تقرير شامل لبريليانس جالينا 2012

**el_lod_81** · 29-09-2012 05:45 PM

و عندما أحاول رفع الملف jpg أجد المساحة أكبر من المساحة المسموحة لرفع الصور فما هو الحل

**احمد نور الدين** · 30-09-2012 03:21 AM

المشاركة الأصلية كتبت بواسطة dodopop2

استاذ نور الدين ممك نعرف العربية عاملة ايه معاك بع اكثر من 4 شهور والسيارة عاملة فى استهلاك البنزين وهل ممكن اى ميكانيك يشتغل فيها ولا لازم التوكيل وايه رايك فى فكرة شراء موديل 2006 دى بتاعة استاذ اسطورة؟؟؟ اسف طولت عليك

حكاية 2006 وخلافه مقدرش ارد عليك فيها لاني متجيز تماما لمبدأ الزيرو

لا انصحك في اي سيارة بالذهاب الي الميكانيكي بالمعني المتعارف عليه لكن اذا كان مركز صيانه محترم مفيش مانع العربيه مش معقده للدرجه لكن انا عن نفسي بقول التوكيل احسن حتي لو اغلي بنسبة 10- 20 % خصوصا لو انت في الضمان

العربيه حتي الان كويسه جدا

ظهر عيب وحيد هو ان الهولد لايعمل وهاوديها التوكيل لاني في الضمان

**el_lod_81** · 02-10-2012 11:06 AM

تفضلوا هذا التقرير:

----

**el_lod_81** · 02-10-2012 11:22 AM

هناك تصحيح بسيط

بالنسبة لاٍستهلاك البنزين:
المعدل العادى1 لتر لكل 9 كيلومتر
المعدل مع تشغيل التكييف:
1 لتر لكل 8 كيلومتر

**احمد نور الدين** · 04-10-2012 08:26 AM

يا باشا الف شكر علي تقريرك العملي والواضح ده وربنا يديك خيره ويبعد عنك شرها

**el_lod_81** · 04-10-2012 10:00 AM

لا شكر على واجب يا أستاذ أحمد
و للعلم أنا سيارتى بريليانس جالينا مودرن 2012 عاملة لغاية الآن 15000 كيلومتر و اشتريتها منذ 7 أشهر
و التقرير السابق بناء على تجربتى و رأيى الشخصى.

**hazemrageh** · 10-10-2012 01:32 AM

شباب الحمد لله أنا استلمت el-galena Luxury كحلي من ١٠ أيام
شكر خاص ل أحمد نور عشان ساعدني فعلا في قرار شراء ألجالينا .... ألف شكر يا أحمد بيك
، طبعا ألف شكر ل el_lod_81 على التقرير الرائع ده و أنا ل حد دلوقت موافق جدا على تقرير أحمد نور و تقرير el_lod_81 ، و ده طبعا بناءا على تجربتي البسيطة لحد دلوقت مع el-Galena ، لأن عربيتي عملت لحد دلوقت ١٢٠٠ كم بس.
أنا عايز احكيلكم على تجربتي مع el-Galena خصوصا إني قابلني بعض المشاكل بس اتحلت والحمد لله
أنا بعد ما استلمت العربية من عربيات سافرت بها على إسكندرية عشان أرخص ، فل طريق اكتشفت إن الزجاج اليمين قدام مش بيفتح و إن العربية زي ماتكون محتاجة ضبط زوايا (بتحدف يمين ) ، و عشان مطولش عليكم بعد شوية إستخدام لاحظت إن العربية بتستهلك بنزين كتير (قياسا بل معدل اللي قال عليه أبل كدة أحمد نور)
المهم عشان أشيك على عربية و أ ضبط الحاجات اللي فيها إتصلت يوم السبت اللي فات بي brilliance و سألت على مركز معتمد في إسكندرية ، في مركزين "المصرية الأوروبية" و دي ورا توكيل بافاريا اللي جنب الموقف الجديد ، و "مركز الطارق" اللي فل قباري.
كلمت "المصرية الأوروبية" وال حقيقة قالولي أجلهم تاني يوم أعمل الصيانة و أ ضبط اللي فيها
رحت تاني يوم ، غيرت الزيت وال فيلتر و شغلو الزجاج و ماية الرديتر كانت ناقصة شوية زودوها ، و قالولي إن الموتور مفيهوش حاجة و الزوايا مظبوطة و دفعت ٥٣٠ جنيه (كنت كسرت المرايا الشمال لأن الجراج ضيق شوية على el-Galena :( ، و زوده تكلفة اللحام)
قضيت كام مشوار وبعدين روحت البيت ، و أنا باجرش العربية شميت ريحة بنزين ده لأني سبت العربية دايرة شوية فل جراج
روحتلهوم تاني يوم على طول (اللي هو إمبارح ) و قلت لل مهندس هناك على موضوع البنزين و كمان إن الزوايا ما اضبطش ،
شيك عليها تاني و قالي إن مفيش مشكلة فل موتور و إن الزوايا مظبوطة على الجهاز ، المهم طلبت منو إن يطلع يجرب معايا و أقنعته إن البنزين فيه مشكلة خصوصا لما قلتله على الاستهلاك (٢٠ لتر كل ١٥٠ كم تقريبا)
الحقيقة كان متفهم و قالي إنو حايبوص تاني على العربية
بعد شوية قالي على المفاجئة ، طرمبة البنزين مشروخة و بتنزل بنزين على إلجكمان و ده خطر جدا ، (الحمد لله ربنا سترلأني سافرت بها ٣ مرات فلفترة دي )
المهم قالي إنهم حايبعته مطالبة ل brilliance القطامية و إني لازم أسيب العربية لغاية ماتجي موافقة على تغير طرمبة البنزين
كلمت brilliance و حاولت أسرع الموفقة بس عشان كنا أخر النهار لقيت إن الموافقة حاتتأخر ، فا إتفقت معاهم إني أدفع ثمن إلطرمبة و أسترجع الفلوس لما تجي الموافقة
و الحمد لله استلمت العربية بعدها بي ساعة تقريبا ، وال عربية استهلاكها تحسن (حبقى أقولكم على الاستهلاك بعد مامشي بها شوية)
الخلاصة أنا بحكيلكم الحكاية دي عشان نقطتين مهمين
أولا : لازم لازم تبقى واثق في إحساسك بل عربية حتى مع التوكيل و تصر على إنهم يبصوأ عليها تاني و تالت ، لأن أنت أكتر واحد عارف عربيتك ، و لازم برضو تفكر مع المهندس أو الميكانيكي أو الكهربائي ، من الآخر ماتسلمش لأي فتوى مش مقنعة
ثانيا: مش لازم عشان العربية زيرو إن ميبقاش فيها مشاكل ، أنا أعرف موقفين على الأقل شبه ده مع عربيتين زيرو من ضمنهم عربية VW ، و إن كانت مشاكل أقل خطورة من دي ، فا لازم برضو تبقى مركز مع العربية
* على فكرة أنا لغاية دلوقت مبسوط جدا من العربية و حاسس إنها قيمة مناسبة جدا لفلوسها (good value for money ) على عكس عربيات كتير فل سوق المصري دلوقتي
أخيرا ، أسف جدا على الإطالة و على العربي الركيك اللي أنا كاتبه بس ده بسبب إني باستخدم جوجل تعريب عشان مفيش عربي فل لابتوب ده

**ostoraa** · 10-10-2012 03:04 AM

الف مبرووووووووووووووك يا باااااااااااااااااااشا وربنا يكفيك شرها يا رب

**el_lod_81** · 11-10-2012 10:54 AM

ألف مبروك و ربنا يباركلك فيها
و على فكرة أنا كمان عندى الى الآن حدفة بسيطة يمين فى العربية و مش عارف أعمل فيها اٍيه.

**el_lod_81** · 11-10-2012 11:49 AM

للاٍستفادة العامة هذه المشاكل التى وجدتها بعد شراء السيارة مباشرة:

1-باب الدى فى دى لا يفتح
2-الكشاف الداخلى الخلفى ناحية اليمين لا يعمل
3-الاٍطار الكاوتش للباب الأمامى ناحية الشمال مش راكب كويس
4-يوجد صوت تزييق مزعج فى التابلوه
5-لا توجد ولاعات فى السيارة
6-لا يوجد مفك فى العدة
7-يوجد هواية للتكيف لا تعمل
8-زرار الكشاف الداخلى الأمامى بيعلق
9-المساعدين الأمامية تحتاج للتغيير
10-يوجد حدفة فى السيارة الى اليمين

وللعلم المشاكل من 1 اٍلى 9 تم حلها و لكن بعد طلوع الروح و على مراحل

بعد 6 أشهر تم تغيير البطارية و قد ذكرت ذلك سابقا.
و منذ شهرين كان يوجد مشكلة فى البوردة فى الكاسيت و تم تغييرها

أما المشاكل أو الملاحظات التى توجد الان فهى:

1-السماعات الخلفية لا تعمل و تحتاج الى تغيير
2-مشكلة الحدفة فى السيارة التى ذكرتها
3-باب السيارة الأمامى اليمين تقيل شوية

وهذا ما اٍكتشفته الى الآن.
و لذلك أنصح أى مشترى جديد للسيارة بالتدقيق و الفحص جيدا قبل الشراء لتفادى المشاكل المذكورة سابقا.