الموضوع: اكتر عربيه مشنه ركبتها فى حياتك قديم و جديد

وحشاني موضوعاتك الجامده يا حبي
انا ركبت مشنات كتير
اولهم فلفو موديل حاجه وسبعين كان صحبها جايبها صاج واول طلعه ليه طلعت فوق جرار زراعي ونزلت في ترعه
تاني مشنه
كانت عربيه 131 وقررت انا وصحابي نروح القاهره نتفسح وكانت فسحه ما يعلم بيها الا ربنا كان معايا الفليشيا وكنا اربعه في كل عربيه سبحان الله الاربعه التلاته الي معايا اتحولو لسبعه كانت عربيت صحبي بتمشي 2 كيلو وتعطل اول مره عطلت فيها واحنا طلعين من الزقازيق صحلناها ومشينا وبنشد مع بعض وانا فتحت 140-160 وهو اختفي شوية وبيتصل بيه انت فين قولتله انا قدامك قالي انا عطلت نزلت صحابي قعتهم في بنزين ورجعت ليه اخت الناس الي معاه وكل اتنين كيلو يتصل يقولي انا عطلت وكان يوم مسخره قضناه في الطريق
تالت مشنه كانت 131 بردو بتاعت واحد حبيبي كان بيحط ليها زيت 3 مرات في السنه اول مره اركبها بدوس فرامل لقيت الكرسي بيتقلب لوره وتخيل بقئ انت متشعلق في الطاره ومش عارف تعمل حاجه
وبعدها كانت فيات 127 وكانت بتنقل وبتفك النقله اتوماتيك وانا ماشي بيها طبعا كابس علي نفسها الميكانيكي بيقولي اجبلك جردل تعلقه في الشمكان يلم البساتم الي هطير (مش بتوصي في دوس البنزين)
وبعدها كانت عربيت واحد صحبي كانت 323 خطيبت اخويا كانت بتقولي صحبك دا بيمشي بالعرض العربيه كانت مخبطه في كل ناحيه واخرهم دخلت في عربيه جيب ضيعت ملمحها

المشاركة الأصلية كتبت بواسطة mbhead

الفولجا ......دي عربية روسي اللادا جنبها مرسيدس ...ركبتها مرة في الصعيد
عربية قذرة للغاية كانت مايله من قدام و الابواب مش بتقفل للاخر مفهاش بطانه في حبل بتشد بيفتح الباب و الكنبه بتتحرك و فيها حفرة الفتيس مش بيعض بس .دا بيرجع النقله تاني و الكرونه بتصوووت و الفرامل بتاعتها تدوس علي الدواسة تقف بعد 100 متر و ترمي و تصفر و بتسخن من كل مكان كنت قاعد ورا و حموت من الصهد بتاع الموتور و فيها ريحة سلوك محروقة و علي ريحة بنزين و التابوه ...هو مكنش تابلوه اصلا مش باين فيه ايه شي كله سلوك و الراجل اللي سايق بيوصل سلكتين عشان يدي كلاسك هههههه و اجمد حاجة فيها ..كان في جركن قدام و فيه خرطوم ....دي بقي البنزين و بيتسحب بخرطوم هههههههههههه مشنه غير طبيعبه ركبتها نص ساعة كنت حموت بشل رعاش و الراجل اللي سايق بيتعارك مع الفتيس و الدريكسيون

ههههههههههههههههههههههههه هههههههههههه وربنا انا منا قادر ابطل ضحك من موضوعك العسل ده ونشكر صاحب الموضوع

كورسا هاتش باك كانت عربيه مالهاش اي 30 لازمه صاحبها صحبي قلبها مره وواحد صحبه قلبها مره
ومفيهاش اي حاجه سليمه لا باور ولا تكييف ولا متور ولافتيس ولا اي حاجه خاااااااااااااااااااالص

ومن كتر ما علبه الدركسيون بايزه والله العظيم لو سبت الدركسيون العربيه هتلف شمال وممكن تلاقيها بيعمل يوتيرن لوحدها وطول منتا سايق قافش في الدركسيون عشان ميرميش شمال الاحساس الي كان مسيطر عليا وانا سايق ان في كاوتش هيطير يعني هيطير بس الحمد لله معملتهاش

وصاحب العربيه زابط العربيه ب فوق ال 10 الف جنيه سمكره ودوكو ومتور جديد وعفشه بصراحه ركبتها بعد كده فرحت اوي لان العربيه دي تعتر من عربيات الذكريات الي بتوحش الواحد زي ما تكون واحد صاحبك بالضبط

المشاركة الأصلية كتبت بواسطة gebreel

ال28 اللي اتعلمت عليها كانت موديل حاجة و سبعين كانت على طول تكركر و تترج و انا مش فاهم و فاكر ان انا اللي لسة مش عارف اسوق
تيجي تجيب اول تجيب ثالث تيجي تجيب ثاني تجيب رابع و حاجة كانت بهدلة
فضلت عليها لحد ما اتعلمت السواقة و اتعلمت اسايسها و جيت في اخر يوم لقيت اللي بيعلمني بيقلي بص علشان ماحبطكش انت ما شاء الله بتسوق كويس جدا بس العربية كهربتها مش مظبوطة
عصاية الفتيس معوجة
و العربية رايحة تتعمر بكرة و يتظبط فيها الكلام ده كلوا =)))

ههههههههههههههههههههههههه ههه
انتا مشاء الله بتسوق كويس
فكرتنى لما كنت بسوق من ورا ابويا جيه فى مره العربيه كانت مزنوقه اوى فا بقولو تدفع كام و اطلعهالك
قالى و انتا بتعرف تسوق قلتلو امال
ادانى المفتاح روحت مطلعها
فضل يضحك
ههههههههههههههههههههههههه ههههه

المشاركة الأصلية كتبت بواسطة saadelden

انا بحمد ربنا ان عربيتي مابتعملش فيا كدا

و الي يجننك اكتر انه اتسرق منه بطاريتين من نفس المكان ف مصر الجديده ! وكانت هاتتسرق تالت مره بس تقريبا الحرامي صعب عليه و اكتفى انه فتح الكبوت و مشي :d


طبعا التاكسيات الاسطوره اللادا دي ليها قصص و عبر
كنا راكبين مره تاكسي و ماشي علي الدائري راجعين من مدينه نصر ,العربيه من جوا شكلها مريب بغباء
و طبعا شخلله طالعه من كل حته و اصوات و الكراسي مايتقعدش عليها, بس هانعمل ايه المضطر يركب اللادا

الي حصل كنا قرب البساتين و فجأه بيضه العجل ملصت و الكاوتشه سابت العربيه و مشيت :d
كل دا و احنا قاعدين مش فاهمين حاجه ! و الوقت كان متأخر و الدنيا فاضيه مفيش بني ادم ف الشارع!
طبعا ركن علي جنب بأعجوبه و نزلنا اتخانقنا معاه شويه و ف الاخر مشينا حوالي 4 كيلو لحد ما وصلنا لمنطقه مأهوله عرفنا نركب منها
من ساعتها كل ما اشوف لادا افتكر الموقف دا اقعد اشتم فيها نص ساعه

ههههههههههههههههههههههههه هههههههههههههههههه
مره ركبت تاكسى رينو من مدينه نصر لمصر الجديده الساعه 3 الفجر
العربيه بتكح و كل شويه انزل ازق و ارمى يرمى 3 متر و تبطل قالى ربنا يخليك يا كابتن
ههههههههههههههه

المشاركة الأصلية كتبت بواسطة zooooma

هيا لسه هتشتمنا مهي شتمتنا خلاص من زمان بعدها بقى العربيه الشبح ديه اتركنت عشان عطلت و جاب سوزوكي ماروتي ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههه

ههههههههههههههههههه
سوزوكى ماروتى بعد مرسيدس هههههههههههههههههههه

المشاركة الأصلية كتبت بواسطة mbhead

الفولجا ......دي عربية روسي اللادا جنبها مرسيدس ...ركبتها مرة في الصعيد
عربية قذرة للغاية كانت مايله من قدام و الابواب مش بتقفل للاخر مفهاش بطانه في حبل بتشد بيفتح الباب و الكنبه بتتحرك و فيها حفرة الفتيس مش بيعض بس .دا بيرجع النقله تاني و الكرونه بتصوووت و الفرامل بتاعتها تدوس علي الدواسة تقف بعد 100 متر و ترمي و تصفر و بتسخن من كل مكان كنت قاعد ورا و حموت من الصهد بتاع الموتور و فيها ريحة سلوك محروقة و علي ريحة بنزين و التابوه ...هو مكنش تابلوه اصلا مش باين فيه ايه شي كله سلوك و الراجل اللي سايق بيوصل سلكتين عشان يدي كلاسك هههههه و اجمد حاجة فيها ..كان في جركن قدام و فيه خرطوم ....دي بقي البنزين و بيتسحب بخرطوم هههههههههههه مشنه غير طبيعبه ركبتها نص ساعة كنت حموت بشل رعاش و الراجل اللي سايق بيتعارك مع الفتيس و الدريكسيون

مش دى السبه البجو و المرسيدس موجيل 60 فونيسها مدوره كده

المشاركة الأصلية كتبت بواسطة sehsss

طيب أنا ما ركبتش عربيات مشنشة، أعمل إيه بقى دلوقتي

نتفكك مع حد معاه عربيه مشنشه و نجيبك تجرب
هل من متبرع

المشاركة الأصلية كتبت بواسطة medo_msmsa

يا جدعان انتو بنهرجوا العربيات اللي بتتكلموا عليها دي تعتبر فابريكه مش مشنة ولا حاجة انا هقولكوا على عربية (اسما فقط) بس مش هدخل في تفاصيل عشان اكيد هنسي حاجات كتير انا هوصفلكوا موقف معين وانتو اتخيلوا
هي 132 موديل حاجة وسبعين صاحبها الله يرحمه من يوم ما اشتراها مصلحش حاجة ولما توفي سابها لابنه (صاحبي) واخواته كلهم اتعلموا عليها السواقة المهم في سنة 2002 وبعد ربع قرن من الاهمال وعدم الصيانة كان كل حاجة في العربية مش شغالة تمام لدرجة ان الفرامل بتمسك عجلة واحدة بس من الاربعة مرة كنا عند اول عباس (عند توم اند بصل) كده الفجر لقينا سواق تاكسي غبي بينزل الناس في نص الطريق (ما هو الدنيا فاضية بقى) المهم كنا ماشيين 90 تقريبا جه صاحبي يمسك فرامل طبعا العربية لقت حولين نفسها زي البرجل وهووووووووووب طاااااااخ في التاكسي لحد هنا الموضوع عادي وكل حاجة بالنسبة ليه طبيعيه لاني كنت شايف حالة العربية ومتوقع اي حاجة اللي خلاني هتجنن ان لما العربية خبطت الكراسي اللي قاعدين عليها اتكسرت واتقطمت من مكانها (يعني الضهر بقى بيتحرك لوحده والكرسي كله اتخلع من مكانه) فطبعا فعصنا الناس اللي في الكنبة اللي ورا
طبعا البرومة كانت وكلها لدرجة ان خبطة زي دي خلت الماتور ياخد الطابلوه وييجوا في حجرنا يعني دي تقريبا مش مشنة دي كفن اساسا

ههههههههههههههههههههههههه ههههههههههههههههههه
هههههههههههههههههههههههه
كفن
ههههههههههههههههههههههههه هههههههههههههه
كانت اعرف واحد ب 128 شايل الكنبه لان طولو 202 سنتى

المشاركة الأصلية كتبت بواسطة hm414

يااااااااه
على كده الواحد مرفه بقا

الحمد لله على النعمه اللي ربنا اداهالنا

يارب يسترها علينا....

يعني لو هعتبر ان في عربية قديمه ركبتها هتكون جيمس السوبربان قديم موديل 69 من ايام الفتيس ابو تلات غيارات
ههههههههههههههههههههههههه ه
ودي كانت مدرعه بمعنى الكلمة ومنساش اخويا دخل بيها في برميل زبالة من الكبار والبرميل اتعوج واتنى والجيمس محصلوش حاجه غير شويه خرابيش صغننه فعلا
وكان بيضرب فراقيع للصبح وحالته بعناه ب 1000 ريال
ههههههههههههههههههه

ههههههههههههههههههههههههه هه
عارفها العربيه دى
هههههههههههههههه
بعتوها ب الف ريال هههههههههههه

المشاركة الأصلية كتبت بواسطة ahmed metwaly

وحشاني موضوعاتك الجامده يا حبي
انا ركبت مشنات كتير
اولهم فلفو موديل حاجه وسبعين كان صحبها جايبها صاج واول طلعه ليه طلعت فوق جرار زراعي ونزلت في ترعه
تاني مشنه
كانت عربيه 131 وقررت انا وصحابي نروح القاهره نتفسح وكانت فسحه ما يعلم بيها الا ربنا كان معايا الفليشيا وكنا اربعه في كل عربيه سبحان الله الاربعه التلاته الي معايا اتحولو لسبعه كانت عربيت صحبي بتمشي 2 كيلو وتعطل اول مره عطلت فيها واحنا طلعين من الزقازيق صحلناها ومشينا وبنشد مع بعض وانا فتحت 140-160 وهو اختفي شوية وبيتصل بيه انت فين قولتله انا قدامك قالي انا عطلت نزلت صحابي قعتهم في بنزين ورجعت ليه اخت الناس الي معاه وكل اتنين كيلو يتصل يقولي انا عطلت وكان يوم مسخره قضناه في الطريق
تالت مشنه كانت 131 بردو بتاعت واحد حبيبي كان بيحط ليها زيت 3 مرات في السنه اول مره اركبها بدوس فرامل لقيت الكرسي بيتقلب لوره وتخيل بقئ انت متشعلق في الطاره ومش عارف تعمل حاجه
وبعدها كانت فيات 127 وكانت بتنقل وبتفك النقله اتوماتيك وانا ماشي بيها طبعا كابس علي نفسها الميكانيكي بيقولي اجبلك جردل تعلقه في الشمكان يلم البساتم الي هطير (مش بتوصي في دوس البنزين)
وبعدها كانت عربيت واحد صحبي كانت 323 خطيبت اخويا كانت بتقولي صحبك دا بيمشي بالعرض العربيه كانت مخبطه في كل ناحيه واخرهم دخلت في عربيه جيب ضيعت ملمحها

ينهار حوادث ينهار حوادث
انتا اكتر و الله يا حبى

المشاركة الأصلية كتبت بواسطة inteltech

ههههههههههههههههههههههههه هههههههههههه وربنا انا منا قادر ابطل ضحك من موضوعك العسل ده ونشكر صاحب الموضوع

تحت امرك يا كبير

المشاركة الأصلية كتبت بواسطة mxz911

من أسوأ العربيات اللى ركبتها لادا 2107 موديل 2003 .. والشاهين موديل 99 وكان حاله العربيه زى الفل على فكره يعنى وحالتهم نظيفه كرهونى فى السواقه .. من وضعيه السواقه اللى لازم تبقى مقرفص فيها عشان تسوق .. لموضوع الدواسات اللى تصميمها عجيب اما البنزين والفرامل لازقين ف بعض والدبرياش بعيد .. او كلهم بعاد وواحده طالعه والتانيه نازله .. وطبعا الثبات زى الزفت
مع انى متعود على سواقه القديم معنديش مشكله سقت ال بيجو 505 لمده 5 سنين على الاقل و رينو داشيا برضه 5 سنين على الاقل .. بس مشوفتش زى السوء بتاع الللادا والشاهين دول

فعلا الادا تقيله جدااااااااااااااااااااا
بس بتنفع و الله

المشاركة الأصلية كتبت بواسطة حماده المصري

كورسا هاتش باك كانت عربيه مالهاش اي 30 لازمه صاحبها صحبي قلبها مره وواحد صحبه قلبها مره
ومفيهاش اي حاجه سليمه لا باور ولا تكييف ولا متور ولافتيس ولا اي حاجه خاااااااااااااااااااالص

ومن كتر ما علبه الدركسيون بايزه والله العظيم لو سبت الدركسيون العربيه هتلف شمال وممكن تلاقيها بيعمل يوتيرن لوحدها وطول منتا سايق قافش في الدركسيون عشان ميرميش شمال الاحساس الي كان مسيطر عليا وانا سايق ان في كاوتش هيطير يعني هيطير بس الحمد لله معملتهاش

وصاحب العربيه زابط العربيه ب فوق ال 10 الف جنيه سمكره ودوكو ومتور جديد وعفشه بصراحه ركبتها بعد كده فرحت اوي لان العربيه دي تعتر من عربيات الذكريات الي بتوحش الواحد زي ما تكون واحد صاحبك بالضبط

بعد كل ده صلحها ههههههههههههههههههههههه
كتر خيرو والله دى كان حطها قدام الجامع ارحم

المشاركة الأصلية كتبت بواسطة ahmed a.maksoud

موضوع لذيذ جداً

أنا مش فاكر حاجة أنا سقتها بنفسى تعتبر مشنة...........مقارنة باللى الناي قالته يعنى.

بس فاكر عربيتين كانو مع واحد صاحبى...........الأولى 128 حمراء اللون
العربية دى على أواخر أيامها كانت تزود لها بنزين تحدف يمين جامد و لو شلت رجلك تحدف شمال تانى........تدوس فرامل خفيف و أنت ماشى بسرعة تحدف شمال جامد...........صاحبى بقى كان ساعتها بيحب الجرى و الشد و الغرز قوى........و كان لما يحب ياخد غرزة يمين يدوس جامد و لما يحب ياخد غرزة شمال يشيل رجله.

باعها و جاب جولف رابيت.....اللى هى أول ما قالو يا جولف.........كانت موديل 78 أو 79 على ما أذكر..........قعدت شوية كويسة و بعد كده الموتور فوت منه.......و بعد ما صلحه كان هو الوحيد اللى فى الشلة معاه عربية ساعتها.........و كنا بنطلع الساحل أو أسكندرية فى الصيف مش أقل من مرتين تلاتة فى السنة و كل مرة كانت لازم ترجع مقطورة..............بس بصراحة عربية أصيلة..........كانت دايماً تقف و أحنا راجعين فى الطريق و عمرها ما عطلت و أحنا رايحين أو وأحنا هناك.

ياااااااااااااااااه
فكرتنى بالكرستاله بتاعت رمزى
اول واحد فى الشله كان عندو عربيه بس مانت مشنه و كنبه و زى متقول قول
كل منسافر ترجع بايظه كنا فى تانيه ثانوى
بس جامده حته الغرز دى ههههههههههههههههههههههههه ههههههه
نورتنى يا احمد بيه