اقتباس المشاركة الأصلية كتبت بواسطة ghosts مشاهدة المشاركة
أنا معاك ....
أكيد كنا بنبسط لكن أنا بتكلم عن تقييمك للأغانى دى دلوقتى مقارنة بأغانى عبد الوهاب و أم كلثوم و محمد فوزى و نجاة و وردة و عبد الحليم ....

أغانى التمانينات أنا كنت بموت فيها وأنا صغير على أعتبار أنى كنت مراهق و المراهق لازم يتمرد على كل شىء موجود حوالية ....

يعنى لو والدى بيحب عبد الوهاب وأسمهان أنا بقى مش بحبهم و بحب عمرو دياب ....
لكن لما كبرت أتغيرت طريقة تفكيرى و أتغير حكمى على حاجات كتيييييييييييىر أوى و من ضمن الحاجات دى الأغانى اللى كنت بسمعها اللى شايف أنها لا تمت للفن بأى صلة ....

معظم أغانى التمانينات وطالع كلها عبارة عن شوية كلام فارغ مع توزيعات وخلاص كدة ....
لكن دة مايمنعش أن فية لسة ناس كويسين زى أنغام وشيرين ....
هو ده مربط الفرس يا زعيم
مش ممكن يكون العيب مش في المغنين دول و اغانيهم
مش يمكن يكون العيب فيك و ان مخك و طريقة تفكيرك و ذوقك هما اللي اتغيروا (و غالبا ده صحيح)
زي تامر حسني اللي مش عاجب
مهو اكيد مشتهرش من لا شيئ بل لان في ناس بتحب اغانيه و بتسمعها زيك بالظبط لما كنت بتسمع عمر دياب و يجي واحد يقولك ايه القرف ده
كمان تعالي بقي قارن اغاني التمانينات (اللي بتقول عليها كلام فارغ) بالكلام بتاع دلوقتي و مش بتكلم عن عمرو دياب و امثاله بل اقصد بعرور و زعرور و المد الغريب من الكلام و الموسيقي العجيبه المنتشره اليومين دول
بزمتك مش كلام التمانينات حكم بالنسبه ليه