رقم العضوية : 76626
تاريخ التسجيل : 30Jul2010
المشاركات : 143
النوع : ذكر
الاقامة : el dokki
السيارة: LOGAN 1600CC
السيارة[2]: hundai getz 1600
دراجة بخارية: no
الحالة :
السلام عليكم و رحمه الله و بركاته
العربيه عندي عامله تقريبا 230 الف كيلو من غير عمره , طبعا السحب ضعيف و الموتور صوته عالي , ومره ميكانيكي كان راكبها بيجرب حاجه قالي الموتور خفيف ( طبعا انا مش فاهم هو قاصده ايه يس قالي انها عايزه عمره ) المهم ان مفيش دخان بيطلع من الشكمان والبوجيهات سليمه مش عاليها حاجه .
الاسئله بقي : 1 : ايه هي اعراض احتياج الموتور للعمره ؟
2: تكلفه العمره تقريبا كام علشان ميضحكش عليا ؟
3: ايه هو موضوع التليين ده ؟
4: هل لو عملت عمره الموتور هيرجع زي الفبريكه ؟
و شكرا مقدما علي الاجابات
رقم العضوية : 116326
تاريخ التسجيل : 04Nov2011
المشاركات : 953
النوع : ذكر
الاقامة : القاهرة
السيارة: ريجاتا
السيارة[2]: لادا 2107
دراجة بخارية: دراجة نارية
الحالة :
بص يا بشمهندس الموتور خفيف يعنى محتاج شغل أو صيانة أو بأدق تفصيل عايز طقم شنبر يتغيرله لأن ممكن تكون العربية عندك بتاكل زيت وأكيد بطلع دخنة بيضة .
أما عن أعراض أحتياج الموتور لعمرة فدة بيرجع لحلتة والأعطال ألى بتواجهك والخاصة به ومثلا منها موضوعك دة أن الموتور خفيف ؟ فى لقدر الله ترشيح زيت من وش الكاتينة وغيرها من هذة الأمور التى لا تحل بالأولسيهات وغيرها من مبادى الصيانة العامة للموتور .
تكلفة العمرة على حسب الحاجة ألى فى الموتور ولكن لو طقم شنبر مش هاتقل عن 800 لأنك ممكن تحتاج ألى صببات وطبعا جوان وش سلندر وجركن زيت وفلتر زيت وفلتر هواء وحاجات كدة تكملة للأجزاء دى .
موضوع التليين دة بعد ما حضرتك بتعمر الموتور العربية بتحرق وهيا واققفة بدون حركة 40 لتر وبعد كدة تمشى 500 وفى بعض الصنايعية يقولك 300 كيلو تمشى ما تزيدش عن الخمسين فى السرعه عشان الأجزاء التى تم أستبدالها تتططبع على المكان وفى نفس الوقت الزيت ينظف ويغرق كل مكان فى الموتور ويغسلة من جوة وبعدها تغير الزيت وتتوكل على الله وربنا يكفيك شرها.
جزئية بقى أنك لو عملت عمرة الموتور يرجع زى الفبريكة دى صعبة شوية ولكن هايكون لو الصنايعى نظيف جدا جدا جدا 95% فبريكة .
أتمنى أنىأكون أفادتك ولو أحد من الزملاء يساعدوة بردة أو يعدل عليا لو غلطت
المفضلات