الموضوع: رابطة ملاك القشقاي اتفضل و شارك معنا

المشاركة الأصلية كتبت بواسطة bahgat3000

ربنا يباركلك فيها وان شاء الله يرزقك خيرها
بس ياريت توضحلنا بالتفاصيل الكماليات اللي طلبتها وسعر كل حاجه لوحدها جازاك الله خير لتعم الفائدة علينا جميعا
والكماليات دي طلبتها من المعرض ؟

جزاكم الله خيراو دى التفاصيل اللى حضرتك عاوزها و للعلم أنا كتبتها فى أكثر من موضوع عن القشقاى لتعم الفائدة:
بالنسبة للإضافات اللى بيركبها الموزع المعتمد ( مودرن موتورز ) اللى حجزت عنده ب 5000 ج.م هى كالتالي :
1 دى فى دى و به جى بى اس و بلو توث و يعمل مع التحكم الموجود فى الدريكسيون و معاه كاميرا رجوع للخلف و ضمان سنة و ﻻ يؤثر على ضمان السيارة ﻷنه متركب عن طريق التوكيل السعر 6600 ج.م
2 فرش جلد طبيعى 1500 ج.م
3 مرايات بإشارات ليدات 1100 ج.م
4 جى بى اس لتتبع السيارة و منع تشغيلها عن بعد 3500 ج.م ( لم اطلبه )
5 وحدات رفع الزجاج 770 ج.م
6 فرش عبارة عن حوض مطاط للشنطة 660 ج.م
7 شاشتين فى المخادع تعمل مع الدى فى دى 1500 ج.م
و ﻻ يمكن اضافة مثبت السرعة حيث ان السيارة غير مجهزة له اى ﻻ يوجد له كابﻻت جاهزة فى الضفيرة اما كل اﻹضافات عاليه لها سوكتات جاهزة فى الضفيرة و مبروك مقدما
ملحوظة الدى فى دى يركب مكان الكاسيت الاصلى

المشاركة الأصلية كتبت بواسطة bahgat3000

يا جماعه الاوبل الاسترا ناس كتير بتشكر فيها اوي وبتقول ان سعرها مناسب اكتر من القاشقاي ياريت لو حد يقدر يبن لينا الفروق والمزايا ربنا يجازيكم خير

الفرق بينهم كبير القشقاى سيارة كروس أوفر و بتنزل برة بمحرك 2000 سى سى و جر رباعى الإرتفاع من الأرض زى أى عربية 4x4 و كمالياتها ممتازة كشافات زينون تكييف زون و تحكم فى الكاسيت فى الدريكسيون و سقف بانوراما يغلق و يفتح كهربيا و المحرك 1600 بفتيس سى فى تى زجاج خلفى و أبواب خلفية ملون و مساحات تعمل مع المطر أتوماتيك و بمفتاح ذكى و حاجات تانية كثييييير ممكن تلاقيها فى البروشور على السايت الخاص بنيسان مصر و فى النهاية الموضوع يرجعلك إنت إنزل شوف الإثنين فى المعارض بعد ما تذاكر مواصفاتهم كويس من البروشورات و اللى تعجبك فيهم توكل على الله و إشتريها و مبروك مقدما إن شاء الله.