أرجو المساعدة فى شراء فليشيا 97

**أحمد جودة** · 10-05-2012 11:11 PM

المشاركة الأصلية كتبت بواسطة haitham1985

الفيليشيا فى العموم عربية ذات إعتمادية عالية بس عايزه الرعاية خصوصا فى الصيف لأن من ضمن مشكلاتها السخونة

الفيليشيا اللى أنت عارض بيانتها :

لو تقدر تقلل فى سعرها 1500 جنيه اللى هما تمن الشغل اللى أنت هاتهملوه فيها يبقى مبروك عليك ومبروك علينا سكوداوى جديـــــد وبالتوفيق بإذن الله

أشكرك أخي العزيز على إهتمامك الحمد لله محلش نصيب وخلصت فى واحدة تانية موديل 96 ومكنة جديدة استيراد
ويسعدني ويشرفني أن أنضم أليكم رسميا
وأكن سكوداوي جديد وياريت ياجماعة نصايحكم دايماً لاني أول عربية ليا
بس العربية الجديدة محتاجة كبالن مش عارف أجيبها أصلي ولا استيراد ولا اية بالضبط وسعرهم كام واجيبهم منين

**sakr_skoda** · 10-05-2012 11:20 PM

الله يباركلك فيها ويرزقك خيرها ويكفيك شرها ويحفظك من شر الطريق واهلا بك اسكودياوى جديد جدا محترم....*

وعلى العموم احنا هنا بنخدم بعضنا البعض لوجهة الله تعالى امتثال لقول النبى (((لا يزال الله في عون العبد ما دام العبد في عون أخيه )

**أحمد جودة** · 10-05-2012 11:25 PM

المشاركة الأصلية كتبت بواسطة ayman20100

بص اولا العربية بدون تكييف وماشية كيلومترات كتير مش قليل ومركبه ديفل وده تحميل على الماتور واضح انك هتحتاج شغل في الماتور السعر كده غالي شوية عليها لو حبيت تاخدها على حالها مش اكتر من 26 الف وده عشان الحاجات المصروف عليها في العربية لانها لو ما فيهاش الشغل ده كانت تبقى اقل من كده

أشكرك ياباشا على النصيحة الغالية
أنا خلصت ف عربية تانية 96 حالة الموتور كويسة لسة راكب من 3 شهور وهوة صاحبها قالي الموتور إنجكشن بس أنا مشغلو كاربيراتير

**أحمد جودة** · 10-05-2012 11:28 PM

والله يارجالة أنا عاجز عن شكركم جميعا على النصائح الغالية والاهتمام و|أرجو قبولي سكوداوي جديد معاكم وإنشاء الله نبقي فى تواصل مستمر

**المنسي** · 11-05-2012 01:04 AM

المشاركة الأصلية كتبت بواسطة eng_gouda2000

أشكرك أخي العزيز على إهتمامك الحمد لله محلش نصيب وخلصت فى واحدة تانية موديل 96 ومكنة جديدة استيراد
ويسعدني ويشرفني أن أنضم أليكم رسميا
وأكن سكوداوي جديد وياريت ياجماعة نصايحكم دايماً لاني أول عربية ليا
بس العربية الجديدة محتاجة كبالن مش عارف أجيبها أصلي ولا استيراد ولا اية بالضبط وسعرهم كام واجيبهم منين

الف الف مبروك ربنا يديك خيرها ويكفيك شرها نصيحة غالية ليك ولكل سكوداوى جديد ونقوله ماتهملش فى الصيانات بتاعتها اما بالنسبة لحتة الكبالن فالاحسن من وجهة نظرى هاتهم جداد افضل لان الاستيراد مش مضمونين والف مبروك مرة تانية

**أحمد جودة** · 11-05-2012 03:32 AM

الف الف شكر يارجالة علي اهتمامكم ويسعدني ويشرفني اني اكون موجود معاكم بس ياريت حد يقولي اجيب الكبالن الجديدة منين وبكام وياتري سعرهم زي ماقال صاحب العربية ان سعرهم لا يتعدي 300 جنية مع العلم انا من حلوان وشكرا ليكم

**أحمد جودة** · 11-05-2012 03:02 PM

المشاركة الأصلية كتبت بواسطة ali attia;
3874298616

الف مبروك وربنا يكفيك شرها ويباركلك فيها بس عايز اعرف خلصتها علي كام لأني بدور بردو علي سكودا,وعلي فكرة انا عايز اشكرك جدا جدا جدا لأن موضوعك ده كان رسالة ليا من عند ربنا لأني كنت بردو رايح اخلص في السكودا الزيتي بتاعت مدينة نصر بس ربنا نجاني عن طريقك ومن نصايح الأعضاء الكرام

اشكرك اخي العزيز علي هذه الدعوة الجميلة
اولا انا خلصتها علي. 27
بس محتاجة كبالن وربنا يوفقك وتلاقي حاجة مناسبة ونصيحة ليك لازم. يكون معاك ميكانيكي شاطر ومتستعحلش في الشرا