اقتباس المشاركة الأصلية كتبت بواسطة abdulkhaleq مشاهدة المشاركة
جيريمي كلاركسون؟ ههههه ماعلينا مش هعلق برضه :)
عموما انا مش همشي ورا حد, ايا كان مين, انا ليا عنيا اللي بشوف بيها وعقلي اللي ربنا مديهولي اكيد لسبب, وهو اني اشغله مش امشي ورا أي حد حتى لو كان جيريمي اللي بتقول عليه او مواقع اجنبيه :)
اما عن المقارنه فبالعكس انا بقارن بموضوعيه جدا ولا زلت عند رأيي ان الالانترا الجديده مستحيل تسوى 160 (طبعا ده حتى لو جيريمي او المواقع الاجنبيه وقفوا على دماغهم قدامي) :) :)
النقطه المهمه جدا اللي انت اغفلتها
انك بتقارن الكوري بره بالكوري اللي عندنا وده شئ مؤسف جدا, انا مش عارف انت ازاي محب للماركه دي ومش عارف ان في بين الاتنين فرق بين السما والأرض, مع ان الاتنين نفس العلامه
وبحسبه بسيطه ال 160 الف على 6 (سعر الدولار تقريبا) هيساوي 26666 ألف دولار
هل ده سعرها بره مثلا ؟؟؟ هل انت دليل اعتماديتك انها بتتباع بره ؟ هل هي بره أحسن من الاوروبي او الياباني ؟؟ لأ طبعا بتتباع آه لكن كل حاجه وليها مقامها
جزئية الجولف اللي بتنزل بإزاز كهربا قدام بس دي ( مع اني ماشفتهاش) الا ان ده دليل انك معتبرها اوبشن, وعموما عشان اريحك, العربيه سواقه, وثبات, وفرامل, وموتور, وعمر افتراضي, واهم حاجه مستويات أمان
يعني لا إزاز كهربا ولا كاسيت بيصوصو وانا بجد مش مصدق انت ازاي بتقارن الاتنين بجد ومش عارف انت سوقت الجولف اللي مش عاجباك دي ولا لأ !!!
جزئية الأحصنه طبعا (لاتعليق) :)
وبرضه عشان لو في جزئية انت لسه مافهمتهاش مني
الكوري مش هيعطل اول ماتطلع من المعرض
ولا هيولع لما تشغل التكييف
لكن ماتديلوش اكبر من حجمه وتقوللي ان الالانترا الجديده تستاهل 160 ألف آسف والله بس ده اسمه تهريج
يعني لو واحد معاه 40 او 50 او حتى 60 هنقوله يركب ايه ؟ غالبا كوري مستعمل
انما المعلقات والقصائد والأشعار في حاجه مش حقها وماتستاهلهاش, ده مش هيضر غير المستهلك
اللي هو إحنا
وفي الاخر اللي عايز يدفع براحته

وطلب بسيط, مش عاجبك كلامي ممكن تحطني في قائمة التجاهل او ماتردش عليا
طيب تمام الالنترا الجديدة متسواش 160 الف علشان هي اغلى من بره , طيب الجيتا في امريكا برضه ب 16500 الف دولار , يعني 100 الف جنيه , واخدلي بالك انها هنا ب 220 الف جنيه ؟ ( بغض النظر عن تخفيض الجمارك عن الاوروبي اصلا ) , يعني العربية بتتباع بره كتير جدا تقولي ده مش دليل اعتمادية , طب المقارنات كلها بتقول انها بتتفوق على الاقل عالياباني , برضه حضرتك تقولي مليش دعوة بالمقارنات
, بالنسبة للجولف , اقسم بالله بتتقارن عادي في كل دول العالم بالالنترا وال i30 ( النترا هاتشباك ) يعني انا مش بألف من دماغي , وجوجل عند حضرتك ممكن تجرب , مش معنى كده ان الجولف وحشة وانا مقلتش انها مش عاجباني , ولكن في نفس الوقت عادي جدا اقارنها بالالنترا لانهم نفس الفئة مارتكبتش جريمة انا , لما الالنترا متستاهل 160 الف ( معاك في دي ) هل الجولف ال 100 حصان تستاهل 200 الف جنيه ؟ هل الجيتا المكسيكي تستاهل 220 الف جنيه ؟ هل الفولكس بولو السوبر ميني تستاهل 135 الف جنيه ؟ هل اي عربية في مصر تستاهل سعرها ؟