الموضوع: استفسار بخصوص البيع ارجو الرد بسرعة

بص يا باشا, للأسف فى البيع و الشراء مهم الأمانة و خصوصا السيارات, بس مينفعش حسن النية تماما, مبدأيا حضرتك اشتريت العربية اعلى من سعرها بكثير, هى متوسط سعرها لو حالة تمام كان من 65 ل 68 تقريبا رغم انها الأفضل فى العربيات البتشاركها مكوناتها (بورا - اوكتافيا a4 - اودى 3 - توليدو كلهم بيشاركوها نفس الماتور - و الباسات تشاركها الماتور و العفشة و الشاسيه).

ثانيا انا مش عارف ايه بضبط الضايقك فى سيارتك, بس قطع غيارها الاستهلاكية (الميكانيكية و الكهربية و العفشة) مرمية استيراد لأنها نفس قطع غيار السابق ذكرها, و الورش البتفهم الشغالة فيهم معروفين.

عموما قد الله و ما شاء فعل, بس بدام انتا بعت و انتا قايل للشارى على كل العيوب الانتا عارفها فى السيارة بأمانة, و كمان خدها كشف عليها,يبقى انتا معلكش اى احراج, بس انتا غلطتك من الأول انك سلمتو السيارة بدون متخلص الفلوس الليك, يعنى اخرها هو انك تبقى مبلغ لا يزيد عن الفين جنيه فى حالة تسليمه السيارة و عقد بيع ابتدائى و طبعا كان لابد من شرط جزائى فى حالة الرجوع عن البيع, و ده لا يسرى فى حالة تسليمه السيارة, فلنفرض انه عمل بيها مصيبة ولا موت واحد مثلا؟؟؟؟؟؟. استلم السيارة يبقى الموضوع انتهى, و نظريا ترجيعه السيارة ليك من غير فانوس و مخبوطة و عاوز فلوسو, ده ينم عن قمة الاستهتار و عدم وجود دم من الاساس , لان ابسط حاجة اصلاح ما تم افساده من الأساس.

دلوقتى محتاجين منك نعرف حاجة, ايه الأعطال الظهرت معاه بضبط و سببها, يعنى لو الفتيس باظ بالكامل فجأه ولا كان فى عوارض, و الخبطة طبعا انتا ملكش دعوى بتكلفة اصلاحها و متدفعش فيها مليم, و الفتيس اساسا لو اتغير مش هيكلف 5000 ج على بعض و بالتالى الجزء الهتشارك فيه ميزدش عن1700 ج,هل فى اعطال تانية ظهرت؟؟؟؟؟.

الجزء الخاص بالشراء, برجاء تحديد الميزانية ,و قابليتك لركوب عربيات كسر زيرو او استعمال بسيط (يعنى استعمال سنة او سنتين و عداد فى حدود 40,000 ك مثلا) ساعتها و طبقا للميزانية ممكن تخش على سيفيك فى حدود 120,000ج او اوكتافيا فاتازيا فى حدود 140,000 ج و اعتقد لو عاوز حاجة المانى قريبة من الأودى و طبعا فارق السنين و الاستخدام لصالحها فالفانتازيا من افضل الاقتراحات.

المشاركة الأصلية كتبت بواسطة inteltech

السلام عليكم و رحمة الله و بركاته
بصراحة هذاكلام ممتاز .... يجب تنفيذه تماما
وازيد
للعلم واضح ان المشتري يستهبل ..
ثانيا للعلم العربون حق للمشتري لا يجب رده و هو حلال - خلاف الشروط الجزائية- راجع مجمع فقهاء الشريعة باميريكا ... - لهذا ما كن يجب اصلا ان ترد له عربونهوكذلك يجب عليه ان يرد لحضرتك العربية بنفس الحالة تماما ...
ثالثا : استعنبالله ... و ان اردت اي مساعدة ممكن تكلمني وانا تحت امرك .
والالماني بصفة عامة - والاودي بصفة خاصة - عربيات اكثر من رائعة ولكنها مظلومة في الثقافة المصرية .... لهذا ارجو ان تتمهل في شراء سيارة جديدة ؛ لان من ركب الماني صعب ينزل لحاجة اقل . ... وانصح بالبعد عن الفيرنا تمامااااااااا
شكرالكم
وعليكم السلام ورحمة الله وبركاته
أخي في الله اتشرف بدخولك وردك في الموضوع وان كان موضوع العربون قد انتهى والحمد لله وانا في كل الاحوال قد سامحت والحمد لله والسيارة الآن ليست ملكي اسأل الله ان يعطيه خيرها ويكفيه اي شر قد يحدث منها لا سمح الله والاكيد اني اتشرف بمكالمتك والتعرف اليك ولكن ليس بخصوص هذه السيارة ولكن ماشاء الله حضرتك تتمتع بالفراسة والذكاء الشديد فانا في مشكلة الان وهي اختيار سيارة جديدة ركبت العديد من السيارات الاسبوع الماضي على امل ان اجد سيارة احس بها بالامان وصدقا اقولها لك والله ما وجدت في كل ما ركبت ما يشابه الاودي في شيء ولا ادري ما العمل الان هل اشتري اودي جديدة واعلم كم هي غالية واضطر للاقساط ام اكتفي باي سيارة كفيرنا او اكسنت او النترا والغريب وقد لا تصدق ان الاودي اعادة بيعها اصعب وخسارة اكبر من السيارات الكورية وكمان ارخص شي غريب جدا
اشكرك لمشاركتك وشرفتني اكيد ونصيحتك تلك وسام على صدري فلنشطب الفيرنا من الاختيارات

ربنا يكرمك و يهديك لما يحب و يرضى ... أهلا بكم في اي وقت ... و يمكنكم المراسلة علي الخاص او الياهوميل في توقيعي .... وتذكر ان السعي في مصالح الناس من أفضل الأعمال المقربة إلى الله ... و حضرتك واضح تماما انكم ممن يتركون مصالحهم في الدنيا لأجل مصالح إخوانهم ؛ أبدلكم الله بهذا مكانا في الجنة .....

شكرا لكم