.الفرامل
5.الثبات
6.راحة الجلوس
7.الوسع الداخلي
8.التقفيل
9. الرؤية و الإضاءة

الشكل
==
العربية ليست بضخمة اوييييييي خارجيا .. لكن مع الركوب تحس إنك راكب عربية ضخمة مع الجنط 17 و كاوتش high profile مديك إحساس بالعظمة

درجة التقييم
< 9 من 10 >

التقفيل
==
أول ماتدخل العربية تحس بالفخامة و جودة الصناعة .. واضح إن التقفيل الانجليزي ليس بهين تماما .. تقفيل محترم لكل شيء الكرسي , التابلوه , الصاج , الموتور , العزل كل شيء ..

درجة التقييم
< 10 من 10 >

الموتور
==
ليس ضعيف بالمرة زي مالناس فاكرة .. مع إن العربية مايقرب وزنها من 1400 كيلو ..

واحنا ماشيين قلنا نختبر السيارة .. مع العلم ان السيارة في التاليين .. وراكبين 4 اشخاص اقل واحد 80 كيلو و أكثر واحد مقرب من 110 كيلو .. جربنا من 0 ل 100 طلعت في 11 ثانية طبعا رقم تحفة بـ فتيس cvt .. و ما شاء الله صوته هادي جدا ..

درجة التقييم
< 9 من 10 >

العفشة
==
أكثر من رائعة .. ولا تحس باي شيء نهائي .. ولا خبط ولا رزع .. بصراحة عفشة محترمة
ومبسوط انها مالتى لينك

درجة التقييم
< 10 من 10 >

راحة الجلوس
==
العربية مريحة اويييي بدرجة مستفزة هههههههههههه ..

درجة التقييم
< 10 من 10 >

الوسع الداخلي
==
واسعة جدا ما شاء الله .. العربية تاخد مرتاحة قوي 4 اشخاص كبار الحجم + واحد متوسط الحجم .. كلهم يقعدوا مرتاحين .

درجة التقييم
< 9 من 10 >

الثبات
==
العربية عالية عن الارض صح .. بس ماتحسه كده نهائي لما تاخد غرزة ولا ملف حااااااد على 120 أو 140 .. بصراحة العربية قفشة في الارض ولا الهوا مع إنها سيارة cross over ..

درجة التقييم
< 9 من 10 >

الفرامل
==
أول مرة تعجبني فرامل سيارة بعد الصني بصراحة .. عليها فرامل ايييييييييييه اسد .. في كل شيء وقوف متوسط و قوي و ملفات .. بصراحة توزيع قوة الفرامل تحفة ..

درجة التقييم
< 10 من 10 >

الرؤية و الإضاءة
==
شايف الطريق بكل وضوح جانبيا و أماميا .. الإضاءة روعة بصراحة ..

درجة التقييم
< 9 من 10 > ..

في المجمل يا جماعة العربية فعلا روعة .. اوعوا تستخسره فيها الفلوووووووووووسسسسسسسسس

http://img684.imageshack.us/img684/8500/badge7copy.jpg

:: bassam hafez ::

اولا انا راكب تيدا سيدان اوتوماتيك عادية مش سي في تي واول مرة في حياتي اجرب عربيه سي في تي

ها ابدا اولا باحساسي من ساعت ما شوفت العربيه عشان اركبها واجربها

اولا تحس بالفخامه وانت داخل على العربيه والبساطه في نفس الوقت بحسها عامله زي رجل الاعمال المتواضع

ثانيا ركوب العربيه : تحس انك راكب فور باي فور عشان الارتفاع بتاعها حلو قوي
ولوحه العدادات البيضا مع الشاشه الكبيرة اللي فيها كل حاجه عن العربيه بتدي احساس بالراحه والتفاؤل

وكمان السقف البانوراما مدي احساس بالوسع والانطلاق
وخصوصا اللي قاعد ورا بيبقى شايف السما كلها من غير ما يرفع راسه فوق بصراحه منظر تحفه

ووسع العربيه من ورا كويس جدا طبعا مش زي التيدا بس بالنسبه للفئه دي جميل جدا والشنطه تحفه... ده كان احساسي بالعربيه اول ما ركبتها

نيجي بقى للسواقه

انا اول ماطلعت بالعربيه ماشي مستنيها تنقل ما فيش فايده ما هي سي في تي بقى ما فيييييييش نقلات تحس ان العربيه بساط ماشي

بس انا استغربت سواقتها لاني واخد على الاوتو العادي يعني العربيه بتجري من غير ما تقولك لكن في الاوتو العادي لما بتجري بتحس بتسقيطه النقله والشده بتاعه الغيار
وانا هنا مش هاقدر اقول مين الاحسن العادي ولا السي في تي لان الموضوع في الاول والاخر راجع للسائق واحساسه بالعربيه زي المقارنه زمان بين المانيوال والاوتوماتيك العادي وعلى فكرة انا زمان ما كنتش بطيق اسوق اوتوماتيك لكن بعد ما جربته ومع تطورة احساسي اختلف وممكن ده يحصل معايا في السي في تي بعد تجربته عده مرات واتقان طرقه التعامل معاه لانه مش زي الاوتو العادي خالص دي حاجه ودي حاجه فلازم تبقى حاطط في دماغك وانت بتجرب انها غير الاوتوماتيك العادي
بس اكتر حاجه لفتت نظري ان انت لو مش باصص على العداد ممكن تسرح بالعربيه

نيجي بقى للعفشه :

العربيه عفشتها تحفه متينه والعربيه مش بتعوم وانا جربت اكسر الدريكسيون يمين وشمال جامد العربيه ماسكه نفسها وفي المطبات مريحه جدا لدرجه اني لاحظت اني ماشي على سرعه 50 كيلو على ارض مدغدغه ومش حاسس ونفس الارض دي لو بعربيتي ها مشي على 20 واشغل انتظار

بصراحه شايف العربيه

ممتازة بالنسبه لعائله متوسطه او كبيرة بس حاسس ان العربيه دي ناقصها مثبت سرعه وبلوتوث وسينسور بارك وتبقى تحفه فنيه
وبالتوفيق للي عايز يشترها انه مش ها يندم

http://img525.imageshack.us/img525/3...6formecopy.jpg

:: Amr2004IBM ::

اولا:- الانطباع الاول ( الشكل من الخارج)

السياره تعجبك شكلها منذ الوهله الاولى حيث يصلك انطباع هجومى من شكل وتصميم الفوانيس الاماميه والكابوت وهذا من احد مميزات شكل هذه السياره ناهيك عن تصميموها الخلفى العصرى الذى يعطيك احساس السيارات الدفع الرباعى وبذالك تكون انطباع عام بانك ستركب سياره شرسه وقويه

ثانيا :- من الداخل
ستكتشف من الوهله الاولى بمدى فخامه المقصوره من الداخل ابتداءا من الفرش وحتى الطبلوه وسنتناول كل نقطه على حدى كالتالى:-

1- الكراسى والفرش تجد انها صنعت من جوده عاليه غير مسبوقه من نيسان مما يتناسب مع قيمه هذه السياره

2- التابلوه هو الاخر جودته ممتازه تنعكس فيه جوده التقفيل الانجليزى العريق وكذلك تصميمه الشيك السهل حيث تستطيع ان تصل لكل الادوات التى وضعتها نيسان لتمتع بهذه السياره بكل سهوله ويسر وكذالك يتسم بالوضوح والفخامه وخاصتا العدادات التى تتميز بالاضاءه البيضاء المريحه والشاشه الرقميه التى وضعتعا نيسان فى المنتصف بين العدادات المتصله بكومبيوتر السياره لتوضح للسائق العديد مما يحدث فى السياره ( وقد شرحه صديقونا العزيز احمد مصطفى بالفيديو شرح وافى). وكذالك التكيف الجبار الذى تشتهر به نيسان قد طورته فى هذه السياره حيث تستطيع ان تتحكم فى درجه حراره الجنب الايمن عن الجنب الايسر وهذا بسهوله ويسر

3- وضع الجلوس والرؤيه من داخل المقصوره بنسبه لكل من ( السائق - الراكب بجانب السائق - الراكب الخلفى )

أ- السائق
بنسبه للسائق تستطيع ان تتحكم فى ارتفاع وانخفاص الكرسى ووضعه فى اى اتجاه مما يتيح راحه واكثر متعه للقياده. اما بنسبه للرويه ستجدها بنوراميه جميله تكشف الطريق كله وكذلك ابعاد السياره الاماميه بسهوله والخلفيه من خلال المرايات

ب:- بنسبه للراكب بجانب السائق
عندما جلست بجانب السائق احسست باننى ىاشاركه متعت القياده والرؤيه الاماميه المميزه الجميله الكاشفه للطريق وتصميم الالمرتفع للسياره يضفى على هذا الاحساس فخر وغرور وتميز عن باقى الذين يحيطون بيك من راكبى السيارات

ج:- بنسبه للراكب الخلفى
كراكب خلفى سعدت جدا بجلوس الخلفى حيث الوسع والرحابه اكثر ما يميز الجلوس الخلفى نهيك عن الرؤيه الرائعه البنوراميه للسقف حيث ان كل السقف مكشوف بذجاج المعالج ضدد الكسر الذى يحقق المتعه بالرؤيه الجميله والاضائه المريحه داخل المقصوره والامان فى نفس ذات الوقت

ثالثا :- وضع التخزين
بنسبه لشنطه الخلفيه تتسم بالاتساع وامكانيه وضع الكثير من الاغراض وهذا يعطى ميزه لقانطى هذه السياره وخاصتا الراغبين فى السفر الكثير والرحلات
وكذالك اماكن التخزين الكثيره الموجوده داخل المقصوره سواء كانت فى الابواب او القنصول الموجود فى المنتصف بين السائق و الراكب او الموجوده فى الطبلوه

رابعا:- اثناء القياده
وسنتحدث عن ( السحب- الفرامل- نظام التعليق)

1:- السحب والتسارع
نجد منذ الوهله الاولى الاختلاف الواضح بين الفتيس الاوتوماتيك العادى والcvt فى اسلوب القياده حيث ان الاخير عند الضغط على البنزين بضريقه فجائيه نجد بطا نسبى فى التسارع من وضع الثبات وعلى العكس تماما عندما نضغض على البنزين من بعد سرعه 60 كيلو ميتر نجد تسارعها سريع وسلس ويميز هذا الفتيس بانك لاتحس ابدا بنقلات اى لا توجد النتشه المعروفه فى الفيتيس العادى
وفى مجمل الامر يصل اليك بانك تقود سياره ذو موتور قوى وفعال

2- الفرامل
الفرامل فعلا فعلا قويه جدا وسلسه وتحقق الوقوف المطلوب فى الوقت المناسب واقل

3- نظام التعليق
وهذا اكثر ما اعجبنى فى هذه السياره حقيقتا وقد اصررنا ان نقود السياره على طريق وعر مليء بالمصبات والحفر المصريه الشهيره ووجدنا مدى استجابه السياره وتعاملها مع تلك الطرق حيث ان نظام التعليق فعلا له القدره على امتصاص الصدمات ليحول وصولها الى الراكب لدرجه ان بعض الحفر الصقيره والدخداغات كن نكاد لانشعر بها تماما

ولذلك انا احى نيسان على هذا التصميم واتمنى ان تعممه على

===============

فى النهاية
اتمنى ان يكون تقيم القاشقاى يحوز على اعجابكم
وانتظروا تقارير الاعضاء عن الجوك قريبا

وتقبلوا وافر تحيات
نيسان تيم جميعا

والله ربنا يجزيكم خير جميعاً ونعم الناس ، وكأني جيت وجربت العربية معاكم بالظبط ، والله طمنتوا قلبي ، كده أبيع الجتز وأنا مطمن وأخش علي الباشا الكبير ، بجد مفيش كلمة شكر توفيكم غير الله يجازيكم كل الخير

يا فندم تنور .. طبعا
وربنا يخليك على تقديرك الطيب
بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله

اقتباس:

---

المشاركة الأصلية كتبت بواسطة Ahmed.TV

بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله

---

هههههههههههههه أنت تاااااااااااني ..

بلاش أنت والنبي يا بتاع القولون هعهعهعهعهعه :Copy of m-s5:

تسلم اديكوا و مجهود جبار لكم جزيل الشكر عليه
عقبال ما تعملو تست دريف ل نيسان z
او gtr
اكيد حيكون مختلف جدا جدا

تقيم ممتاز وشرح وافى لكل جزءفى السياره الله ينور عليك يا ابو حميد

اقتباس:

---

المشاركة الأصلية كتبت بواسطة Ahmed.TV

يا فندم تنور .. طبعا
وربنا يخليك على تقديرك الطيب
بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله

---

ياباشا دي تحصلها الف بركة ، ده اقل حاجة ممكن نردهلكم مقابل المعلومات اللي بتجلنا على طبق فضة دي، ياسيدي فداكوا العربية نجيب تاني هتغلى عليكوا يعني ؟؟؟؟
انا شوفت كذا واحد في حدائق الأهرام معاهم القشقاي وبصراحة كنت عايز أسألهم أنتوا نايل موتورز ولا لأ بس اتحرجت أنا مشكلتي إني خجول حبتين :shyy:

ايه التقييمات الجميلة ديه .. بجد انتوا حسستوني اني انا اللي عملت التيست درايف ده .. بشكرك يا احمد علي تنسيق الموضوع بالطريقة السلسة ديه و بشكرك كمان علي تقييمك و تقييم بسام و عمرو و احمد زونج .. متشكر يا جماعة علي تعبكوا و علي سرد تقييمكم .. بس انتوا نسيتوا تحطوا تقييم عمر بقي دا كلام يعني :)))))))))))

انا عايز افكر الاعضاء كمان بالمواضيع الرائعة الخاصة بالجميلة قشقاي عشان تلاقوا كل المعلومات المطلوبة عن العربية في اللينكات ديه

http://www.nilemotors.net/Nile/270419-175.html



http://www.nilemotors.net/Nile/219747-a.html



http://www.nilemotors.net/Nile/19766...post3873238928



http://www.nilemotors.net/Nile/238374-a.html



http://www.nilemotors.net/Nile/232895-a.html



http://www.nilemotors.net/Nile/234685-a.html


و طبعا ً مش هننسي المواضيع الرائعة للقشقاي في فهرس القسم


http://www.nilemotors.net/Nile/163656-a.html


....................................

و عايز اقول لكم بقي علي خبر جامد جدا جدا و هو :
احتفل العاملون في مصنع "نيسان" فى اوائل العام الماضى 2011 بمدينة سندرلاند البريطانية بإنتاج السيارة "قشقاي" رقم مليون ، لتكون أنجح سيارة يتم تصنيعها في تاريخ إنتاج السيارات في بريطانيا. كما أن مصنع سندرلاند يعتبر أنجح مصنع لطراز "قشقاي" في العالم، إذ توفق إنتاجها على معدل إنجاب المواليد في بريطانيا بأكملها. و علي فكرة بيتم إنتاج سيارة "قشقاي" كل دقيقة واحدة ما يعني إنتاج 1200 سيارة في اليوم يتم تصديرها إلى 97 دولة على مستوى العالم. و اكيد من ساعة نزول الخبر ده .. اكيد انتاج العربية زاد .. وكمان العربية بتنافس فى اوروبا منافسة شرسة
انا حبيت انقل ليكم الخبر الجميل ده عشان تعرفوا فعلا العربية ديه مبهرة اد ايه

صراحة مليون شكر على التقرير الاكثر من رائع و ربنا يبارك فيكوا بجد و يبارك للى هيشترى العربية انما سؤال هل السقف البانوراما ده بيتقفل و لا لا

الموضوع فوق الممتاز كالعادة يا ريتنى كنت معاكم
العربية الصراحة جميلة و جامدة جدا
بصراحة فاتنى كتيير قوى , يلا تتعوض فى عربيات تانية

موضوع وشغل ممتاز جدا - مش لاقي كلام اقدر اقوله اكتر من الي قالوه الرجاله - جزاكم الله كل الخير على الجمال والشرح ده - ان شاء الله هابيع النيسان صني سوبر صالون واجيب القاشقاي في اقرب فرصه - كنت اتمنى لو كان في حد جرب الكيا سبورتاج بنفسه وكذلك القاشقاي ويقولنا رايه بصراحه وامانه

ميه ميه يا ابو حميد على تنسيقك للتقارير وعجبانى اوى ID TAG الى فيه صورتنا ياريت الفكره دى نعممها على user name لكل عضو فى القسم
انا تقيمي للسياره حقيقى بدون مبالغه 9/10 وكان نفسى اديها 10/10 ولكن الكمال لله وحده بس العربيه تستاهل
تحيه لشركه نيسان على هذه السياره وتسويقها فى مصر

جزاكم الله كل خير يارجاله
وكده الواحد مش محتاج يعمل تست دريف بنفسه لان بصراحه انتواوافيتوا وكفيتوا والله
تقيمات اكثر من رائعه وعربيات سوبر مومغريه جدا
خطوه ممتازه من نيسان مصر ودعايه ممتازه لعربيات اكثر من رائعه

تقرير اكثر من رائع لعربية جميييييييييييييييلة

ما شاء الله
ايه الحلاوة و الجمال ده بجد تقرير اكثر من رائع
و روعته ليست في انكم اعطيتم السيارة تقدير عام يصل ل 9 / 10
بل في روعة شرحكم و لروعة عرضكم و تنسيقكم للتفاصيل
و لحيادتكم الكاملة في كل كبيرة و صغيرة
و مع اني عمال احضر في تقرير علي ادي بقالي 20 يوم اهه
الا انني قررت الا اعرضه امام ما شاهدته عيني الان فلن استطيع ان ازيد حرفا واحدا عما كتبوه بل بالعكس اري اني سوف انزل الان ابحث عمن يسوق لي السيارة لكي اجلس بالخلف مثلكم لكي اجرب الاحساس الذي وصلكم و لم يصلني بعد حتي الان هههههههه
الف تحية و تقدير لكل الاخوة الافاضل المشاركين في التقرير

تسلم ايديكم و علي فكرة انتم بهذا التقرير اصبحتم في ( رابطة ملاك القشقاي ) فهذا شرف لنا

و تحياتي لكم دائما بالتقدم و الرقي

م.حاتم السباعي

تقرير جميل

تقرير اكثر من رائع وسيارة تستاهل مبيعات اكتر من كده

بس متاكدين ان القعده في الكنبه الخلفيه مريحه؟
اصل انا حسيت انها ضيقه خصوصا بالمقارنه بالسبورتاج او حتي التيريوس!

اقتباس:

---

المشاركة الأصلية كتبت بواسطة tamohsen

بس متاكدين ان القعده في الكنبه الخلفيه مريحه؟
اصل انا حسيت انها ضيقه خصوصا بالمقارنه بالسبورتاج او حتي التيريوس!

---

الاخ الكريم
انا حين كنت ابحث عن سيارة و بقارن ركبت القشقاي و ركبت السبورتاج و لم احس بفارق في الكنبة الخلفية وقتها
و لكن بصفتي احد ملاك التريوس القدامي و هي كانت معي قبل القشقاي فبالطبع التريوس المساحة اكبر و الاتساع اكبر و الارتفاع اكبر و كل هذا بيأتي للاسف الشيد علي حساب عدم ثبات في الملفات او السرعات العالية و كان الارتفاع الداخلي اللي ايضا بيعطي احساس اكبر بالاتساع كان بيضر السيارة في الاحساس بالثبات و احتكاكها بالهواء الخارجي
عموما انصح اي احد ان يركب كل سيارة منهم اكثر من مرة لكي يقارن بينهم قبل الشراء
و الله الموفق
تحياتي لحضرتك

م.حاتم السباعي

تسلم ايديكوا على التقرير الجامد دة

الله ينور عليكو بجد..........
تقرير اكثر من رائع و مستوفي لكل تسأل الواحد ممكن يسأله عن العربيه
ربنا يوفق الجميع و اللي نفسه فيها يعرف يجيبها انشاء الله .

هل ممكن تركيب كروز كنترول فى التوكيل ؟

اقتباس:

---

المشاركة الأصلية كتبت بواسطة mohaismail

هل ممكن تركيب كروز كنترول فى التوكيل ؟

---

اعتقد انه مش سهل لان الموضوع ليه علاقه بكنترول العربيه وبما انه مش نازل فيها يبقى هي غير مجهزة لكده وهاتضطر تغير حاجات كتير عشان يركب والتوكيل مش بيعمل كده

على سبيل المثال بالنسبه للتيدا هي بتنزل برة فيها كروز وعند سؤال التوكيل عن امكانيه تركيبه رد بالكلام اللي فوق

انا معايا ثمن x1بس العربية دية خلتني افكر تاني ومحدش يقولي دية كاتجوري تاني خالص

اقتباس:

---

المشاركة الأصلية كتبت بواسطة hagan

ما شاء الله
ايه الحلاوة و الجمال ده بجد تقرير اكثر من رائع
و روعته ليست في انكم اعطيتم السيارة تقدير عام يصل ل 9 / 10
بل في روعة شرحكم و لروعة عرضكم و تنسيقكم للتفاصيل
و لحيادتكم الكاملة في كل كبيرة و صغيرة
و مع اني عمال احضر في تقرير علي ادي بقالي 20 يوم اهه
الا انني قررت الا اعرضه امام ما شاهدته عيني الان فلن استطيع ان ازيد حرفا واحدا عما كتبوه بل بالعكس اري اني سوف انزل الان ابحث عمن يسوق لي السيارة لكي اجلس بالخلف مثلكم لكي اجرب الاحساس الذي وصلكم و لم يصلني بعد حتي الان هههههههه
الف تحية و تقدير لكل الاخوة الافاضل المشاركين في التقرير

تسلم ايديكم و علي فكرة انتم بهذا التقرير اصبحتم في ( رابطة ملاك القشقاي ) فهذا شرف لنا

و تحياتي لكم دائما بالتقدم و الرقي

م.حاتم السباعي

---

يارب نكون من ملاك القاشقاى .. واحنا ساعتها نعمل مليون رابطة
وتسلم على تقديرك يا باشمهندس .. المهم بقا بردوا فى تقريركككككككككككككككك

اقتباس:

---

المشاركة الأصلية كتبت بواسطة amr2004ibm

ميه ميه يا ابو حميد على تنسيقك للتقارير وعجبانى اوى id tag الى فيه صورتنا ياريت الفكره دى نعممها على user name لكل عضو فى القسم
انا تقيمي للسياره حقيقى بدون مبالغه 9/10 وكان نفسى اديها 10/10 ولكن الكمال لله وحده بس العربيه تستاهل
تحيه لشركه نيسان على هذه السياره وتسويقها فى مصر

---

تسلم ياعمرو عجبنى نقدك جداااااا بصراحة
واى تيست دريف من هنا ورايح حتكون اساسى فيه
واكيد المرة الجاية حيكون افضل وباحتراف اكتر

اقتباس:

---

المشاركة الأصلية كتبت بواسطة mohaismail

هل ممكن تركيب كروز كنترول فى التوكيل ؟

---

صعب جدااااااااااااا ..

اقتباس:

---

المشاركة الأصلية كتبت بواسطة ahmed.tv

يارب نكون من ملاك القاشقاى .. واحنا ساعتها نعمل مليون رابطة
وتسلم على تقديرك يا باشمهندس .. المهم بقا بردوا فى تقريركككككككككككككككك

---

ربنا يخليك و يحفظك يا استاذ احمد و انت تشرف اي مكان تتواجد به بل المفروض ان تكون علي رأسه و في مقدمته
و ان شاء الله عندي ميعاد صيانة ال 1000 في اوتو ايجيبت صباح الاثنين و ان شاء الله بعد عمل الصيانة سوف افعل تقرير كامل بأذن الله و يا رب يرتقي للعرض في قسم نيسان المتميز
تحياتي لحضرتك

م.حاتم السباعي

انا مراتى كانت بتفاضل بين القاشقاى والسبورتاج وانا اصريت انها تجيب القاشقاى الأوتوماتيك عشان يابانى مع ان السبورتاج احلى شكلا مليون مره وبعد سواقتها احب اقولكم ان كل الكلام اللى فوق صحيح 100%
العربيه ما شاء الله اكثر من ممتازة بس لسه مش قادر اتعود على الفتيس ال سي فى تى لأن عربيتى اوتوماتيك عادى وانا مش باسوق عربيتها كتير ولكن انا رحت بيها السويس عشان الين بسرعه وكنت ماشى 120 وكان ال ار بى ام ما بين 2000 و 2200 فقط مع انه فى عربيتى بيبقى 3200 على نفس السرعه وده خلى استهلاك البنزين ما شاء الله 270 فى الصفيحة فى الطوالى رغم وزن العربية وده بسبب الفتيس اللى نيسان بتقول عليه انه افضل ما انتجت (بس برضه لسه باحاول افهمه) علما بأنى لسه فى التليين ومش عارف اقرص على الموتور ولكن بعد صيانة الألف هاجيب اخرة عشان افتح الموتور
تحياتى لكل من ساهم فى هذا التقرير الرائع للسياره الرائعه قاشقاى

بسم الله ماشاء الله .. 2000 اربى ام على 120
والبنزين فى الطوالى 270 فى الصفيحة ..
الله اكبر بسم الله ماشاء الله .. عربية محترمة

:Bravo::Bravo::Bravo:
بصراحة يا رجالة ده احلى تقرير قريته من اول السنة دى فى المنتدى كله وقسم نيسان خاصة
تحياتى لكل واحد فيكم جميعا من اللى جربوا ونقلولنا تجربتهم (ابو حميد - بسام - احمد محمود - عمرو) الى التجميعة الهايلة اللى اضافها بيشوى
وفعلا كل حرف كتبتوه صحيح 100% واى حد مختلف معاه اتحداه انه يغير كلامه لما يركب العربية دى ويجربها
واخيرا ... حسبى الله ونعم الوكيل فى الحمرانى اللى حرمنى من ركوب القاشقاى فى السعودية :stink[1]::stink[1]::stink[1]:

اقتباس:

---

المشاركة الأصلية كتبت بواسطة nezamy

انا مراتى كانت بتفاضل بين القاشقاى والسبورتاج وانا اصريت انها تجيب القاشقاى الأوتوماتيك عشان يابانى مع ان السبورتاج احلى شكلا مليون مره وبعد سواقتها احب اقولكم ان كل الكلام اللى فوق صحيح 100%
العربيه ما شاء الله اكثر من ممتازة بس لسه مش قادر اتعود على الفتيس ال سي فى تى لأن عربيتى اوتوماتيك عادى وانا مش باسوق عربيتها كتير ولكن انا رحت بيها السويس عشان الين بسرعه وكنت ماشى 120 وكان ال ار بى ام ما بين 2000 و 2200 فقط مع انه فى عربيتى بيبقى 3200 على نفس السرعه وده خلى استهلاك البنزين ما شاء الله 270 فى الصفيحة فى الطوالى رغم وزن العربية وده بسبب الفتيس اللى نيسان بتقول عليه انه افضل ما انتجت (بس برضه لسه باحاول افهمه) علما بأنى لسه فى التليين ومش عارف اقرص على الموتور ولكن بعد صيانة الألف هاجيب اخرة عشان افتح الموتور
تحياتى لكل من ساهم فى هذا التقرير الرائع للسياره الرائعه قاشقاى

---

باهنيك على حسن اختيارك وفعلا القاشقاى من وجهة نظرى تكسب اجمالا برغم الكماليات الناقصة اللى فيها لكن الثبات والفرامل والاداء والتكييف والفتيس والتقفيل الانجيليزى والبانوراما الكامل بدون فاصل وغيرها يكسب السبورتاج (امتلكها) صاحبة الشكل الخارجى الاكثر جاذبية والرحابة الداخلية والكاميرا والباركنج سنسور والمرايات الضم بغمازات والليدات الامامية وفتيس ال6 سرعات .. على فكرة انا معايا برضه باجيب 120 على 2000 ار بى ام و140-150 على 2500 على الغيار السادس
وعشان تفهم اكتر الفتيس الcvt اقرا الموضوع التالى انا كنت عامله من فترة هايفيدك كتير
http://www.nilemotors.net/Nile/27146...nsmission.html

متتتتتتتتتتتتتتتتابع

حرااااااااااام عليكم كدة
إية التقرير اللي مالوش حل دة
بجد تقرير جااااااااااااااامد جامد

اقتباس:

---

المشاركة الأصلية كتبت بواسطة y2y1500

:bravo::bravo::bravo:

بصراحة يا رجالة ده احلى تقرير قريته من اول السنة دى فى المنتدى كله وقسم نيسان خاصة
تحياتى لكل واحد فيكم جميعا من اللى جربوا ونقلولنا تجربتهم (ابو حميد - بسام - احمد محمود - عمرو) الى التجميعة الهايلة اللى اضافها بيشوى
وفعلا كل حرف كتبتوه صحيح 100% واى حد مختلف معاه اتحداه انه يغير كلامه لما يركب العربية دى ويجربها
واخيرا ... حسبى الله ونعم الوكيل فى الحمرانى اللى حرمنى من ركوب القاشقاى فى السعودية :stink[1]::stink[1]::stink[1]:

باهنيك على حسن اختيارك وفعلا القاشقاى من وجهة نظرى تكسب اجمالا برغم الكماليات الناقصة اللى فيها لكن الثبات والفرامل والاداء والتكييف والفتيس والتقفيل الانجيليزى والبانوراما الكامل بدون فاصل وغيرها يكسب السبورتاج (امتلكها) صاحبة الشكل الخارجى الاكثر جاذبية والرحابة الداخلية والكاميرا والباركنج سنسور والمرايات الضم بغمازات والليدات الامامية وفتيس ال6 سرعات .. على فكرة انا معايا برضه باجيب 120 على 2000 ار بى ام و140-150 على 2500 على الغيار السادس
وعشان تفهم اكتر الفتيس الcvt اقرا الموضوع التالى انا كنت عامله من فترة هايفيدك كتير
http://www.nilemotors.net/nile/27146...nsmission.html

---

ايه ده يا كبير .. جبت سبورتاج من ورانا .. مش تقول .. احكلنا عنها مقارنة بالكلام اللى كابينه عن القاشقاى

والف مليون مبروك .. ووحشنا كتيرررررررررر

صقوووووووووووووور نيسان....أجمد تقرير قريته من أول ما دخلت المندى بجد حاجة احترافية روعة...

أنا خلاص أقنعت الوالد و ان شاء الله نبيع الفلوانس و ندوووووووووووس في القشقاي....التقرير أكثر من رائع...ربنا يباركلكم فعلا

اقتباس:

---

المشاركة الأصلية كتبت بواسطة Ahmed.TV

ايه ده يا كبير .. جبت سبورتاج من ورانا .. مش تقول .. احكلنا عنها مقارنة بالكلام اللى كابينه عن القاشقاى

والف مليون مبروك .. ووحشنا كتيرررررررررر

---

الله يبارك فيك ..
وانتم كمان وحشتونى كلكم :stink[1]:

وبالنسبة للمقارنة ادخل على الموضوع التالى لمعرفة الفروقات بين القاشقاى والسبورتاج
http://www.nilemotors.net/Nile/287715-a.html

او اقرا المشاركة دى:

اقتباس:

---

المشاركة الأصلية كتبت بواسطة Y2Y1500

نصيحة أخ لأخوه شيل الكارينز من المقارنة وخليك فى المفاضلة بين القاشقاى والسبورتاج

تقييمى المتواضع للعربيتين علما لأنى قمت بتجربة قيادة للقاشقاى مانيوال 1600 فى مصر وامتلك حاليا سبورتاج اتوماتيك 2400 فى السعودية وذلك من خلال بعض النقاط:
1. قوة المحرك وعزمه .. القاشقاى تكسب بغض النظر عن الارقام لأنى باحكم بالسواقة العملية ويكفى عراقة وسمعة محركات نيسان الجبارة والاعتمادية
2. التسارع .. السبورتاج تكسب بسبب الفتيس 6 نقلات خاصة لو استخدمت الستيبترونيك عكس الcvt تسارع اقل لكن اداء افضل على السرعات العالية فوق ال100
3. الفرامل .. القاشقاى تكسب زى كل عربيات نيسان وسر النجاح النظام الثلاثى abs+ebd+ba وعشان اكون دقيق اكتر النيسان مهما تكون على اى سرعة ومهما كانت حالة الطريق لو ضغطت فرامل بقوة عمرها ما تعوم ولا تحدف او تغربل وتصفر وتزيق زى اغلب باقى العربيات يعنى أمااااااااااااااااااان
4. نظام التعليق .. القاشقاى تكسب وعن تجربة احساسى بالمطبات فى التيست درايف فى مصر خاصة فى اليوترنات اقل من احساسى بعيون القطط وتعريجة خفيفة فى اسفلت السعودية مع السبورتاج وبتظهر اكتر فى اهتزاز الدركسيون علما بأن القاشقاى باور كهرباء والسبورتاج هيدروليك
5. وضعية جلوس ورحابة داخلية .. السبورتاج تكسب خاصة فى الكراسى سواء امامية او خلفية وتحديدا فى كرسى السائق بعد الطارة عن الكرسى بيخليك ماسكه وانت فارد دراعك بالكامل والدخول والخروج سهل جدااا والدواسات افضل والبنزين دواسة مثبتة فى الارضية وليس من اعلى وفرامل اليد بالرجل وليس فى الكونسول الاوسط لكن وضعية الجلوس مرتفعة اكتر فى القاشقاى وبيبان اكتر لما تشوف نفسك اعلى من العربيات السيدان من حواليك بشكل ملحوظ اما السبورتاج كراسيها منخفضة وبتدى مساحة اكبر لرؤوس طوال القامة خاصة مع السقف وفى المقاعد الخلفية
6. حجم الصندوق الخلفى والتحميل .. السبورتاج اكبر نسبيا بشكل بسيط لكن مع طى المقاعد الخلفية الاتنين زى بعض
7. التكييف .. القاشقاى طبعا بدون فصال من حيث قوة التبريد والزمن اللازم مهما كانت درجة الحرارة الخارجية (نيسان وما ادراك ما تكييفات نيسان!!!)
8. الابعاد الخارجية والتصميم .. تقريبا واحدة فى الاتنين لكن كل عربية ليها شخصيتها وليها جمالها الخاص (ماعنديش مشكلة مع واحدة فيهم) والاتنين سواقتهم ممتعة لكل ركاب السيدان وابعادهم سهلة التعود.
9. الكماليات .. الاتنين متقاربين جدااااا واللى بيحددها اختيار كل عميل فيه اللى بيحب وجود حاجات معينة فى العربية وبيفضل واحدة عن التانية لكن رأيى ان الباركينج سنسور والكاميرا الخلفية فى السبورتاج بيعوضهم الرؤية الخلفية الممتازة للمرايات الجانبية الكبيرة فى القاشقاى انما السبورتاج فاشفق على اى واحد يجيبها ستاندرد بدون كاميرا وسنسور خاصة ان مساحة الزجاج الخلفى صغيرة جداااا - السقف البانوراما فى القاشقاى قطعة واحدة على ما اتذكر انما السبورتاج مفصول جزئين امامى وخلفى - ليدات السبورتاج بيعوضها زينون القاشقاى ورشاشات المصابيح الامامية - ... الخ
باختصار ممكن اى ميزة غيرى يشوفها عيب والعكس صحيح ..
10. قطع الغيار واعتماديتها واسعارها .. مختلف فى كل سوق عن الاخر مثلا توكيل نيسان افضل من كيا فى مصر والعكس فى السعودية من حيث جودة الصيانة - اسعار صيانات كيا فى السعودية ارخص من مثيلاتها اليابانية كلها عكس مصر - الضمان كيا 100.000 كم 5 سنوات انما نيسان 3 سنين لنفس المسافة.
11. الاطارات .. القاشقاى بتنزل بكونتيننتال انما السبورتاج بتنزل بكومهو
12. الصناعة .. القاشقاى تقفيل انجيليزى محكم ومميز بجودة الخامات ونوعية البلاستيك الاعلى من السبورتاج الكورية بشكل ملحوظ واللى بيدقق فى الحاجات دى هايأكد كلامى لما يركب الاتنين ويستخدم ازرار تحكم الابواب والتابلوه عن قرب.
13. السعر مقابل الكماليات .. السبورتاج تكسب فى الكماليات والتنوع الاكبر لكن القاشقاى تتفوق فى السعر الاقل بكماليات معقولة جدااا
14. استهلاك الوقود .. مفيش فارق كبير بين الاتنين من وجهة نظرى لأن اسلوب القيادة هو المحدد الاساسى لكن بالنسبة لنوعية الوقود فالاتنين 92 عدا السبورتاج المزودة بمحرك gdi وان كان ال95 بيفرق فى اداء اى عربية مهما كانت.

الخلاصة ...
الاتنين يستاهلو ثمنهم بجد وفى اى سوق وبأى فئة مهما كانت سواء داخل او خارج مصر والاتنين مميزين على الطريق وان كانت السبورتاج بتخطف العيون اكتر لكن القاشقاى ممتعة اكتر فى سواقتها ومن العربيات اللى تحس معاها بالامان والثقل بغض النظر عن الوزن بالكجم (باتكلم عن شعور السائق)
ويارب اكون قدرت اعرض مقارنة عادلة بين العربيتين لأنى سوقت القاشقاى زى ما قولت واتمنى انى امتلكها فى يوم من الايام فى مصر لكنى امتلك الان السبورتاج خارج مصر

---

الخلاصة اطمنوا .. هافضل نيساناوى عالطول :Bravo::Bravo::Bravo:

السلام عليكم
شكرا علي التقرير الجميل، انا كنت محتار بين الكيا سبورتاج والقشقاي بس بعد التقرير دة حشتريها ان شاء اللة
بس اية العيوب اللي فيها وأتكل علي الله واشتريها يعني
شكرا

ماشاء الله تقرير إحترافى أكثر من رائع لسيارة أكثر من ممتازة كمواصفات وأداء وسعر .. يسلم كل من شارك فيه بالقيادة والكتابة والتنسيق :bravo:.

أنا حاسس إنى أنا إللى كنت سايق ومش محتاج أجربها بنفسى :driving:.

يارب دائما موفقين ورافعين رأس قسم نيسان بإستمرار :_Alshmokh22[1]:.

ـــــــــــــــــــــــــ ـــــــــــــــــ

بصراحة ناس محترمة ومجتهدة وقسم اكثر من رائع ان شاء الله اوعدكم السيارة الثانية تكون نيسان من حبي في مجهودكم تسلم ايديكم

:inlove:

فعلا نسور لأ صقور لأ أسود قول اى حاجة حلوة لأحلى تيم وورك لنيسان حسستونى انى راكب معاكم بجد بالتوفيق ومستنى تقرير الجوك والله الموفق

اللهم احفظ مصرنا الغالية

موضوع مميز و تسلم الايادى

بشكر مرور الاعضاء وتقديرهم للمجهود .. وتحياتى للجميع