الموضوع: ( Speed Service Center :: ( enghany

المشاركة الأصلية كتبت بواسطة mohdeg

باش مهندس هاني
الاول صباح الخير
ثانياً انا بهنيك على حب الناس و التقدير اللي حضرتك واخدة من كل الجروب و دا اللي يخليني اتمنى اني اتعرف على سيادتك
ثالثاً : انا عربيتي دايو لانوس 2001 ياترى حضرتك بتشتغلم فيها
انا المشكلة عندي دخان كتير من الدوارة الصبح و بعدين يقل ( بس بيفضل موجود بسيط ) وانا فاصل حساس الشكمان لان العربية كانت بتبطل على السلانسية و الميكانيكي قالي افصلة
معدل استهلاك البنزين عالي جدا جداً
العربية السحب فيها ضعيف غير ان الموتور فية رجه
ياترى اعمل اية وممكن تكون المشكلة من اية
ولو حضرتك شغال فيها ، يا ترى الدخول بحجز ؟
وشكراً لسيادتكم على وقتك

أستاذ/جو روك ..
إسمحلى أرد مؤقتا نيابةً عن المهندس هانى لأنى عارف بعض المعلومات عن م. هانى وكمان بحكم إنى كان معايا لانوس قبل كدة:
أولا : المهندس هانى بيشتغل فى اللانوس مفيش مشكلة.
ثانياً : أول مرة بتروحله مش هيكسفك وهيشتغل فى العربية لو مفيش عربيات كتير واقفة ، بس بعد كدة هتتصل عشان تحجز
ثالثاً : الميكانيكى اللى قالك شيل حساس الشكمان دة بتهيألى إنه كان بياع بليلة
رابعاً : أغلب الظن إن حضرتك عندك مشكلة فى الرشاشات - بوابة وحساس الأيدول اللى جوه المانافول - نسب خلط الأكسجين والبنزين فيها مشكلة - سير الكاتينة خالف سنة أو سنتين للخلف وده ممكن يؤدى لإعوجاج فى الصبابات - ده غير التشيك على البوجيهات والفلاتر - وبالتأكيد الشكمان إتسد من الهباب وهتحتاج تغير العلبتين بتوعه وتنضف الفرن وتغير جوان الفرن .... طبعاً لو مفيش حاجة من اللى قلناه هو سبب المشكلة يبقى هتحتاج للأسف تعمل طقم شنبر على الأقل لو مفيش حاجة فى الموتور من تحت تضاعف المشكلة - الرجه اللى فى الموتور ممكن تكون بسبب حاجة من اللى قلناها أو تكون محتاج تغير قواعد موتور.
طبعا مش بالضرورة يكون كل ده ولكن أعتقد المشكلة مش هتخرج عن الحاجات دى وعموما لما تروح للمهندس هانى هو عنده الأجهزة والخبرة اللى هتحدد ...
تقبــل مــرورى

المشاركة الأصلية كتبت بواسطة ahmed9003

اولا ربنا يكرمك يا شمهندس ولا داعى للاعتذار عن التأخير فى الرد .. الله يكون فى عونك
بالنسبة لموضوع المساعدين لا انا ماكشفتش على الحالة العامة للعفشة بس انا غيرتهم لانهم جابو زيت وابتديت احس بالمطبات جامد قوى لو حضرتك تعرف حد بتاع عفشة او حضرتك بتعمل الكلام ده ياريت حضرتك تقولى

يا فندم شرفنا و احنا نبص علي العربيه و نقولك ايه المطلوب و ربنا يجيب الخير

المشاركة الأصلية كتبت بواسطة georock

أولاً حمداً لله على سلامتك

ثانياً بالنسبة للصوت الوضع أتطور شوية بقت فى رجة خفيفة مع الصوت بتعملها العربية و هى واقفة و الفتيس على وضع d أو r بس وهى بتمشى الصوت والرجة بيختفوا ولاحظت حاجة كمان الصوت بيعلى والرجة بتزيد و العربية بتهدى بالظبط لما يكون الأر بى أم على 1

ياعنى لو خدنا الموضوع من الأول العربية وهى ماشية عادى مافيش أى حاجة وسحبها تمام و غرز عشرة على عشرة
نيجى بقى داخل على أشارة ببدأ أهدى و أول ما الأر بى أم ينزل لرقم 1 الصوت و الرجة بيظهروا وبيفضلوا موجودين و العربية واقفة والفتيس على الوضع d أول ما أجيب الفتيس على وضع n أو p الصوت والرجة بيختفوا

الملخص الصوت و الرجة دول بيظهروا والفتيس معشق على d ومانع الحركة بالفرامل أو الهاند بريك وبحس أن الصوت والرجة جايين من ناحية سيور المجموعة

بالنسبة للحاجات اللى شكيت فيها
بالنسبة لسيور المجموعة كلها سليمة ماعدا كان فى مرة سير طرمبة الباور كان أتقطع و غيرته بس السير جايبه تجارى مش من التوكيل بس موضوع الصوت والرجة ظهر بعد فترة كبيرة حوالى شهرين من تغيير السير
كشفت على قواعد الماتور سليمة
غيرت زيت الفتيس بس من غير ما أغير فلتر زيت الفتيس لأنه علشان أغيره لازم أروح التوكيل و أنا مش فاضى

أتمنى أنى أكون شرحت لك الموضوع كويس


وسلامى لك و للأسرة الكريمة

بلدياتي و صديقي الخلوق
اعتقد ان المشكله كلها القاعده الامي يمين
شوف و العربيه واقفه و هي دايره ارفع العربيه بالكوريك التمساح تحت القاعده بالضبط كانك بتلغي و ظيفتها هتلاقي العربيه هديت خالص جرب كده و قوللي و لو ماعرفتش روح لميكانيكي و قوله يعمل كده و قولللي ايه النتيجه و اشكرك و اتمني لك السلامه لك و اسرتك الكريمه

المشاركة الأصلية كتبت بواسطة m_zizo620

الف شكر علي الرد اسريع بس قصد حضرتك كده ان الموضوع مفيهوش خطوره
و بالنسبه للبرمجه دي بتتعمل ازاي و بتكلف كام تقريبا

لا بس المشكله ان المفروض تقل و خفه الدركسيون الكهربا بيتقل مع السرعه و العكس صحيح فكده الباور و التزان بتاع العربيه مش مضبوط فنصيحه اعملها

المشاركة الأصلية كتبت بواسطة vantroy

لو سمحت لو عايز اكشف على عربيه مستعمله فى مركزكم كشف كامل( صاج ماكينه فتيس )
احجز الاول ولل اجى لحضراتكم علطول؟

يا فندم شرفني بالاتصال و قولنا هتنورنا امتي و اهلا و سهلا بسيادتك 01060900088

المشاركة الأصلية كتبت بواسطة heart_sugar

ازيك يا بشمهندس
عندي استفسار اشتريت عربية الالنترا 2015 هاي لاين وفيها 2 اير باج
كنت عايز من حضرتك طريقه اني افصل الاير باج بحيث ميشتغلوش
في ناس بتقول اشيل فيوز وناس تانيه بتقول مينفعش
انا كنت عايز من حضرتك طريقه صحيحه وبالخطوات عشان اشيلها انا
اشكرك

الاخ الفاضل حضرتك لو شيلت الفيوز بتاعها مش هيشتغل بس لمبه الايرباج هتفضل منوره في التابلوه
فشيله ان دي اامن طريقه و قت ما تحب ترجعه تاني تحط الفيوز بس

المشاركة الأصلية كتبت بواسطة enghany

الاخ الفاضل حضرتك لو شيلت الفيوز بتاعها مش هيشتغل بس لمبه الايرباج هتفضل منوره في التابلوه
فشيله ان دي اامن طريقه و قت ما تحب ترجعه تاني تحط الفيوز بس

طيب يا بشمهندس ممكن تشرحلي منين اقدر اشيله ومكنهم لو سمحت في العلبه
العربية الالنترا 2015

المشاركة الأصلية كتبت بواسطة braveheart_13

بدايةً كده أنا مش عارف أشكر المهندس هانى (صاحب مركز سبيد سيرفيس) على شغله الممتاز ولا على استقباله ليا لأول مرة وكأنى زبون عنده من سنين ولا على أمانته ولا على زوقه وأخلاقه ولا على تقديره البسيط للمصنعيات ..
الشئ الغريب والمدهش كمان اللى لاحظته عنده إن كل زباينه ناس محترمة جدا .. ومش عارف دى صدفة ولا زى المثل اللى بيقول "الطيور على أشكالها تقع" !!

نيجى بقى للشغل اللى عملته عنده .. أولا أنا لسة شارى العربية (شيفروليه أوبترا 2010 كاملة أوتوماتيك) وحبيت أكتشف من بدرى أى عيوب فيها وأعمل صيانة كاملة وأغير سيور وزيوت عشان أكون مطمئن لكل حاجة أنا عاملها على إيدى .. وسمعت وقريت كتير عن المهندس هانى وشكر الناس فيه ، فقلت أكيد الكلام ده مش من فراغ .. فتوكلت على الله وروحت عنده المركز لأول مرة وهى بالتأكيد لن تكون الأخيرة ..

المهم العربية دخلت المركز .. إتحطت على كومبيوتر كشف الأعطال .. وتم رفعها على الونش الهيدروليك والكشف على كل جزء فيها حتة حتة ، ما سابش حاجة .. والمهندس هانى كان بيشرف على كل شئ بنفسه ويتطمن عليه .. وبعدها قعد معايا وبدأ يكتبلى الحاجات اللى العربية محتاجاها ويحددلى النوع الأفضل للعربية وهو عموما بيصمم على الأصلى إلا لو كانت رغبة صاحب العربية غير كده ، ساعتها بيسيب صاحب العربية بحريته بعد ما ينصحه ويشرحله المنافع والأضرار بهدوء .. بعدها أنا رحت اشتريت الآتى:

1 - سير كاتينة gm
2 - سير المجموعة gm
3 - 2 بلية كاتينة (الثابتة والمتحركة) gm
4 - 2 مسمار ميزان ctr
5 - 2 بيض طرف خارجى ctr
6 - فلتر فتيس أوتوماتيك gm
7 - فلتر بنزين gm
8 - فلتر هواء كورى
9 - تيل فرامل أمامى gm
10- تيل فرامل خلفى gm
11- طقم بوجيهات gm
12- زيت موتور ميجوين (ليكوى مولى سابقا) 5w-30
13- زيت فتيس ميجوين
14- زيت باور ميجوين
15- (engine flush) ميجوين
16- (motor safe) ميجوين

كل المشتريات من شارع دمشق بمصر الجديدة .. البنود من 1 إلى 8 من "الطنبولى" .. البنود من 9 إلى 11 من "النجار" .. البنود من 12 إلى 16 من "سامى فخرى .. توكيل ميجوين أو ليكوى مولى سابقاً"

* طبعا المركز عند المهندس هانى قام يتركيب كل ما سبق ولا داعى لسرده مرة ثانية بالإضافة إلى الإطمئنان على دورة التبريد وطرمبة المياه ومياه الرادياتير وغسيل سربنتينة التكييف وتنظيف بوابة الأيدول مجاناً وإزالة الزيوت وتنظيف الموتور والحوض ............... بعد كل ما سبق توقعت أن المصنعيات ستكون صدمة جديدة من ضمن الصدمات ولكن لكم أن تتوقعوا القيمة التى طلبها المهندس هانى كمصنعيات بعد أن قام بقيادة السيارة بنفسه لتجربتها أولا وقام أيضا بالتوصية على سيارتى فى مركز ضبط الزوايا والإتزان وقد قاموا بمعاملتى كشخصية vip بمجرد توصية المهندس هانى ثم رجعنا للمركز وجلس معى بمكتبه وبدأ فى كتابة المصنعيات التى كنت ألمحها بعينى تقل عن أى مكان آخر بكثير ... فكان المجموع ((( 260 جنيه فقط ))) !!! ولكنه أيضا قام بتخفيض 30 جنيه أخرى وقاللى كفاية 230 جنيه !!! ثم تركنى وأنا مندهش وقام يرد على أحد زبائنه الذى أراد استشارته فى شئ ما .. فقمت بجمع قيمة المصنعيات مرة أخرى فوجدتها 300 ج وليس 260 ج .. فقمت بتنبيهه أن المجموع أكبر مما طلبه ، ففوجئت به يخبرنى أنه قام بحذف 40 جنيه أصلا من المجموع قبل أن يخفض 30 ج أخرى !!! والعجيب أنه سألنى إن كان هناك مبالغة فى المصنعيات !!! فأجبته بأن هذا أقل من حقه بكثير وأن هذا لا يرضى ضميرى ولكنه رفض بإصرار أن يأخذ أكثر مما طلبه !!!!!!!

ملحوظة أخيرة وهى كرمه الزائد .. فبمجرد إنه عرف من البداية إنى بحب القهوة ومابشربش حاجه غيرها وهو كل شوية يبعت يجيبلى قهوة ورا قهوة لحد ما بقت مصبغة

وأخيرا .. وجب التنويه أننى معجب بتواضعه الشديد بعد أن قام بمصافحتى وتوصيلى حتى باب السيارة وأنا منصرف .. ولا يسعنى فى نهاية موضوعى إلا أن أوجه كل الشكر والتقدير وتسجيل إعجابى بهذا الرجل المحترم عملاً وخلقاً.

ولكل أعضاء المنتدى ، أنا مستعد للإجابة على أى استفسار أو سؤال من الإخوة الأعضاء .. وشكراً

***********************************

الاخ الفاضل
بص انا كل اللي اقدر اقولله ان بجد تشرفت بقابله و معرفه هذه لشخصيه الاخويه المحترمه
لا اجد كلام او شكر علي اسلوبك حضرتك و تقريرك المحترم
فيعجز كلامي او شكري عن اوفاء حقك او تقديرك
انا هجيب اعلايه و اكلم حضرتك و طمني اخبار استهلاك البنزين ايه