اقتباس المشاركة الأصلية كتبت بواسطة lanos2004 مشاهدة المشاركة
فى الاول كنت مستغرب ليه الناس مش بتجرى بالعربيه دى --بس الان عرفت ليه علشان معظم العربيات كانت لسه مكملتش 5000 كيلو--الايام دى بلاقى ناس راكباها وطايرة على الدائرى وغرز وحركات--ولو العربيه فيها مشكله ثبات مكنتش الناس دى جرت بيها بجنون
أمبارح و أنا راجع من أسكندرية بالليل كان الطريق شبه فاضي و واحد معاه أفيو عدي من شمالي بجنون أنا كنت ساعتها ماشي 140 كم/ساعة
العربية شكلها بتاعة ظابط شرطة من شكل اللوحة

طبعا حبيت أعرفه يعني أيه النترا و فعلا كبست بنزين علي الاخر
الموتور زأر و العربية قفزت من 140 الي 180 و بدات تدخل علي ال 190
و ياعيني .... عديت من يمين الافيو في لمح البصر و خلال ثواني كانت الأفيو بتختفي من بعييييييد
ماحصلنيش الا قبل تحويلة و أنا بأهدي علشان أخد المطب و جه ووقف يميني و بص لي و شكله فعلا كان ظابط

طبعا دخلنا التحويلة و لأني حافظها كويس و لأن عربيتي فعلا ثابتة و بأقدر أخد بيها الملفات علي سرعات عالية فضل ماشي ورايا حقيقي عرف يعني أيه ألنترا و مافكرش يعدي تاني بالرغم من أني هديت أكثر من مرة ووسعت له لحد قبل البوابة بحوالي 10 كم هديت علشان الرادارات و أخدت أقصي اليمين و هو عدي

نفس الكلام حصل مع ألنترا الشكل القديم و مع نيو أكسنت قبل الرست و أحنا طالعين من المطبات و قولت اشوف السحب و الطلعة الاولانية العربية هاتعمل أيه
الأكسنت فعلا سخن و عمل كيك داون و سمعت صوت الموتور و هو بيشد و كنت انا لسه مش كابس علي البنزين و باطلع واحدة واحدة و أول مابدأ يفرق عني شوية أديتها سرعتها و طلعت منه و ماجابنيش تاني

حقيقي العربية سحبها ممتاز خاصة فوق ال 120 و ثباتها جيد جدا لحد ال 180 كم/ساعة رغم أني جبت بيها قبل كده ال 200 كم/ساعة و لكن للاختبار فقط علي طريق فاضي تماما و في وضح النهار و برضه ثباتها كان معقول و لكنه كان بدأ يقل طبعا

حقيقي بأستعرب من اللي بيقول عليها مش ثابته و مش عارف حكمه ده علي أي أساس