( Speed Service Center :: ( enghany

**enghany** · 26-10-2014 05:24 PM

المشاركة الأصلية كتبت بواسطة ahmed9003

ولا يهمك يابشمهندس .. دا احنا اللى اسفين على ازعاج حضرتك

ازعاج ؟؟؟؟؟؟
ليه بس كده يا بشمهندس احمد
دائما علاقتي بعملائي اساسها الصداقه اولا
كتر خيرك و اشكرك و متقولش كده و كل سنه و حضرتك بخير

**enghany** · 26-10-2014 05:25 PM

المشاركة الأصلية كتبت بواسطة ahmad--ezzat

بشمهندس هانى انا مستني ردك من اسبوع
انت فين :h_angry[1]:

باشمهندس احمد
حضرتك بالذات ايها الاخ الفاضل انا بعتذرتك اعتذار خااااااااااااص جداا
حقك علي
بص انت شوف و قتك و حدد الميعاد اللي يناسبك و قوللي انا جاي

**enghany** · 26-10-2014 05:33 PM

المشاركة الأصلية كتبت بواسطة medo_omara2009

المهندس القدير انا اسف علي الازعاج اولا انا روحت توكيل هيونداي عندنا في اسكندريه عملت كشف كمبيوتر علي العربيه عشان انا تعبت من صوتها اللي بيعلي لوحده فالتوكيل قال محتاجه ايدل وكوليهات بتاعت البوجيهات بس طبعا الاسعار نار نار الايدل قال 1200 والكوليهات قال 500 يعني بالمصنعيه تتكلف 2000 طبعا الرقم كبير فانا بعد اذن حضرتك هل ممكن حضرتك تقدر تبعتلي الحاجه دي شحن او مع اي عربيه انا عارف ان انا ممكن اكون بتقل علي حضرتك بس انا مش واثق من اي حد يكون عنده الحاجات دي وتكون الاصلي انا حاولت اكلم حضرتك بس حضرتك تقريبا كنت مشغول انا رقم تليفوني 01066045048 لو ممكن ياربت انا عندي الميكانيكي وراجل محترم جدا بس المهم قطع الغيار الاصليه وانا اسف علي الازعاج والاطاله

متشكر لمكالمه حضرتك و مستني نتيجه التجربه اللي قولنا عليه او تشريفك بزيارتي

**enghany** · 26-10-2014 05:35 PM

المشاركة الأصلية كتبت بواسطة georock

أزيك يا باشمهندس أخبارك أيه ؟
معلش كنت عايز أخد رأيك فى حاجة فى صوت بسمعه فى العربية زى دبدبة لما العربية بتبقى واقفة والفتيس على d
ياعنى الصوت ده بيظهر لما ببقى دايس على الفرامل أو رافع الهاند بريك و الفتيس على d
والصوت بيختفى لما بجيب الفتيس على n أو p أو لما أتحرك

الصوت ده ماكانش موجود قبل كده و أنا عايز أعرف أيه سببه ولو سكتت عليه عادى ولا حيضر حاجة بعد كده

معلش حتعبك معايا و أشغلك بس أنت عارف مافيش حد عندى أسأله

وشكراً لك

لا يا حبيبي مفيش حاجه بس وضحلي اكتر الصوت عباره عن ايه و بيكون و العربيه ولقفه و لا ماشيه و من ورا ولا من قدام

**enghany** · 26-10-2014 05:37 PM

المشاركة الأصلية كتبت بواسطة bebo_mody_244

ازي حضرتك يا بشهمدنس
كنت عاوز اعرف من حضرتك ايه سبب المشكلة اللى عندى بس مش عارف اذا كانت دى مشكلة ولا ده العادى بتاع العربية لان بابايا عنده لانسر شارك ومش بتعمل كده
العربية الحمدلله سحبها عشرة على عشرة بس لما بشغل التكييف وعداد السرعة يوصل ل 60 بعد ال 60 بقى بحس ان العربية بتهدى لحد ال 80 و بعد كدة تفتح و تبقى تمام التمام

اخي الفاضل
اشكرك علي رسالتك
بص اعتقد من وصفك ان ده طبيعي لان السرعه مش عاليه
جرب كده لما العربيه تكون علي 100 او 120 و ارفع رجلك من البنزين مش هيحصل حاجه و لا العربيه (( هتكن )) معاك

**enghany** · 26-10-2014 05:48 PM

المشاركة الأصلية كتبت بواسطة aymaneid

يا بشمهندس هانى الف مبروك على السنتر وواضح ان خبرتك فى مجال السيارات كبيرة
عشان كدة نفسى اشرحلك اللى حصل معانا فى سيارة هيونداى ار بى هاتش باك يمكن تفيدنى
وتفيد اعضاء الجروبب كلهم ...

العربية اشترينااها فى شهر اغسطس 2014 بعد اسبوع السنتر بقة بيعلق .ز. رحت لتوكيل غبور قالى ان وحدة الشحن بايظة واحنا غيرناها ...
بعد شهر ونص رحت لغبور عشان صيانة 1000 والحمد لله اتعملت وكله تمام
بعدها بيومين واحنا بنركن كانت العربية على وضع n وعند نقل عصا الفتيس على وضع d العربية انطلعت بسرعة عالية دون توقف رغم الدوس على الفرامل عدة مرات مع ارتفاع صوت الموتور ..... وطبعا الحادثة كانت كبيرة
انا كنت محتاج خبرة سيادتك انك تقولى او تشرحلى العربية عملت كدة ليه ...,,,؟؟؟ وهل فى تعليقة معينة بتحصل عشوائى ولا ايه ؟؟؟ مستنى ردك وشكرا

الاخ الفاضل
اولا الفا حمد لله علي السلامه و قدر الله و ماشاء فعل
بص الموضوع بتاع حضرتك قريته كانت ناس مشيراه علي اكتر من موقع و علي الفيس بوك فواضح ان الموضوع مسمع
اللي حصل مالوش غير تفسير واحد

((((((((((((( البوابه الكهربا))))))))))))))
هي المشكله في العربيه
شوف العربيات العاديه البوابه بتاعتها بيكون ليها حساسين لوحدهم
الايدل و اللي بيكون مسول عن وضع السلانسيه بالعربيه و التي بي اس (tbs ) او tho rattle poison sensor و هو ده المسؤل عن المشكله بتاعه حضرتك اللي هو بينقل وضع رجلك علي دواسه البنزين او كميه الضغط عليها للكنترول بتاع العربيه
لكن الار بي و الالنترا الجديده البوابه الحديد بتاعها و الايك وو التي بي اس بيكونوا كهربا و قطعه واحده يعني لو اي حساس باظ منهم بتتغير البوابه كامله
و المشكله عند حضرتك ان الحساس ده حصل فيه مشكله فادي امر غلط للكنترول او علق بمعت\ني اصح
و هو اللي عمل المشكله
بس للامانه المشكله دي اول مره اشوفها او اقابلها سواء عتدما كنت داخل التوكيل او حاليا في المركز
ياريت لو في اي مساعده قوللي و انا تحت ارك و لاي شيء كلمني 01060900088

**m_zizo620** · 26-10-2014 08:45 PM

سؤال لبشمهندس هاني:
انا معايا النترا ٢٠١٠ و قطمه الدريكسيون كانت باظت و تم عمل جلبه لها وتم تصليحها و بعدها بيوم لمبه eps نورت و مش بتطفي و مش عارف ايه الحل هي كده فيها حاجه

**elsheikh2010** · 26-10-2014 11:35 PM

باشمهندس هاني ازي اخبار صحتك اتمنى ان تكون بخير انت والعائلة ... فيه حاجة عايز اخد رأيك فيها العربية لما بأخد بيها مطب رفيع جدا وصغير بسرعتي زي مثلا وصلات الكباري باسمع نقرة جايه من المنطقة الي تحت عجلة الدركسيون واسمعها باستمرار برده لما باكون ماشي عي سرعة عالية مثل 140 تاخد ثواني وتختفي شوية وترجع تاني وهكذا .... مع العلم انه لما باخد المطبات بالراحة ما بحسش بيها وكمان الدركسيون في المجمل كويس جدا , شكا جزيلا

**fedozzz** · 27-10-2014 02:45 PM

بشمهندس هانى عاوز اعرف مواعيد المركز اية؟؟

**enghany** · 28-10-2014 12:03 AM

المشاركة الأصلية كتبت بواسطة m_zizo620

سؤال لبشمهندس هاني:
انا معايا النترا ٢٠١٠ و قطمه الدريكسيون كانت باظت و تم عمل جلبه لها وتم تصليحها و بعدها بيوم لمبه eps نورت و مش بتطفي و مش عارف ايه الحل هي كده فيها حاجه

الاخ الفاضل
مادام الدركسيون فيه باور بس اللمبه منوره يبقي القطمه محتاجه برمجه بالجهاز بس