( Speed Service Center :: ( enghany

**loshabih** · 14-11-2014 05:00 PM

باشمهندس هاني ازي حضرتك
كان في مشكله اني لما بدوس فرامل بيطلع ريحه بلستك بيسيح ياتري ده من ايه؟

**enghany** · 14-11-2014 05:28 PM

المشاركة الأصلية كتبت بواسطة BraveHeart_13

يا هندسة بجد إنت خلتنى نفسى أجيلك نشرب القهوة مع بعض حتى لو العربية مافيهاش حاجة لأنك عندك القدرة على تحويل كل عملائك إلى أصدقاء

أما بالنسبة للعربية: البوابة ظبطت خلاص وإنتهى العيب بتاع الصبح ده

.. لكن مازال سحب البنزين هيجننى .. العربية فعلا بتعمل فى كل الأحوال داخل المدينة من 125 إلى 130 كم/صفيحة (بدون تكييف)

أنا حقيقى محتاج مساعدتك فى الموضوع ده يا هندسة

بشمهندس هاني
ياريت اشوف العربيه تاني و اهي فرصه اشوفك

**enghany** · 14-11-2014 05:41 PM

المشاركة الأصلية كتبت بواسطة fedozzz

بشمهندس هانى ازاى حضرتك و اخبار الدنيا احسن دلوقتى؟؟ انا ممكن تكون مش فاكرنى اوى بس انا واخد بنصايحك من قبل ما اجيب الفيرنا لما كنت محتار اجيب اية انا جبت العربية عاملة 35 الف و مستنى صيانة ال 40 عشان اتعرف عليك اكتر من انا اعمل صيانة عاوز اقول لحضرتك انا مش عاوز مفك يدب فى العربية غير عندك و كل ما حد يقولى احطلك حتى كف يسند البطرية قلتلة لا .

لا انا فاكر اسم حضرتك و اشكرك علي الثقه الغاليه دي و ربنا يكفيك شرها و ياركلك فيها اشكرك علي تشريفك مقدما و بانتظارك

**enghany** · 14-11-2014 05:47 PM

المشاركة الأصلية كتبت بواسطة loshabih

باشمهندس هاني ازي حضرتك
كان في مشكله اني لما بدوس فرامل بيطلع ريحه بلستك بيسيح ياتري ده من ايه؟

اخي الفاضل
بص هي حاجه من اتنين يا اما في كيس بلستيك لازق علي الشكمان من تحت او التيل الامي هو اللي بيعمل الريحه دي
اما لو الريحه بتظهر في الزحمه ممكن يكون ريحه التحميل علي اسطوانه الدبرياج

**loshabih** · 15-11-2014 05:40 AM

المشاركة الأصلية كتبت بواسطة enghany

اخي الفاضل
بص هي حاجه من اتنين يا اما في كيس بلستيك لازق علي الشكمان من تحت او التيل الامي هو اللي بيعمل الريحه دي
اما لو الريحه بتظهر في الزحمه ممكن يكون ريحه التحميل علي اسطوانه الدبرياج

شكرا لرد حضرتك بس هيا بتظهر مع الفرامل بس....وكل محمل علي الفرامل الريحه تظهر اكتر
كده يبقي التيل نوعه وحش مع العلم اني لسه مغيره؟

**AHMEDCAR** · 15-11-2014 07:01 PM

احب اشكر المهندس هانى على مساعدته ليا فى العربيه و طبعا بعد الضيافه واللذى منه مرضيش ياخد منى ولا مليم راجل محترم فعلا الف شكر يا كبير

**enghany** · 18-11-2014 11:33 PM

المشاركة الأصلية كتبت بواسطة loshabih

شكرا لرد حضرتك بس هيا بتظهر مع الفرامل بس....وكل محمل علي الفرامل الريحه تظهر اكتر
كده يبقي التيل نوعه وحش مع العلم اني لسه مغيره؟

اعتقد نوع التيل نفسه اللي بيعمل شياط او ريحه

**mohamed10salah** · 19-11-2014 08:11 PM

م / هانى
أرسل لك كل التقدير والإحترام على المقابلة و الإستقبال و الشغل الذى تم فى العربية ولا أجد كلام ليعطيك ما تستحق فقط الدعاء لله أن يكون المركز يستمر فى الإزدهار والنمو .
العربية نوعها أفيو 2010 وتم عمل الصيانة لها وهى عاملة 71500 كم وبعد الكشف عليها تم طلب الأتى :
1 - تيل فرامل أمامى 220 جم
2 - أويل سيل موبينا 10 جم
3 - سير كاتينة 150 جم
4 - سير دينامو 110 جم
5 - شداد دينمو 275 جم
6 - قربة مياه 80 جم
وتم إحضارهم وتركيبهم بواسطة الأسطى سامى تحت إشراف ومتابعة من م / هانى
وألف ألف شكر لمهندس / هانى على الصيانة والإستقبال
ونصيحة للأعضاء عدم إحضار أى قطع غيار من تلقاء النفس إلا عن طريق م / هانى ولابد أن تكون كلها أصلى
* م / هانى ممكن تسمحلى اعدى عليك يوم السبت أخر النهار للإنتهاء من موضوع التكييف وماكينة الباب
أسف على الإطالة وشكرا

**micom** · 20-11-2014 11:24 AM

مهندس هاني
بعد التحية ..... انا معايا هيونداي جيتز 2010
عاوز أغير البطارية
على أي أساس بحدد الأمبير
ازاي أعرف cold cranking ampere لعربيتي لأني قلبت في المانوال ومالاقيتش معلومة تخص الحوار ده
لو فرضنا انه يركب لها 55 امبير وركبيت أعلى أو أكتر من كده ... ايه الاضرار ولو في مميزات ياريت لو تفيدنا بيها ولك جزل الشكر

**mummy_47** · 20-11-2014 03:13 PM

في الحقيقة يا جماعة انا عربتي حاليا بتعمل عمرة كاملة وانا اصلا معنديش طولة بال...يعني عايز عربية متتعبنيش نهائي وطبعا لما حصلت مشكلة جامدة في العربية وتوقفت اكثر من مرة في الطريق ..فورا كلمت م.هاني وبعتلي ونش لاني مكنتش عارف حتى نمرة الونش او ان فيه شركة للاوناش كمان...والعربية راحت المركز ... م. هاني فحصها وقالي محتاجه عمرة كاملة ...انا اتنكدت على الاخر لاني مقدرش استغنى عن العربية ..لكن م. هاني طمني جدا وقالي متقلقش واحمد ربنا انها بتيجي في العربية...المهم حمدت ربنا انها بتيجي في الحديد.

....وعايز ابلغ شكري وتقديري الجامد جدا للباشمهندس هاني لاته تعب ولف بنفسه عشان يلاقي قطع غيار لعربيتي الافانتي لانها تعتبر في مصر بيقوله عليها (الخليجي) وهي طبعا كوري جنوبي ....ومختلفه شويه عن الالنترا المصري فصعب جدا تلاقي حاجاتها ....
الباشمهندس هاني فعلا من الناس القلائل اللي تحس معاه انه جاي من كوكب تاني ...قمه في الذوق والاحترام وفي ميزة مهمة جدا جدا جدا وهي (انه لا يتنازل ابدا عن الجودة سواء في قطع الغيار او في الاداء المتقن ) ..يعني هو صمم يكون كل قطع الغيار جديدة في السيارة وميكونش فيه مستعمل رغم انه بصعوبه شديدة جدا انه لما وجد حاجتها ..ناهيك انه وفر علي تعب اللف والدوران ....فعلا شخصية راقية الى ابعد الحدود.

وإن شاء الله اعملكم تقرير عند الاستلام
تحياتي والف شكر ياباشمهندس وربنا يخليك لينا ..مش عارف من غيرك كنا عملنا ايه؟؟ كنا وقعنا فريسة سهلة لمراكز الخدمة النصابة او للميكانيكية الفتايين
محمد