الجراج وسنينه !

**bassem_sams** · 04-05-2012 10:01 PM

المشاركة الأصلية كتبت بواسطة evo

كان يتمنى يعمل جنزير وحديد لكن ممنوع لأن الباكيتين مش تمليك .... وبالنسبه لموضوع إنه يخبطلها عربيتها هو رفض الفكرة لأنها هتؤدي لمشاكل أكبر وهيكون موقفه ساعتها ضعيف

ممتاز مدام مش تمليك يغير لجراج تانى او مكان تانى بعيد عنها او يتفق مع سايس على تركيبهم و لما فترة ايجار تنتهى يشلهوهم

**shaddadfalcon1** · 04-05-2012 10:17 PM

يمكن الست حطه عينيها علي الراجل ولا حاجه ههههههه

طيب مينتفعش يعمل فيها محضر انها خبطت عربيته؟

**Screenplays** · 04-05-2012 10:18 PM

و الله لو انا مكانه و الست بوقت معايا هخش بعربيتي في عربيتها و تتخشرم تتخشرم مش مشكله المهم كدرتها عشان تحترم نفسها ... و الله بقي بيتعامل مع اوطي خلق الله في البلد دي ... ربنا يتوب علينا و نخلع من هنا بلا قرف

**me_medoo** · 04-05-2012 10:31 PM

الموضوع ده مالهوش حل في بلدنا غير انهم يبنو جراش. عمومي تحت الشارع يحفرو الاسفلت ويعملو جراش تحت الطرق ....

طيب ياسيدي انا علشان اخلص من المشكلة دي رحت سكنت في الشيخ زايد وفي لسكني جراش تحت الارض جه البيت الي على يمينا. اجرها لحضانة والبيت الي على شمالنا اجرها لشركة ....

يعني عربيات السكان كلها تحت الارض كل ما نيجي نطلع ولا نخش نركن نلاقي واحد واقف على مدخل الجراش سدو هههههههههه ودور بقة عربيت مين دي يا جدعاااااان. ياعالم ياهووووو عاوز اروح شغلي مش كده حرام عليكم. خلو عندكووو دم. مش كل يوم اروح متاخر

لدرجة مراتي. بقت تصحيني قبل ميعاد الشغل بساعتين. علشان اطلع بدري قبل ماحد يجي يركن قدام باب الجراش هههههه
ومرات حد يجي زيارة للسكان برضو يجي ويوقف في مدخل الجراش الي تحت الارض وتقف انتا في الشارع لغايت مالناس كلها تصحى من النوم من زعيقي عرررررررررربيت مين دي يا جماعه مكتوب قدامكم جراش خاص ممنوع الوقوف وكاتب تحتيها الاحساس نعمة وكاتبهلكم بالاحمر اكتر من كده اعمل ايه .... والي يجننك ان الدنيا قداااام فاضية وصحرا بس. تعمل ايه في سماجة دم ام الناس حاجة غريبة وتحياتي

**me_medoo** · 04-05-2012 10:36 PM

عفواً بالنسبة لموضوع. الماسورتين الي مغروسين في الارض والسلسلة الحديد والقفل مبتنفعش لان هتلاقي واحد زكي يقوم راكن بعد المواسير. وقدام السلسلة الحديد ههههههههه أقرووو التاريخ يا جماعة سعد زغلول قلها زمااااان فعلاً مفيش فايدة بالظاهر كان عندو جراش هو كمان ومكنش بيعرف يركن زينا ههههههه

بس الحل مع الولية دي انو يعشمها في الجواز وبعد ما يتجوزها يركنها هيا جوه الجراش وهوا يركن قدام باب الجراش هههه. ده اذا مخدتش العربية البي ام بتاعتو وركبتو عربيتها

**Kareem Fawzy** · 04-05-2012 10:40 PM

مينفعش غير قلة الادب معاها فى رأيي

**moh_faheem** · 05-05-2012 12:57 AM

بص من الاخر
يسبها تدخل عربيتها جوة الباكية بتعتوة عادى
ويجى يركن عربيته برة الباكية وميخلهاش تخرج منها خالص
ويربيها لغاية ما تقول حقك عليا
وطبعا هيا والا هتعرف تخرج والا تدخل
وتتعطل كام يوم وتتحايل عليه علشان يوسعلها
وتخرج هو ده الحل الوحيد معها
علشان فيه ناس مش بتيجى بالذوق خالص

**houras1010** · 05-05-2012 12:59 AM

بنفس الفلوس يشوف مكان تانى لعربياته وسيبهم يخلصوا مع بعض او يجيب عربيتين بدالهم من 5 الاف جنيه ويكون شكلهم مبهدل زى الميكروباصات الترامكو من غير فوانيس محدش هيركن جمبه كله همه نفسهم هيخافوا يخبطوا فيها

**Khaled_Nowaihy** · 05-05-2012 12:59 AM

يا سلااااااااام بسيطة جدا
طالما كده كده عربية هاتقف برة فى الشارع يبقى هو لما يرجع يلاقيها راكنة عربيتها مكان عربيته يركن العربية قدامها فى مدخل الجراج ويسد بيها مدخل الجراج ويحبس عربيتها جوه
ويستغنى عن العربية دى ويسيبها اسبوع متعشقة وشادد الفرامل ويوصى السايس يخلى باله من العربية
ويستعمل العربية التانية
ويسيبها تضرب دماغها فى الحيطة اللى تعجبها
ولو لمست عربيته يبقى جنت على نفسها