الموضوع: حاجة غريبة جدا بعد تغيير البطارية

المشاركة الأصلية كتبت بواسطة sehsss

الجديدة 55 أمبير

يبقى محتاجه إيدل ليرن لان البطاريه الجديده مختلفه عن القديمه يا باشا

حضرتك جرب تعمل الريسيت لكمبيوتر النيسان ودة الينك بتاع الموضوع

http://www.nilemotors.net/Nile/284640-a.html

والله الموفق والمستعان

انا كنت قريت قبل كده يفضل نفس الامبير عشان ما تحملش على البوبينه

100 100

طاب قبل ما تروح للتوكيل جرب تعمل Reset للعربية لانة الى اعرفة ان لما فى حاجة بتتغير فى كهربة العربية و تعمل Reset كل حاجة بتتظبط و بتبقى تمام و ما فيش اى ظرر من موضوع الريست دة

كيفية عمل Reset للعربية

في البداية احب انوه انك تكون قافل زجاج العربية عشان تسمع كويس اللي هيحصل جوا العربية :

هنحط مفتاح العربية في الكونتاكت و ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم عاملين الخطوة اللي فاتت تاني ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم مدورين العربية عادي جدا

في هذه الحالة تم عملReset للعربيةملحوظة هامه : اوعي و انت بتعمل الموضوع ده تكون دايس علي اي دواسة من الدواسات و خصوصا دواسة البنزين لأن و الريسيت بيحصل بيظبط حساسات و حاجات كتير في العربية منها TPS

منقول من موضوع قديم
و ربنا يسهل و المشكلة تتحل من غير توكيل