ده شرف ليا والله يا بشمهندس ان حضرتك بلدياتي
انا البطاريه و البيجوهات لسه مغيرهم من شهر ونص بالظبط
طب يا بشهمندس فيه ريحة بنزين بشمها الصبح وبتروح بعد حوالى دقيقة كده وكمان صوت تكتكة بسمعها الصبح برضو وبتختفى لما العربية تسخن
شوق يا صديقي
الجيتز معظمه مشهوره بالمارسش راجع عليه
بالنسبه لصوت التكتكته راجع الكاتينه لو قديمه ممكن يكون منها او ممكن يكون صوت البلوف لخد ما تعبي زيت و ده طبيعي و اشكرك علي مجاملتك الرقيقه
العربيه 1500 في حساس ورا البوابه انا مش عارف ده حساس ولا لا هوه فيه فيشه وخرطوم الميكانيكي شال الفيشه العربيه مشت حلو اوي لفترة كانت كبيرة شويه بس رجعت تاني وبعدين لما رحتلوا تاني شال الخرطوم لما يكون الخرطوم مفتوح صوت العربيه بيعلي والخرطوم بيطلع هوا هوه سد الخرطوم ده بس واحد قالي بلاش عشان ده بتاع الفايض بتاع البنزين هوه الحساس ده ورا البوابه ومدور راي حضرتك ايه
لا طبعا الكلام ده غلط
بص اللي يعلي الموتور حاجه من تلاته
1 حساس السلانسيه
2 حساس ال tbs
3 عيب قي ضقيره الحقن
لازم كهربائي محترم يبص علي العربيه
أيه ده ؟؟؟؟ أنا أول مرة أعرف ياباشمهندس أنك أسكندرانى
على فكرة أحنا طلعنا بلديات أنا أصلاً من محرم بك بس حالياً شقتى فى ميامى بس قاعد دلوقتى فى قطر
عايز أقولك على حاجة !!!!!!! فاكر موضوع الميكانيكى المصرى اللى لقيته
حظى بقى فقر بسأل عليه من فترة لقيت كفيله كنسل إقامته ورجعه مصر وجارى البحث عن واحد تانى
أدعيلى
السيد المحترم
اشكرك من كل قلبي و علي فكره انا اسكندراني المولد
ههههه ربنا يديلك الخير بس العربيه اخبارها ايه ؟
كان معايا مشكلة فى عربيتى فيرنا 1500 وهى تسقيف الموتور اثناء نقل الغيارات رحت للمهندس هانى بصراحة راجل محترم وقمة الاخلاق طلع جرب معايا وحط العربية على اسكانر مفيش مشكلة فى الحساسات كشف على العربية قال ان دورة التبريد مش بتقلب كويس المهم سيبتله العربية فك الردياتير وطلمبة الميه بعد الفك طلمبة الميه سليمه الردياتير مسدود بعته يتسلك وبعد كده ركب التبريد كويس لكن التسقيف موجود بعد كده كشف على كبس الموتور .وجد فيه تهريب كبس يعنى جوان سلندر المهم اتفقنا على ميعاد وسبت العربية عنده يومين واستلمتها جربت العربية الكبس ممتاز مفيش تسقيف وعزم تلعربية زاد وبعد كده روحتله تانى غير ميه التبريد وغطاء ردياتير نسيت اوضح ان كل التجارب فى الاول وفك الردياتير والطلمبة وقياس كبس موتور بدون فلوس مع انى حاولت احاسبة قلى انت جاى فى سبب معين ولسه لم يعالج حقيقه الناس دى عمله نادره بالاضافة للاحترام والذوق -شكرا المهندس هانى على تعبك وكرمك معايا - المصنعية بعد كل ده 350 جنيه
اشكرك يا بشمهندس عزت بس احنا متعودين مانخدش فلوس غير لما العربيه تتظبط بس بناخد يعني لما تظبط ههههههههه
في البداية تحية خاصة للمهندس هانى و العاملين معه في مركز سبيد سيرفيس
سيارتى الالينترا 2008 كانت ابتدت تغيب في الدوارة و كمان مشكلة علبة الدريكسيون كانت جابت أخرها
للأسف مكانش عندى وقت انى اروح من المعادى لجسر السويس فكنت باستقرب حد من جنبى و اللى في الاخر اكتشفت ان فيه ناس بتفتى و خلاص و اللى يقولى حساس الكرنك (210 أصلى غير مصنعية فك و تركيب) و لما المشكلة ماراحتش قلت لا كده لازم اروح للمهندس هانى اللى انا متابع الموضوع بتاعه لانى بستفيد من ردورد على الناس و بيبقى فيها حاجات مهمة بعرفها و هو الصراحة مابيبخلش على حد بالنصيحة
كلمته و قالى تيجى في اى وقت
و فعلا قعد معايا و سألنى على كل حاجة و عملت ايه في العربية و أسئلة كتير و قرر انه يفك طلمبة البنزين و ركب o ring اضافى لراجع البنزين
الحمد لله الدوارة رجعت زى الجديدة و شكرته و مارضيش ياخد حاجة و لما طلبت منه الكشف على علبة الدريكسيون فحصها هي و المقصات و قالى دى كده جابت اخرها و نصحنى ان قطع الغيار ماتتجابش من عند اى حد لان للأسف فيه ناس معندهاش ضمير و ده انا سمعت عنه كتير. المهم جبنا قطع غيار أصلى علبة و مقصات و بيض مقصات و مسامير ميزان مع انها متغيرة من قريب الا انها ممكن تبوظ الشغل لو كانت بقى فيها بوش صغير. و رغم ان زحمة العيد دخلت الا انى استنيت و هو عرض عليا اسيب العربية تبات و اخدها تانى يوم بس مشكلتى انى مبتحركش انا و اسرتى الا بالعربية فانتظرت لحد الزحمة ما خفت و هو كان زعلان عشانى.
نتيجة الشغل رائعة الحمد لله و مارضيش يحاسبنى الا بعد ضبط الزوايا
أنا بشكره هو و طقم الصنايعية المحترفين اللى عنده للمهارة و السرعة و الأمانة اللى عندهم لانى بحب اقف على حاجتى و هي بتتعمل و بتكلم مع الصنايعية و استفيد من الشاطر منهم اما الكفتجى مبروحلوش تانى
وان شاء الله على معاد في ال 100 الف للصيانة ان شاء الله
متشكر علي الثقه ده يا بشمهندس وحيد و بعتذر عن تاخير العربيه بس الحمد لله ااما ان النتيجه مرضيه لحضرتك و متشكر علي التقرير الجميل ده و في انتظارك ان شاء الله بكل خير
راجل فى منتهى الاحترام والادب والامانه فى العمل انا كنت فى زيارة النهاردة وعربيتي النترا 2010 وتم تغير سير مجموعه لانة متغيرش من ساعه ما جبت العربيه وتم تربيط عفشه ووضع العربيه على جهاز الاعطال والحمد لله شغل فى منتهى الحلاوة وهذه اول زياره ليا فى المركز وان شاء الله مش اخر زياره انا بشكر الراجل المحترم المهندس هانى على حسن المعامله ومجهودة
كل و حضرتك و الجميع بالف خير و منتظر زيارتك حسب اتفاقنا
السلام عليكم يا بشمهندس
كنت محتاج استفسار من حضرتك انا بعت العربية بتاعتي الاكسنت rb ومقبل على شراء جديدة وكنت مختار الالنترا الهاي لاين ولكن ناس بتنصحني بالكيا سيراتو الجديدة 2015 فحضرتك أيه رايك تنصحني بأية
الالنترا ولا السيراتو ولية
شكرا لحضرتك وايامك سعيده
الاخ الفاضل
لا انا رايي شوف الالنترا الاول ممكن تكون الفخامه بتاعتها اقل من السيراتو
صحيح هما الاتنين موتور و فتيس واحد بس العفشه و التعليق وختلف و لصالح الالنترا
اتقدم بالتهنئه بعيد الاضحي المبارك لكل اخواني و اصحابي و عملائي بعيد الاضحي المبارك جعله الله عليكم و علي اسركم بالصحه و العافيه و الخير للجميع -- كل سنه و انتم طيبين
اتقدم بالتهنئه بعيد الاضحي المبارك لكل اخواني و اصحابي و عملائي بعيد الاضحي المبارك جعله الله عليكم و علي اسركم بالصحه و العافيه و الخير للجميع -- كل سنه و انتم طيبين
السيد المحترم
اشكرك من كل قلبي و علي فكره انا اسكندراني المولد
ههههه ربنا يديلك الخير بس العربيه اخبارها ايه ؟
روحت يوم الخميس قبل ما الورش تقفل فى العيد غيرت البوجيهات ولقيت البويجهات القديمة زى الزفت وطبعاً كما توقعت لما سألت الهندى اللى كان شغال فى العربية على موضوع تنظيف البوابة قالى مافى معلوم !!!!!!!!!! يهديك يرضيك !!! طب بتتعمل كده ؟؟!!!!!! وهو راسه وتلاتين ألف جزمة أنه مايعرفش ينظف البوابة فقلت أمرى لله و كده كده أنا حعمل صيانة الستين ألف قريب فى التوكيل و بالمرة التوكيل يشيك بالكامل على العربية
المهم قلت بالمرة أغير زيت و جبت منظف دورة الوقود كاملة ماركته STP و حطيته فى التنك مع التفويلة
نيجى بقى للنتائج
الحمد لله العربية عزمها أتحسن وده عرفته من الثبات على المنحدرات وبتطلع على المطبات بالسلانسيه من الثبات , الأر بى أم بطل يلعب وبقى ثابت مكانه ورجع لوضعه الطبيعى
ودى صورة البوجيهات القديمة
عايزك تقولى رأيك فيها و خاصة البوجيه رقم 1 من الشمال اللى عليه زيت أسود جنبه نقطة بيضا
الميكانيكى قالى من البتاعة اللى كان بيفك بيها و انا بصيت على فيشة البوجيه مالقتش أى حاجة بس برده قلت أرفع لك الصورة و أخد رأيك علشان لو فى مشكلة نلحق نظبطها
الف شكر لك و على متابعتك لمشاكل جيجى بنت هيونداى (ده الأسم اللى طلعته مراتى على عربيتى)
المفضلات