اسقط ولا ابيع و غير

**wael_elbarkoky** · 07-05-2012 03:01 AM

السلام عليكم يا عصابه
دلوقتي انا محتار بين حجتين زي مانتو عرفين
افيكترا بتاعتي 1996 2000cc الموتور الاسود
الحمدلله العربيه حالته ممتازه و بجيب بيهه 190 بسهوله بس انا عايز اغير للموتور الأيكوتيك بكمالياته الاكوتيك
بس انا مستخسر العربيه بتعتي لاني كنت جيبهه من 4 سنين فابريكا داخل و خارج و رشته اول السنه دي رش نظافه عشان انتو عرفين الشمس عندنا في مصر خلت البوهيه يبقي فيها بقع المهم دا مش موضوعنا انا عاوزكم تقلولي من الاخر اسقط مكنه ايكوتيك بمشتملتهه ولا ابيع عربيتي و اجيب فيكترا ايكوبيك بس في ملاحظه انا لو سقط مكنه ايكوتيك هشتري نص عربيه كامل عشان مش بحب شغل العك ثاني حاجه انا مستخسر عربيتي لانها عربيه محترمه و حالتهه ممتازه و لو بعتهه دلوقتي سعرهه اخرو 50‎,‎000
انا دلوقتي ترودو عليا تقولولي ابيع عرابيتي و اجيب وحده ايكوتيك ولا اسقط متور الايكوتيك في الفيكترا بتعتي بكمالياته مع العلم اني مش ناوي اغير نوع العربيه ابدا لان مفيش عربيات تتركب من بعد الاوبل و خصوصا الفيكترا الا طبعا بعض العربيات زي bmw 525‎
انا اسف اني طولت عليكو

**wama00** · 07-05-2012 10:22 AM

رائى الشخصى مفيش حاجة بتتركب فى اى تعديل فى العربية وتبقى زى الفابريكة,,,, التعديل وكدة عمرة ما هيطلع صح فلو تغير ايكوتك يبقى بيع ديه واشترى واحدة ايكو تك فابريكة احسن

**kar!m** · 07-05-2012 10:37 AM

أنا برضه شايف انك تجيب واحده ايكوتك على أبوها أفضل .. و في كتير نضيف بس محتاج تدور بصبر شويه.

**Hazeeeeem** · 07-05-2012 09:02 PM

هو ايه الفرق بين الايكوتك والعادى .؟

**tananybasha** · 07-05-2012 10:49 PM

بيع
و اشترى على ابوها
ده العقل و المنطق
مع اعتراضى برضوا طالما ان حالة العربية كويسه

**Optiplex** · 08-05-2012 01:50 AM

بص انشاء الله هاقوللك على حاجة كويسة عرفت تلاقى حاجة كويسة قدامك و فيها الايكوتك و ثمنها مناسب ليك و جاهزة انك تخلص فيها ساعتها اقوللك بيع لكن اوعى تبيع و بعد كدة لسة هاتدور لانك هاتلاقيها مقفلة معاك فهمت قصدى على فكرة انك تسقط احسن بكتيررر و عليك و عالشيخ هيثم فى الحرفين من احسن الناس الى اعاملت معاهم و سقط عندة ماتور و ربنا يباركلة و يكرمة راجل محترم جدااا و ربنا يقدمللك مافية الخيررر

**adelhamed** · 08-05-2012 02:33 AM

بص يا استاذي العربيه دي من ارخم العربيات اللي دورت عليها عشان تعرف تلاقي حاجه حالتها نضيفه ومتصرفش معا ( كتييير ) عشان هي كدا كدا هتصرف معاك بحكم عمر العربيه وحسب الاستهلاك برضو

في الآراء اللي بتقول لو لقيت حاجه نضيفه خلص الرأي دا حلو اوي بس مش للفيكترا خصوصا الموديلات اللي تحت ال 2000 عشان زي ما قولت قبل كدا حتي لو لقيت حاجه جميله هتصرف عليها زود علي كدا ان عربيتك انت عارف استهلاكك فيها عامل ازاي ومش هتتفاجئ باي دبابيس صغيره من بتاعة الفيكترا واللي بتكلف بصراحه

انا مع الرآي اللي بيقول ان حضرتك تحتفظ بعربيتك وتسقطلها ماتور وشوف راي الناس هنا هم خبرة في الناس الممتازه في الاوبل بس انا هتكلم عن اللي جربته محمد عبد الراضي اللي في صقر قريش دا دكتور والصنايعيه اللي عنده استاذه فعلا

بس انا عايز اعرف بئا هل تسقيط الماتور بيقلل من سعرها ولا بيزود سعرها ؟

**wael_elbarkoky** · 08-05-2012 04:36 AM

شكرا علي ردود حضرتكم انا محتار دلوقتي لو نزلت ادور علي حاجه cdx نضيفه حتبهدل لحد مالاقي زي ماتبهدلت لغايت ما لقيت عربيتي كده و حتي لو لقيب حاجه محترمه هاجي ابيع عربيتي اخرها هتجيب 50 الف فلو انتو شيفين ان ال cdx ‎ منتشر و ممكن الاقي منه حالات يبقي تمام هنزل ادور لو مش كده يبقي خليني في عربيتي لغايت ما يظهرلي حاجه نظيفه صح ولا لأ