الموضوع: تقرير شامل لبريليانس جالينا 2012

ألف مبروك

ادعيلي بقا انا لسا مستني حاجة كدا و بعدين هنفذ انشاء الله ... بالكتير على آخر الشهر الجاي ...!!

مبروك يااسطوره وجبتها على كام وعداد كام وحالتها ايه ومردتش عليا على الخاص مستنيك

العربيه موديل 2009 بس كانت مرفوعه علشان صاحبتها سكرتيره السفير الياباني ومعاها عربيه تانيه جيب ومش محتاجاها العربيه كانت في اسكندريه
بصراحه كنت رايح في الطريق بقووول اكيد هتبقي حالتها مش اوي علشان هي موديل 2009 وبصراحه روحت اتوهمت لقيتها كأنها موديل 2012 مفيهااااااااش اي جرح نهائي كل اللي فيها كام جرح في الاكدام الامامي والخلفي بس قولت هروح ارشها في التوكل والعداد عامل 29000كم وفيها فتحه سقف وكراسي كهربا وسخان في الكراسي والصالون بحاله الزيروووووووووووو والله مش ببالغ بس تقريبا محدش كان بيركب ورا اصلا لان من كتر ركنه العربيه الجوان الجلد اللي بيبقي علي الازاز من ورا كان مطبع علي الازاز وبيعمل صوت جامد زي مايكوووون لازق في الازاز وفتحت الشنطه لقيتها زيرووووو صاحبتها بتقولي عمري ما فتحت الشنطه اصلا والاستبن منزلش اصلا علي الارض وانا بشتريها قالتلي العربيه محتاجه بس علبه شكمان اللي هي علبه البيئه قولتلها ليه قالتلي وانا بعمل الصيانه التوكيل هو اللي قالي
بصراحه ولا جبت معايا اي حد نهائي ولا روحت رفعتها في البنزينه ولا حاجه وخلصت فيها علي طووووول لان حالتها كانت زيرووو المهم وانا مروح في الطريق بتاع اسكندريه وجاي علي القاهره لقيت في ميه بتنقط علي رجلي وفي ميه كتيررر في الدواسه وفي ميه في الدواسه اللي جنبي المهم قلقت اووووي واتصلت بكام واحد صاحبي من اللي شغاليني في التوكيل وكل واحد يقولي هتلاقي السربنتينه الداخليه بايظه وهتلاقيها في حدود 1000 جنيه ولازم يتفك الطابلووووه كلوووو المهم روحت رافع العربيه علي الكوريك بتاع البنزينه العالي ده قولت ادور علي خرطوم التكييف الفايظ ممكن يبقي بينزل في الدواسه مش بره المهم ملقتش الخرطوووم اصلا ساعتها ارتحت وقولت هو ده العيب روحت لميكانيكي صاحبي لقينا الخرطوم بتاع الفايظ مزنوق ومخنوق وبيرد الميه جوه الصالون ظبتنا الخرطوووم وكلووو تمام ومبقاش في اي ميه تاني حاجه بردو وانا جاي حسيت ان سحب العربيه ضعععيف وبتقطع وبتبطل وهي مااااشيه قولت يبقي البنزين عليه ميه روحت للتوكيل بتاع اوتو تك اللي في جسر السويس اول امبارح قالي حساس الكامه عايز يتغير ومش موجود دلوقتي وغلط لو مشيت بالعربيه علشاااان ممكن يقطع خالص في اي وقت قولتله طيب هيجي امتي قالي بكره او بعدووو طيب بكام يا باشا قالي ب950 جنيه طبعا وقعت من طوووولي قولتله طيب متشكر اوووووي روحت نازل علي الحرفيين عند شيكو وجبت حساس وركبتو بنافسي في ثانيه والعربيه بقت ميه ميه ولا تقطيع ولا حاجه وبكام بقي ب150 جنيه انا بقولكو الكلام ده لسبب انك متخليش صنايعي يلف بيك ويدور ومتسلمش نفسك ليه وكل اللي في العربيه اتعمل ب200 جنيه وبقت تمام ناقصلي بس علبه البيئه علشان ساحبها ضعيف اووووي ويا جماعه ده عيب في الجالينا كلها بعت 10 او 20 الف كيلو بتلاقيها عايزه علبه بيئه متعرفش ايه السبب لاني نزلت تحت العربيه لقيت الشكمان زيروووووو ومفيهوش اي خبطه نهائي المهم سألت عليها في التوكيل قالولي ب1250 جندي وصاحبه العربيه قالتلي هتلاقيها في شركه اسمها الزهار هيعملهالك مخصوص وهو ده اللي بيدي للتوكيل المهم اتصلت بيهم وقالولي بكره هتبقي جاهزه وربنا يسهل ادعولي
اه نسيت اقولكو السعر هو 90 الف جنيه

مبروووووووووووووووووووووو ووووووووووووووووووووووووو ووووووووووووووووووووووووو ووووووووووووووووك

صفقه ممتازه ربنا يباركلك

ياااااااااا جماعه سحب العربيه ضعيف شويه ايه الحل اعمل ايه وايه ممكن يكون السبب

انا معايا نمره مهندس الصيانه في البافارييه بس في المكتب ... يوم الاحد انشاء الله هدهالك يمكن تساعد..!!

و بعدين على كلامك العربيه دي كانت مرفوعة .... يعني لازم تعملها سيرفيس كامل :
بوجيهات جديده - منظف انجكشن - اوكتان في التنك لتنظيف الطلمبه و التنك - فلتر بنزين جديد - فلتر هوا جديد ....
وبعد عمل الصيانه دي ممكن نتكلم على اي سحب ضعيف ... صح ولا ايه يا اسطوره ...!!