( Speed Service Center :: ( enghany

**engms** · 20-01-2014 08:31 PM

بشمهندس هاني
أنا معايا نيو أكسنت مانيوال 2008 عاملة 129000 كم و كنت عاوز أعمل صيانة كاملة ليها
فلاتر و زيت و تيل و أي شيء يظهر فيها
ممكن أجيلك المركز امتى؟

**enghany** · 23-01-2014 05:07 PM

المشاركة الأصلية كتبت بواسطة engms

بشمهندس هاني
أنا معايا نيو أكسنت مانيوال 2008 عاملة 129000 كم و كنت عاوز أعمل صيانة كاملة ليها
فلاتر و زيت و تيل و أي شيء يظهر فيها
ممكن أجيلك المركز امتى؟

الاخ الفاضل
شرفني بالاتصال و ننسق سوا حسب مواعيدك 01060900088

**enghany** · 23-01-2014 05:57 PM

المشاركة الأصلية كتبت بواسطة bellcronary

ارجو الافاده يا باشمهندس .....عربيتىى النترا كامله مانيوال 2011.......من فتره ظهر عندى صوت صفير متقطع يختفى عند الضغط على الدبرياج و الصوت مسموع اكتر من ناحيه العجله الشمال و الصوت ده لما كنت ادوس بنزين بيتحول من متقطع الى تقريبا مستمر المهم سالت متخصصين فقالولى دى بليه دبرياج و لازم أغير طقم الدبرياج(بليه -ديسك-اسطوانه)اضايقت أوى بس بصراحه انا ما كنتش مقتنع لان انا لما كنت بلمس الدبرياج برجلى الصوت بيختفى مجرد لمس مش ضغط ,المهم كبرت دماغى ومشيت بالعربيه حوالى 500 ك و لائيت الصوت اختفى تماما وساعتها العداد كان عامل 21000 و فضل الصوت مختفى تماما لغايه ما العداد غامل دلوقتى 27500 لائيت الصوت بنفس المواصفات اللى فاتت بدأ يظهر تانى بيختفى بمجرد انى المس الدبرياج سالت صنيعى فقالى على حسب الوصف بتاعى ان دى مش بليه دبرياج دى مشكله فى الدبرياج نفسه الجزء المتصل بدواسه الدبرياج (الرجلاش باين او حاجه زى كده مش عارف اللفظ تحديدا) و ان علاجها بسيط.......يا ترى ايه راى حضرتك وايه نصحتك ضرورى و لك جزيل الشكر

الاخ الفاضل
انا عايز اقول معلومه مهمه جدا
ان النيو الانترا 2007-2011 مالهاش رجلاش من ماستر الدبرياج زي اي عربه تانيه من الهيونداي
و حتي لو ليها انك تلاجلش الدبرياج لا هيزود ولا هيخلي صوت البليه يختفي
بص في حاجه مهمه جدا عايز اسالك سوالين مهمين :
1- لو سندت علي بدال الدبرياج سانده خفيفه هل بيكون فيه vibration ؟
2- بدال ادبرياج تقيل و بيتعبك في الزحمه
العيب اللي عند حضرتك و الصوت ده من البليه و يتغير الطقم كله مع بعض
لو كان الجواب ايوه غلي السوالين اللي سالتهم لحضرتك انزل اشتري طقم اصلي و ركبه

**mohmedmhros** · 25-01-2014 07:14 PM

استفسار سريع
بعد قصائد المدح والثناء على المهندس هانى والمركز
معايا اوبترا خليجى 2004 اوتو عاملة 70000 كيلو متر وكنت عايز اعرف هل يتم تغيير زيت الباور والفتيس هل يتم تغييره واى نوع زيت افضل وكنت عايز اغير سير الكاتينة والدينمو عندكم يتكلف كام وهل اجيب قطع الغيار معايا ولا عندكوا قطع غيار اصلية وسعرها كام وشكرا للاطالة

**enghany** · 25-01-2014 08:04 PM

المشاركة الأصلية كتبت بواسطة mohmedmhros

استفسار سريع
بعد قصائد المدح والثناء على المهندس هانى والمركز
معايا اوبترا خليجى 2004 اوتو عاملة 70000 كيلو متر وكنت عايز اعرف هل يتم تغيير زيت الباور والفتيس هل يتم تغييره واى نوع زيت افضل وكنت عايز اغير سير الكاتينة والدينمو عندكم يتكلف كام وهل اجيب قطع الغيار معايا ولا عندكوا قطع غيار اصلية وسعرها كام وشكرا للاطالة

الاخ الفاضل
اولا تر خيرك علي مجاملتك اللطيفه و الحمد للله ان الواحد سمعته كويسه بين الناس
مش بالعروض يعني ههههه المهم
بالنسبه للسيور تعامل السياره لانها موتر النوبيرا فيتم تغيرهم كل 45000 او 3 سنوات
بالنسبه لزيت الفتيس كل 40000
و بالنسبه لقطع الغيار زي مانت عايز تجيبها او موجوده عند ناس جنبنا مفيش مشكله و موجوده الاصلي

**MICHAELMIC** · 25-01-2014 09:24 PM

السادة الاعضاء
مساء الفل
النهاردة هحكى لية تانى تجربة مع المهندس هانى بصراحة بعد ما جربته فى عربيتى الفيرنا قلت اجيب له عربية عمى الانترا و بصراحة الراجل عمل الواجب و زيادة احنا غيرنا طقم سيور و سيرفيس كامل و بصراحة خدمة خمس نجوم اللة ينور عليك يا بشمهندس
اخوك مايكل

**enghany** · 25-01-2014 09:34 PM

المشاركة الأصلية كتبت بواسطة MICHAELMIC

السادة الاعضاء
مساء الفل
النهاردة هحكى لية تانى تجربة مع المهندس هانى بصراحة بعد ما جربته فى عربيتى الفيرنا قلت اجيب له عربية عمى الانترا و بصراحة الراجل عمل الواجب و زيادة احنا غيرنا طقم سيور و سيرفيس كامل و بصراحة خدمة خمس نجوم الله ينور عليك يا بشمهندس
اخوك مايكل

يااااااااااااااه
اخيرا يا كبير قابلتك علي المنتدي \
طبعا انا اللي بشكرك وارب اشةفك قريب بغربيتك
و اللقاك علي كل خير يا باشمهندس مايكل يا شبراوي ههههههههه

**moh_rag_abd** · 25-01-2014 10:01 PM

السلام عليكم
معايا عربيه اكسيل خليجي اوتوماتيك موديل 92 (انجكيشن)
عندي مشكلة في الفتيس قعد 3 ايام مش بينقل من الغيار الثالث للرابع (ار بي ام وصلتو ل 5000 ومش بينقل)
بعدها رجع تاني ينقل بس بيقطع بمعني علي سرعه 70 بشيل رجلي من البنزين سنة صغيرة بلقيه بينقل
بس لو دوست جامد بعدها الاقيه رجع ع الثالث وار بي ام بقا عالي قوي
فهل عندكم بتشتغلو في الاوتوماتيك ( ويا ترا ده يكون عيب ايه)
ثانيا صوت الموتور بحس انو عالي شوية عن الطبيعي فاية اللي بيتم في الحاله دية؟
واخير مفيش ليكو اي فرع قريب من حلوان ؟

**enghany** · 25-01-2014 10:41 PM

المشاركة الأصلية كتبت بواسطة moh_rag_abd

السلام عليكم
معايا عربيه اكسيل خليجي اوتوماتيك موديل 92 (انجكيشن)
عندي مشكلة في الفتيس قعد 3 ايام مش بينقل من الغيار الثالث للرابع (ار بي ام وصلتو ل 5000 ومش بينقل)
بعدها رجع تاني ينقل بس بيقطع بمعني علي سرعه 70 بشيل رجلي من البنزين سنة صغيرة بلقيه بينقل
بس لو دوست جامد بعدها الاقيه رجع ع الثالث وار بي ام بقا عالي قوي
فهل عندكم بتشتغلو في الاوتوماتيك ( ويا ترا ده يكون عيب ايه)
ثانيا صوت الموتور بحس انو عالي شوية عن الطبيعي فاية اللي بيتم في الحاله دية؟
واخير مفيش ليكو اي فرع قريب من حلوان ؟

الزميل الفاضل
بص انا مانصحكش تصلح الفتيس الاوتوماتيك لانه مابينفعش الاصلاح بتاعه بس مشكله العربيه دي انك تلاقي فتيس كويس ليها
غالبا بالنسبه لعلو صوت الموتور هو الار بي ام بيكون ثابت ولا طالع نازل ؟

**moh_rag_abd** · 25-01-2014 11:52 PM

المشاركة الأصلية كتبت بواسطة enghany

الزميل الفاضل
بص انا مانصحكش تصلح الفتيس الاوتوماتيك لانه مابينفعش الاصلاح بتاعه بس مشكله العربيه دي انك تلاقي فتيس كويس ليها
غالبا بالنسبه لعلو صوت الموتور هو الار بي ام بيكون ثابت ولا طالع نازل ؟

ايه يا بشمهندس هتخضني ليه؟
مش ممكن يكون عيب حساسات او تكون المشكلة ابسط؟

حصلت معايا قبل كدا مكنشي بينقل من الاول للتاني غير لما الار بي ام بيوصل ل 4000
وديتها لورشة في صقر قريش وطلعت المشكلة في الفيشة

ربنا يسترها وتكون بسيطة

بالنسبة لصوت الموتور الار بي ام ثابت مش بيتغير
وكذا واحد قالي صوت الموتور عادي مفيهوش حاجة
بس انا بحط بنزين 92 وقررت اغير لبنزين 80 قعدت تقريبا اسبوع فقط وبعدين غيرت تاني ل 92 لحد النهارده
بس قبل ما احط بينزين 80 كان صوت الموتور اهدي من دلوقتي
معرفشي السبب من البنزين ولا من الرشاشات (الانجيكشن)
انا حطيت منظف انجيكشن اسمو Lion بس برضك مفيش فرق