الموضوع: تقرير شامل لبريليانس جالينا 2012

هو حد عنده أى فكرة عن بطارية العربية لأن اٍمبارح البطارية نامت منى و العربية ما كانتش بتدور و بعدين دارت لما عملتلها وصلة علما بأن العربية جالينا 2012 و بقالها 6 شهور بس و عاملة 13000 كيلو
ولما رحت للتوكيل فى القطامية قالولى اٍن البطارية عاوزة تتغير بس لازم أدفع نسبة تحمل حوالى 300 الٍى 350 جنيه و هذا المبلغ هو نسبة من فترة الاٍستهلاك لأن البطارية ثمنها 550 جنيه على حسب كلامهم.
فى حاجة كمان البطارية اللى ركبة فى العربية ماركتها tenax و الضمان اللى جاى بتاع العربية chloride,
أنا طبعا لما لقيت السعر كدة قلت أروح أشترى من برة أحسن جديدة و هتكون تقريبا بنفس التمن.
ياريت اللى عندهم جالينا يفيدونا فى الموضوع ده

المشاركة الأصلية كتبت بواسطة el_lod_81

هو حد عنده أى فكرة عن بطارية العربية لأن اٍمبارح البطارية نامت منى و العربية ما كانتش بتدور و بعدين دارت لما عملتلها وصلة علما بأن العربية جالينا 2012 و بقالها 6 شهور بس و عاملة 13000 كيلو
ولما رحت للتوكيل فى القطامية قالولى اٍن البطارية عاوزة تتغير بس لازم أدفع نسبة تحمل حوالى 300 الٍى 350 جنيه و هذا المبلغ هو نسبة من فترة الاٍستهلاك لأن البطارية ثمنها 550 جنيه على حسب كلامهم.
فى حاجة كمان البطارية اللى ركبة فى العربية ماركتها tenax و الضمان اللى جاى بتاع العربية chloride,
أنا طبعا لما لقيت السعر كدة قلت أروح أشترى من برة أحسن جديدة و هتكون تقريبا بنفس التمن.
ياريت اللى عندهم جالينا يفيدونا فى الموضوع ده

الحمد لله علي البطاريه كلامك صح في عربيات بيركبلها كلورايد وفي تيناكس عامة النوع التاني ده مش كويس لان وانا في التوكيل شوفت واحد عنده نفس المشكله- نسبة التحمل دي معروفه في ضمان البطاريه - ع العموم شوف الاسعار بره ونسبة التحمل اللي هاتدفعها كام وقرر علي الاساس ده وبالتوفيق

المشاركة الأصلية كتبت بواسطة night_flight

السلام عليكم يا جماعة انا انهاردة ان شاء الله رايح التوكيل عشان صيانة ال 2000. هرجع احكلكوا علي التجربة و علي مستوي الخدمة و مستوي متابعة الملاحظات وحل المشاكل. اه بالمناسبة هو توكيل ابو رواش

ياااااااااااااااااااااااا مسهل

المشاركة الأصلية كتبت بواسطة احمد نور الدين

الحمد لله علي البطاريه كلامك صح في عربيات بيركبلها كلورايد وفي تيناكس عامة النوع التاني ده مش كويس لان وانا في التوكيل شوفت واحد عنده نفس المشكله- نسبة التحمل دي معروفه في ضمان البطاريه - ع العموم شوف الاسعار بره ونسبة التحمل اللي هاتدفعها كام وقرر علي الاساس ده وبالتوفيق

شكرا على الرد
أنا خلاص اٍشتريت البطارية و هى تورنادو و كنت هجيب ايه سى ديلكو بس ملقيتش عند المحل اللى اٍشتريت منه بطارية ايه سى ديلكو معكوسة فجبت تورنيدو أوروبى و بالتحديد رومانى و هى جافة عليها سنة ضمان و تمنها 430 جنيه بس برضو بعد 6 شهور لا يتم الاستبدال فى حالة التلف اٍلا بعد دفع نسبة تحمل من ثمن البطارية.
على فكرة أنا السماعات اللى ورا عندى باظت من شهر وودتها عند الشركة و المفروض أستلمها انهاردة.
أنا بس حبيت أقول على موضوع السماعات عشان الكل يعرف و يستفيد من الأعطال التى تظهر فى جميع السيارات و الحل لهذه الأعطال
ولما أستلم اٍنشاء الله السماعات و الكاسيت و أعرف اٍيه المشكلة هبقى أقولكم عليها.

الصراحة دخلت علي الموضوع الاعلاني بتاع زيوت ليكو مولي وانا عاجباني الزيوت دي من زمان من الكلام اللي بسمعه والمواضيع اللي في المنتدي المهم قلت اجربها واشتريت نوع لايت لوف هاي تك وبصراحه اشتريته لسببين الاول انه اعلي تكنولوجيا والتاني وده الاهم انه الجركن بتاعه 5 لتر وانا عربيتي بتاخد 4.5 لتر تقريبا فقلت اكبر دماغي بدل ما اشتري 4 لتر ولتر لوحده اجيب النوع ده كويس وفي نفس الوقت 5 لتر

المهم اشتريت معاه السيراتيك اللي بيقولو عليه وجبت الفلتر من التوكيل وانا باعمل الصيانه ورحت لبتاع الزيت ونزلت الزيت القديم - شل 10000 - وكانت حالته لاباس بها حلوه لاباس بها دي لكن حسيت انه خفيف سنه المهم حطيت الزيت والسيراتيك وغيرت الفلتر

النتيجه تحسن بسيط في صوت الموتور معرفش بسبب نووع الزيت ولا لانه جديد علي العموم الناس بتقول ان السيراتك مفعوله بيبان بعد الفين كيلو تقريبا هاشوف وهاقولكم علي النتيجه

قبل ما حد يسال انا اشتريت الزيت ب 290 جنيه والسيراتك ب 110

تجربتي مع wd 40

'طبعا معظمنا عارف المنتج ده وهو باختصار علبة اسبراي تعمل كمزيل صدأ ومنظف وتزييت واستخدانات متعدده

انا لاحظت لما كنت بعمل كروس للكاوتش ان الكنابير مصديه جامد خصوصا الصرة بتاعة العجل المهم انا كنت مشتري كوريك التمساح فجبت ال wd ورفعت العربيه عجله عجله وفكيت الكاوتش ورشيت منه علي الصرة واستنيت حوالي 10 دقايق وبعدين صنفرتها بصنفرة خشنه الصرة بقت تمام وبتلمع زي الجديده

وبعدين رشيت منه علي كل العفشه والمسامير والمقصات ورا وقدام

النتيجه :- ازالة تامه للصدأ

تحسن جامد جدا في صوت العفشه والتزييق وخلافه

نصيحه مهمة جدا تجنب الرش علي اي اجزاء كهربائيه وكذلك مترشش ابدا علي تيل الفرامل او علي سطح الطنبوره المتلامس مع التيل ولو السائل نزل علي سطح الطنبورة لازم تنشفه كويس

جربوا وادعولي

استاذ نور الدين ممك نعرف العربية عاملة ايه معاك بع اكثر من 4 شهور والسيارة عاملة فى استهلاك البنزين وهل ممكن اى ميكانيك يشتغل فيها ولا لازم التوكيل وايه رايك فى فكرة شراء موديل 2006 دى بتاعة استاذ اسطورة؟؟؟ اسف طولت عليك