الموضوع: تحيا البونتو كلاسيك ! تعيش وتعلم على الاحصنة الكوري الكتير ! !

المشاركة الأصلية كتبت بواسطة Taiwo

فعلا الأداء متقارب ف ال Mid range ....
بصرف النظر عن أن اللانوس تطلع علي السرعات العالية غسيل ومكوه لكن :
برضو الشدة لو من الثبات اللانوس تطلع تحت كمان ... لان البونتو مافيهاش أول وده هيأخرها كتير ف الطلعة تأخير أكبر من تأخير وزن الانوس لطلعتها ...

في النهاية البونتو تحقق بعض الجري علي التاني والتالث وبعدهم بتكح تراب ..
بس شكلها حلو وهي بتجري والله..

هي شكلها جميل فعلا وهي بتجري وبرضوا يا كبير 60 حصان هيبقى صعب انك تاخد منهم اداء على ال High range !

المشاركة الأصلية كتبت بواسطة ahmed1006

حتي لو الورده نفسها قليل بكام حصان بردوا هتفضل ورده
ويا سلام يا أيفو
كنا اتفرجنا علي احلي حاجة

هههههههههههههههههه حلوة اوي والله

والوردة وردة يا معلم

المشاركة الأصلية كتبت بواسطة formulator

هو الفيات فعلا كده، بتاع Mid-Range وتسارع، مش بتاع توب-سبيد..

- أيام الـCarburetor كانوا بيعملوا المواتير Short-Stroke (بساتم عريضة ومشوار قصير)، مع بروفايل كامات عصبى/مرن..
ده بيخلى الموتور يـPull العزم عند rpmــات قليلة = تسااااااااارع.

- دلوقتى الـinjection والـCam-Phaser اداهم حرية تحكم أكثر فـ كيفية خروج الباور من الموتور (الـPeak)، مع ضبط للجير ratio..
فـ بيقدروا بيعملوا نفس الكلام مع مواتير Long-Stroke..؟!!
(بس برضه مواتير الفيات الجديد مش Under-Square زى اليابانى، لسه: يكاد يكون الـBore قد الـStroke)..؟؟!!!

وعلى فكرة، الكلام ده من أول الأونو والبونتو، لحد البرافو والكروما؟؟!!!

- الـ1st جير-كبير.. يقدر يطلع عزم الموتور كله، عشان لو Load عالى وكده..
لكن عند الـmid-range يبدأ يقع فـ التسارع (2500-3500/4000 rpm كده).. آخره، بعد كده حرق عـ الفاضى.
يعنى تقدر تقول آخره يحرك العربية من الثبات.!!

- إديها الـ2nd فـ الـ3rd بقى يامعلم، وشوف التسارع على حق (لما الـPeak بتاع العزم تركب مع الـGear-Ratio الصح).. وده Art على فكرة.
تقدر تحرق عليهم لحد الـRed-Line وهتلاقى سحب لحد 5000-6000 rpm.

- تدخل فـ الـ4th والـ5th: خلاص بقى إهدى وسيبها تجمع سرعة براحتها، أصلا المفروض تنقل بدرى للجيرين دول..؟!!
لأن لا الموتور (كـ تصميم وTune) متضبط انه يـPull باور على rpmــات عالية..
ولا نسب الجيربوكس متضبطة انها تدى توب-سبيد ولا حتى High-Speed Acceleration..!!!

حتى لو مواتير الـRange بتاع الباور فيها واسع فـ الـrpm (زى الـT-JET)، وجيربوكسات متعدد النسب (زى البرافو 6-سرعات):

- الـ1st يحرك العربية،
- الـ2nd فـ 3rd فـ 4th.. مفيش حد هيعرف يطلع منك..
- الـ5th والـ6th، مش جامدين زى الـ4th..
أصلا البرافو فـ الـKick-down الصح.. بتسقط 4th لأن الـ5th مش هيطلعلك الباور ولا السرعة اللى انت عايزها؟؟!!!

الـ5th ده آخره لما تكون ماشى 140-150 عـ الـ6th، وعايز تطلع لـ170 (بسرعة).. سقط نقلة واحدة لحـــــــــد الـ170 (آخره، مش هيجيب أكثر من كده.. وحرق كمان)..؟!!

Regards،

المشاركة الأصلية كتبت بواسطة formulator

فيه مقارنة شهيرة بتاع الـGolf6 1.4TSI الـ160 حصان، والبرافو الـ1.4T-JET الـ150 حصان:

- الجولف طلعت من البرافو من0-100 بفرق 0.5 ثانية تقريبا،
- وكمان الجولف طلعت من الـ180-200 بفرق صغنن كده، وجابت توب-سبيد أعلى (سيكا).

لكن:
- البرافو طلعت من الجولف؛ من 80-120، ومن 120-160/170 بفروق كبيييييييييرة (تقريبا 2.0 ثانية/1.5 ثانية بالترتيب)..؟؟!!!

يعنى نفختها فـ الـMid-Range بكفاءة.. هو ده الـConcept اللى فيات بتعمل عليه كل عربياتها (الفيات والأبارث واللانسيا)،
هى بس الألفا اللى بيدوها توب-سبيد أعلى.. عشان المفروض انها عربية All-round Performance..!!

على رأى yoko لما كنت باسأله على تجربة الشد مع الألنترا الجديدة؛ قاللى..
انت عارف الألنترا ده يطلع منك أمتى؟؟ لو بدأتوا الشد من 180-190 مثلا..!!!

هههههههههههههههههههه

والصراحة أنا شايف ان ده Tuning/Setting صح للمواتير والعربيات، عشان هو ده الـrange اللى معظم السواقة فيه: الـLow-to-Mid Range..
- المواتير العصبية بتحسسك بمرونة وأداء عالى وممتع أوى فـ الرينج اللى 90% من سواقتك فيه..
ولا حتى 10% من سواقتك بتبقى فـ الـHigh-End بتاع الباور؟؟؟!!!

اصلي يا دكتور

والمشكلة ان حتى ولو العربية محتاجة انك تنقل عند 3500/4000 Rpm وبعد كدة بيبقى حرق على الفاضي !

مانت لازم تحرق عشان النقلة اللى بعدها تنزلك عند Rpm مطلعلك ال Maximum Tourer بتاع العربية

يعني على سبيل المثال مثلا لو نقلت الاول على 6000 هتلاقي التاني جالك على 4000 تقريبا ! لكن لو نقلت الاول على 4000 هتلاقي التاني جالك على 2000/2500 ! وهنا برضوا هتضيع وقت علما توصل للعزم بتاع عربيتك

+ اني اتفرجت على كذا فيديو للبرافو ال 150 والجولف ال TSI وحسيت ان الجولف احمى واقوى ! !

وماتنساش برضوا يا دكتور ان البرافو مانويل والجولف اتوماتيك

المشاركة الأصلية كتبت بواسطة foffos

نرجع تانى لموضوع البونتو كلاسيك

أنا سافرت بيها (بونتو كلاسيك 2011) كذا مرة على طريق مصر اسكندرية الصحراوى
بصراحة هيا مش بتسحب جامد زى عربيات كتير، بكن بصراحة كنت بجيب 140 - 150 مستريح جدًا
بس بعد كدا السرعة بتعلى بطلوع الروح

الصراحة سواقتها ممتعة جدًا وخاصة مع واحد زيى
لأنى بحب السواقة فى Mid range
بالإضافة إلى إنى بحب سواقة الطرق السريعة فى الحدود دى - يعنى كبيرى 150 وبالتالى فهيا ممتازة بالنسبالى

هي عربية ممتازة بصراحة انا كنت فاكرها في الكفتة عشان 60 حصان ! بس طلعت ماشاء الله حلوة

المشاركة الأصلية كتبت بواسطة CryptonX

وغير كل ده .. البونتو الكلاسيك كانت بتنزل من 2004 بنفس الشكل .. و فيه محرك 75 حصان و محرك 84 حصان :) فمش شرط تكون ال 60 حصان.

بس بصراحة برده انا باباليوكانت نفس المحرك ب 83 حصان .. كنت بزعل بتوع الانوس كتيييييير اوي :)

جديدة المعلومة دي ! اول مرة اعرف ان فيه بونتو بتنزل بمحركات 75 حصان و 84 حصان !

وطبعا ال 84 حصان على وزن وحجم البونتو كلاسيك وش هتزعل عربيات كتييير

وارد برضوا تكون العربية اللى شدت مع زميلي تكون 75 او 84 حصان ! والله واعلم برضوا