اكتر عربيه مشنه ركبتها فى حياتك قديم و جديد

**saadelden** · 07-05-2012 06:06 PM

واحد قريبنا معاه 128
العربيه دي تقريبا كل سنه بيرميها للسمكري عشان يرجعهاله عربيه تاني :d

افتكر ف مره كنا رايحين مدينه نصر و لقيناه بيتصل بينا الشكمان وقع منه ف الطريق و العربيه مفيهاش فرامل !

دا غير الحته الي عند القلعه نحيه طلعه المقطم كان بياخدها تقريبا علي 10 كيلو , ساعات كنا بناخدها ف ربع ساعه
العربيه الوحيده الي كانت بتسقف علي اي غيار و اي سرعه :d

الصالون بقى قصه لواحده , اول مره اشوف عربيه 3 راكب :d الكرسي بتاع السواق راجع لغايه الكنبه

**saadelden** · 07-05-2012 06:10 PM

كان فيه جارنا ف السعوديه معاه تويوتا كرسيدا
العربيه دي كانت اسطوره , اتضرب عليها نار و اتقلبت و ولعت مرتين !
دا غير الحوادث ,كانت مخبطه من كل حته و الابواب مفتوحه علي طول و الازاز كله مشرخ او مكسر
و كان بيسند ضهر الكرسي بقالب طوب :d

**minicooper20** · 07-05-2012 07:34 PM

المشاركة الأصلية كتبت بواسطة zooooma

و الله الفريق كلو و هوا يبقى سايق و 3 او 4 لاعيبه قاعدين على الشنطه ورا و كنا بنمشي في الشارع منظرنا تحححححححفه
هههههههههههههههههه كل ما افتكر الايام ديه افطس على روحي من الضحك
لحد بعدها ب سنه ربنا فرجها و كام واحد في الفريق جابو عربيات بقينا نخف الحمل عليها شويه

ههههههههههههههههههههههههه ههههههههههههههههههههههه
طيب كويس انكو جبتو عربيات لحسن مرسيدس كانت هتشتمكو
هههههههههههههههههههه

المشاركة الأصلية كتبت بواسطة saadelden

واحد قريبنا معاه 128
العربيه دي تقريبا كل سنه بيرميها للسمكري عشان يرجعهاله عربيه تاني :d

افتكر ف مره كنا رايحين مدينه نصر و لقيناه بيتصل بينا الشكمان وقع منه ف الطريق و العربيه مفيهاش فرامل !

دا غير الحته الي عند القلعه نحيه طلعه المقطم كان بياخدها تقريبا علي 10 كيلو , ساعات كنا بناخدها ف ربع ساعه
العربيه الوحيده الي كانت بتسقف علي اي غيار و اي سرعه :d

الصالون بقى قصه لواحده , اول مره اشوف عربيه 3 راكب :d الكرسي بتاع السواق راجع لغايه الكنبه

ههههههههههههههههههههههههه ههههههههههههههههههههههه
ههههههههههههههههههههه
ههههههههههههههههههههههههه هههههههههههههههه
و الله انتا عسل الواحد شاف انيل من كده

المشاركة الأصلية كتبت بواسطة saadelden

كان فيه جارنا ف السعوديه معاه تويوتا كرسيدا
العربيه دي كانت اسطوره , اتضرب عليها نار و اتقلبت و ولعت مرتين !
دا غير الحوادث ,كانت مخبطه من كل حته و الابواب مفتوحه علي طول و الازاز كله مشرخ او مكسر
و كان بيسند ضهر الكرسي بقالب طوب :d

كان فى عربيه فى البلد اسسمها كرولا بس مش كرسيدا حاجه رويال كده بس كانت ضايعه
ديما كنت الاقى فيها برسيم
ههههههههههههههههههههههههه ههههههههه

**gebreel** · 07-05-2012 07:48 PM

ال28 اللي اتعلمت عليها كانت موديل حاجة و سبعين كانت على طول تكركر و تترج و انا مش فاهم و فاكر ان انا اللي لسة مش عارف اسوق
تيجي تجيب اول تجيب ثالث تيجي تجيب ثاني تجيب رابع و حاجة كانت بهدلة
فضلت عليها لحد ما اتعلمت السواقة و اتعلمت اسايسها و جيت في اخر يوم لقيت اللي بيعلمني بيقلي بص علشان ماحبطكش انت ما شاء الله بتسوق كويس جدا بس العربية كهربتها مش مظبوطة
عصاية الفتيس معوجة
و العربية رايحة تتعمر بكرة و يتظبط فيها الكلام ده كلوا =)))

**ZOoOoMA** · 07-05-2012 09:36 PM

المشاركة الأصلية كتبت بواسطة minicooper20

ههههههههههههههههههههههههه ههههههههههههههههههههههه
طيب كويس انكو جبتو عربيات لحسن مرسيدس كانت هتشتمكو
هههههههههههههههههههه

هيا لسه هتشتمنا مهي شتمتنا خلاص من زمان بعدها بقى العربيه الشبح ديه اتركنت عشان عطلت و جاب سوزوكي ماروتي ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههه

**MBhead** · 07-05-2012 09:37 PM

الفولجا ......دي عربية روسي اللادا جنبها مرسيدس ...ركبتها مرة في الصعيد
عربية قذرة للغاية كانت مايله من قدام و الابواب مش بتقفل للاخر مفهاش بطانه في حبل بتشد بيفتح الباب و الكنبه بتتحرك و فيها حفرة الفتيس مش بيعض بس .دا بيرجع النقله تاني و الكرونه بتصوووت و الفرامل بتاعتها تدوس علي الدواسة تقف بعد 100 متر و ترمي و تصفر و بتسخن من كل مكان كنت قاعد ورا و حموت من الصهد بتاع الموتور و فيها ريحة سلوك محروقة و علي ريحة بنزين و التابوه ...هو مكنش تابلوه اصلا مش باين فيه ايه شي كله سلوك و الراجل اللي سايق بيوصل سلكتين عشان يدي كلاسك هههههه و اجمد حاجة فيها ..كان في جركن قدام و فيه خرطوم ....دي بقي البنزين و بيتسحب بخرطوم هههههههههههه مشنه غير طبيعبه ركبتها نص ساعة كنت حموت بشل رعاش و الراجل اللي سايق بيتعارك مع الفتيس و الدريكسيون

**Sehsss** · 07-05-2012 10:46 PM

طيب أنا ما ركبتش عربيات مشنشة، أعمل إيه بقى دلوقتي

**gebreel** · 07-05-2012 11:20 PM

المشاركة الأصلية كتبت بواسطة medo_msmsa

يا جدعان انتو بنهرجوا العربيات اللي بتتكلموا عليها دي تعتبر فابريكه مش مشنة ولا حاجة انا هقولكوا على عربية (اسما فقط) بس مش هدخل في تفاصيل عشان اكيد هنسي حاجات كتير انا هوصفلكوا موقف معين وانتو اتخيلوا
هي 132 موديل حاجة وسبعين صاحبها الله يرحمه من يوم ما اشتراها مصلحش حاجة ولما توفي سابها لابنه (صاحبي) واخواته كلهم اتعلموا عليها السواقة المهم في سنة 2002 وبعد ربع قرن من الاهمال وعدم الصيانة كان كل حاجة في العربية مش شغالة تمام لدرجة ان الفرامل بتمسك عجلة واحدة بس من الاربعة مرة كنا عند اول عباس (عند توم اند بصل) كده الفجر لقينا سواق تاكسي غبي بينزل الناس في نص الطريق (ما هو الدنيا فاضية بقى) المهم كنا ماشيين 90 تقريبا جه صاحبي يمسك فرامل طبعا العربية لقت حولين نفسها زي البرجل وهووووووووووب طاااااااخ في التاكسي لحد هنا الموضوع عادي وكل حاجة بالنسبة ليه طبيعيه لاني كنت شايف حالة العربية ومتوقع اي حاجة اللي خلاني هتجنن ان لما العربية خبطت الكراسي اللي قاعدين عليها اتكسرت واتقطمت من مكانها (يعني الضهر بقى بيتحرك لوحده والكرسي كله اتخلع من مكانه) فطبعا فعصنا الناس اللي في الكنبة اللي ورا
طبعا البرومة كانت وكلها لدرجة ان خبطة زي دي خلت الماتور ياخد الطابلوه وييجوا في حجرنا يعني دي تقريبا مش مشنة دي كفن اساسا

كل حاجة سليمة بس لوحدها

-

الموضوع: اكتر عربيه مشنه ركبتها فى حياتك قديم و جديد

LinkBack

أدوات الموضوع

عرض

-

-

-

-

-

المواضيع المتشابهه

ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟

اكتر انسان محظوظ ممكن تشوفه في حياتك

ايه اكتر موقف مرعب في حياتك

شاشه gps للالنترا لو ركبتها بره توكيل تطلع عربيه من ضمان

اية اقوى سحبة عربية ركبتها فى حياتك

الكلمات الدلالية لهذا الموضوع

المفضلات

المفضلات

ضوابط المشاركة