الموضوع: ( Speed Service Center :: ( enghany

المشاركة الأصلية كتبت بواسطة mody112

ازيك يا بشمهندس هانى ليك وحشة والله
العربية من ساعة ما كنت عندك وظبطنا موضوع تسريب الزيت ده الحمد لله التسريب منع بس الزيت بينقص وكمان عندى عضة فى معظم الغيارات مع انى غيرت طقم الدبرياج ؟
وكمان العربية الالنترا صاحبها كان عاوز يعمل صيانة ال 60 ؟وبيسأل ابه اللى بيتغير فيها ؟

باشا نحت امرك شوف امتي يناسبك هو المفروض يجيب فلتر هواء و بوجيهات و مشعارف ان كان غير سير مجموعه و لاء

يا جماعه لحد العيد بس متوافر زيت الترا و فلتر زيت اصلي بسعر 300 جم مصري بدلا من 350 جم

المشاركة الأصلية كتبت بواسطة eng.mina

تقرير صيانة ال 120000
رحت يوم السبت اللي فات للمهندس هاني لصيانة عربيتي الفيرنا والمهندس هاني مشكورا حللي مشكلة في كوعة المياه وغيرت عنده تيل الفرامل الامامي والخلفي والبوجيهات وزيت الفتيس وفلتر البنزين بجانب بنود الصيانة المعتادة و كمان الكشف علي العفشة و كشف الكومبيوتر ز كل ده بتكلفة 110 جنيه فقط لاغير يعني مفيش احسن من كده في الدنيا :) وطبعا العربية فرقت معايا اوي بعد الصيانة والفرامل اتحسنت جدا
الف شكر للمهندس هاني

الاخ الفاضل
االعميل القديم و الصديق المحترم و الاخ الفاضل و زميل المهنه لابد ان يكون ليه واجب مخصوص و ان كان ذلك ليس من مقامه تقيبل تحباتي ايها المحترم

المشاركة الأصلية كتبت بواسطة hmhmmam

السلام عليكم جميعا
ازيك يابشمهندس هانى
انا شاء الله تكون معرفة فى الخير فى البداية انا عندى مشكلة كبيرة جدا
معايا النترا 2009 هاى لاين عاملة 55000كم بس للاسف سخنت منى فجائة على الطريق الصحراوى
المهم جابت جوان وتم تغيير ليها جوان وش سلندر وبعد كده عينك ماتشوف الا النور العربية بقت من النترا
الى فيات قردة ؟؟؟؟؟؟؟؟؟؟؟؟؟؟؟؟؟؟
المهم بقى فيه صوت فى العربية زى مايكون حاجة بتخبط على خفيف بتظهر فى الموتور وبعد افتكاسات الميكانيكيا
غيرت طلمة ميه وبلية شداد وسير المهم الصوت زى ماهوه وفى الاخر الصوت بقى يخف لما نرخى السير على الاخر ولكن الصوت بيشد مع شدة السير
ارجو الافادة مبدايا وانا كتبت الموضوع ده لما تعبت من كتر تاليف الميكانيكيا واخرها واحد قالى نعمل عمرة
ومعليش انا طولت بس من غيظى ودقيتى قولت افضفض معاكو شويه

سررت بمكالمه حضرتك و اتشرف بزيارتك كما اتفقنا و ربنا يجيب الخير

ازيك يا بشمهندس برجاء من حضرتك توضيح عنوان المركز بالتفصيل لان كنت عايز آجى لحضرتك بس لما وصلت خلف حديقة بدر لاقيت مراكز صيانه كتير ومعرفتش اوصل لحضرتك و حاولت أكلم حضرتك كان التليفون خارج نطاق الخدمه انا اللى كنت كلمت حضرتك عشان مشكلة فرن الشكمان بيطلع منه صوت ونه.....مع دوام التوفيق

المشاركة الأصلية كتبت بواسطة bellcronary

ازيك يا بشمهندس برجاء من حضرتك توضيح عنوان المركز بالتفصيل لان كنت عايز آجى لحضرتك بس لما وصلت خلف حديقة بدر لاقيت مراكز صيانه كتير ومعرفتش اوصل لحضرتك و حاولت أكلم حضرتك كان التليفون خارج نطاق الخدمه انا اللى كنت كلمت حضرتك عشان مشكلة فرن الشكمان بيطلع منه صوت ونه.....مع دوام التوفيق

و اللهي سيادتك انا بعتذر لان الشبكه بقالها كام يوم فيها مشكله في المنطقه و انا تحت امرك

أنا عربيتي هيونداي النترا موديل 2008 وعاملة 95000 كم والحقيقة اني نتيجة لسفري الكثير انقطعت عن عمل الصيانة من 45000 كم وطبعا كان لا يمكن التعامل مع التوكيل لعمل الصيانة نتيجة المغالاة في اسعار قطع الغيار والمصنعية عشان كده دخلت علي نايل موتورز رابطة هيونداي ولقيت ناس كتير بتشكر في مركز سبيد وكمان عدد كبير من اصدقائي نصحوني بالتعامل معاه ، مش حطول عليكم كلمت المهندس هاني وروحت له والحقيقة الراجل طلع جرب العربية وقال لي علي قطع الغيار المطلوبة وسلمت له العربية ووعدني باستلامها تاني يوم وبالفعل استلمت العربية وكانت مختلفة تماما طبعا للأحسن وأود أن شكر كل طاقم الفنيين بمركز سبيد وعلي رأسهم المهندس هاني لما لمسته من ضمير في التعامل وحرص علي معرفة مشاكل السيارة بدقة الامر الذي أدي لعمل صيانة ممتازة وبالتالي العربية رجعت زي الأول والحمد لله واليكم ما تم عمله في هذه الصيانة:

ü 2 مسمار ميزان

ü 2 بيض طرف

ü 2 بيض داخلي علبة دريكسيون

ü طقم كاوتش قنطرة

ü 2 راس كوبلن

ü 2 مقص امامي

ü 2 بيض مقص

ü سير مجموعة

ü فلتر زيت فتيس

ü فلتر هواء

ü فلتر بنزين

ü طقم بوجيهات

ü تيل أمامي

ü 4 ك زيت فتيس

üضبط زوايا