( Speed Service Center :: ( enghany

**enghany** · 31-05-2013 04:08 AM

المشاركة الأصلية كتبت بواسطة tantawy13

متشكر جدا لردك يا بشمهندس بس انا مفهمتش بردو هل علبة البيئة ليها علاقة بأرتفاع صوت الشكمان بشكل ملحوظ جدا ؟ لان الشكمان مفيهوش اي تسريب وانا لسة مغير اخر علبة ومع ذلك الصوت عالي

'طيب سيادتك خليني ابص علي العربيه و الكشف ده مجاني من عندي و سيادتك انا تليفوني 01060900088

**enghany** · 31-05-2013 04:11 AM

المشاركة الأصلية كتبت بواسطة ashraf_ibrahim

هاني
احنا يوم الجمعة فكينا الردياتير وغسلناه كويس
وبعد كدة زودنا ميا وكله تمام وملينا القربة وكله زي الفل
امبارح ببص على القربة مفيهاش نقطة ميا !
انا هزودها طبعا قبل ماتحرك النهردة ان شاء الله
دا طبيعي واللا ايه ؟!

طيب و الرداتير مليان ولا فاضي ؟؟
ولو في حاجه عدي عليا في السريع نبص سوا

**enghany** · 31-05-2013 04:14 AM

المشاركة الأصلية كتبت بواسطة mody_elmasry

استفسار من البشمهندس هاني انا عندي لمبة الهاند بريك بتنور وتطفي وانا ماشي ومستوي زيت الفرامل تقريبا عند ال min هل ده معناه ان التيل خلص العربيه اكسنت ار بي عامله 18000 كيلو

وهل التيل الاصلي الامامي متوافر عند حضرتك وممكن اعرف سعره معلش

شكرا لمكالمه حضرتك الرقيقه و في انتظار تشريفك للكشف

**Kareem.ElAraby** · 31-05-2013 09:17 PM

شكر كبير للمهندس هاني
كنت عنده بأغير تيل فرامل و الحمد لله غيرنا بس طبعا حطينا الموبيس مش الاصلي أبو 600 جنيه (سعر التوكيل)
عقبال ما يبقي مركز خدمه 25-50 عربيه في اليوم
ربنا يكرم الناس المحترمه اللي زيك و من نجاح لنجاح

**mody_elmasry** · 31-05-2013 10:23 PM

نوع عربيتك ايه يا باشا وجبت التيل بكام وهل مش ممكن بوظ الطنابير او يصفر

**john55** · 31-05-2013 11:23 PM

بشمهندس هاني انت كنت في التوكيل وبعمل صيانه 10000 لعربيه اكسنت اوتو وكان في مشكله سماع طقه لما اشيل رجلي من علي الفرامل فلتوكيل ربط الورده بتاعت الكوبلن وقالي دي سبب المشكله هل المفروض ان التوكيل يغير الكوبلن ولا دي مشكله بسيطه مع تربيط الورده تتحل وشكرا

**Kareem.ElAraby** · 01-06-2013 12:31 AM

المشاركة الأصلية كتبت بواسطة mody_elmasry

نوع عربيتك ايه يا باشا وجبت التيل بكام وهل مش ممكن بوظ الطنابير او يصفر

النترا الشكل القديم
المهندس هاني اللي جابهولي (كنت حاجز معاه و قولتله من عندك )
الاسئله التانيه فنيه شويه فيجاوب عليها المهندس هاني
هو أكثر علما منني

**enghany** · 01-06-2013 03:32 AM

المشاركة الأصلية كتبت بواسطة mody_elmasry

نوع عربيتك ايه يا باشا وجبت التيل بكام وهل مش ممكن بوظ الطنابير او يصفر

الاخ الفاضل
هو تيل النوبيس نازل للسيارات الاتيه
فيرنا
اكسنت 1998-2006
نيواكسنت 2006-2011
نيو الترا 2007-2011
ماتركس
جيتز
النترا 2004-2006
و هوتيل من شركه موبيس اللي هي بتننتج قطع الغيار للهيونداي و كيا ة هو لا يصفر و لاياكل الطنابير لانه نقس خامه الاصلي بس تقول ايه في الاستغلال

**enghany** · 01-06-2013 03:38 AM

المشاركة الأصلية كتبت بواسطة john55

بشمهندس هاني انت كنت في التوكيل وبعمل صيانه 10000 لعربيه اكسنت اوتو وكان في مشكله سماع طقه لما اشيل رجلي من علي الفرامل فلتوكيل ربط الورده بتاعت الكوبلن وقالي دي سبب المشكله هل المفروض ان التوكيل يغير الكوبلن ولا دي مشكله بسيطه مع تربيط الورده تتحل وشكرا

الزميل الفاضل
و اللهي انا مش عايز اضحكك
المشكله دي ظهرت في كل السيارات ال rb
و بقت مصيبه لانهم حددوا المشكله من الكوبلن و كانت مصيبه لان كل العربيات اطلب لها كبالن علشان العيب دا
بس اول من لاقي حل المشكله دي كنان المهندس رامي ادوارد و انا و كان سهرنا في الفرع بتاع قليوب مع بعض لحداا الساعه 8 باليل علشان نعرف المشكله من ايه بالظبط و كانت المفاجاه ان الصموله الكبيره بتاعه الكوبلن في العربيات مش مربوطه و لا متيله كويس يعني التيله الي في اخر الكولن مش مظبوطه
و والهي ولا حتي كلمه شكر الحمد لله
المهم ماتقلقش مش هتحصل تاني ومش عيب لا في العربيه و لا الكوبلن