الموضوع: زيت المحرك مع عيسي المنصورة

المشاركة الأصلية كتبت بواسطة calipha3

في موعد الصيانة الدورية للعشر تلاف روحت توكيل عيسي المنصورة و مفروض يغير زيت المحرك و الفلتر .
بعد حوالي كيم ساعة جه دوري و العربية دخلت و خلصت و تمام يا معلم تمام يا باشا
كلو كده اوك
المهم روحت و جه في دماغي اقيس الزيت اشوف بعد ما تغير كده لقيت المؤشر علي المنمنم اقل نسبة يعني. ممكن هو حطلك الزيت ناقص او انت قيست قبل ما الزيت يجمع تانى(المفروض تقيس بعد ما تطفى بخمس دقايق)
طبعا استغربت ازاي و مفيش اي تسريب ولا حاجه المهم سافرت بالعربيه القاهره و رجعت بعدها بيومين روحت التوكيل للمهندس فين الزيت يا باشمهندش
قال لا احنا عمرنا ما نسرق زيت
قولتله اصلا الزيت ملحقش نص ساعه اما روحت من عندكم و قست ملقتش زيت ف العربيه
قال لا مستحيل احنا لينا سمعه و بص كده طبعا ملقاش اي تسريب او تهريب للزيت
فقالي احتمال يكون مش عارف فلتر ايه بخر الزيت ولازم يتغير
قولتله ياراجل زيت ايه الي هيتبخر في نص ساعه و انا سافرت بيها بعد كدا و النسبه مقلتش و اللمبه منورتش
المهم عشان مطولش قولتله متغيرش فلاتر زود الزيت تاني و نشوف لو اقل يبقي انت كلامك سليم مقلش يبقي حضرتك غلطان.
المهم فقالي بس انت هتدفع تمن الزيت مره تانيه و دفعني 240 جنيه زيت موبل 1 تاني.
دة اسمة استهبال ونصب ومش عارف انت دفعت لية؟؟ هو زودلك زيت بس يعنى بالكتير هتاخد كيلو لو هى على المينيمم كنت زود برة وخلاص

و بقالي لحد دلوقتي اسبوعين بالعربيه و الزيت مليان و النسبه مقلتش ولا ملم.
اتمني نسمع ارائكم؟؟

هو الراجل دفعني تمن الزيت التاني علي اساس انو كان عاوز يغير فلتر مش فاكر اسمه ايه و انا مرضتش .
فقالي خلاص اشتري زيت و نزوده. انا عارف انهم حرميه و انا قلتله ميهمنيش الفلوس انا كنت ممكن ازوده بره بس انا عاوز اثبت و جهة نظري انكم حراميه مش اكتر.
زود لترين و انا لسا معايا باقي الزيت.