( Speed Service Center :: ( enghany

**enghany** · 05-03-2016 06:11 AM

المشاركة الأصلية كتبت بواسطة mohamed.raghed

السلام عليكم بشمهندس هاني
استفسارى بخصوص معى عربية فيرنا 2008 الحرارة بتعدى النصف و تعلى مجرد ما اشغل التكييف على الطريق السريع على +100 كيلو لاكن داخل القاهرة على سرعات تحت ال 80 مثلا مفيش اى مشاكل فى الحرارة نهائى و التكييف كويس جدا , مع العلم انى على طريق السخنة علشان اجرب جبت 180 - 200 و فضلت ماشى كده فترة محترمة (لتجربت الحرارة بدون تكييف) مافيش اى مشاكل و الحرارة عادية ! , اسف على التطويل بس الحوار ده مش عارف فى اه ؟

الاستاذ الفاضل
اولا لازم تراجع هل في تسريب من دوره التبريد و لا لاء
تاني حاجه اتاكد من غطا الرداتير و ان كاوتشته سليمه
اهم حاجه و هو في الغالب المشكله -- فك الرداتير و سلكه ( مش عمل دوره ) يتفك و يتسيخ مع غسيل و تنظيف سربنتينه التكييف بالماء و الهوا هتلاقي المشكله راحت

**enghany** · 05-03-2016 06:13 AM

المشاركة الأصلية كتبت بواسطة georock

إزيك ياهندسة أخبارك أيه ؟

كان عندى مشكلة كنت عايز أخد رأيك فيها !!!

العربية عندى أول ماسرعتها توصل 60 كم بتبدأ تترج و لحد 100 كم و الرجة بعد كده بتقل بس بتفضل موجودة وده لحد 170 كم والرجة بتروح لما أرفع رجلى من على دواسة البنزين

المهم روحت عملت ترصيص و غيرت الكاوتش اللى ورا و ظبطت الميزانية وكشفت على المساعدين والمقصات كلهم كويسين مافيش أى حاجة (ده اللى بتاع ظبط الميزانية قاله) هو بس زاوية الكاستر بتاعت العجلة اليمين زايدة شوية المفروض أنها تكون الحد الأقصى 2.10 درجة و العربية الزاوية بتاعتها 2.15 درجة والصنايعى قال أنها مش محتاجة تتظبط

العربية إتزانها كويس مش بتعوم وبتنحرف بسيط وده علشان زاوية الكاستر يمكن لما بدوس فرامل على سرعات عالية بترعش بسيط فأنا حمسح الطنابير مع غيار التيل الجاى بس ما أعتقدش أن السبب ده يكون سبب الرجة الجامدة

تفتكر يكون أيه السبب فى الموضوع ده ؟

سلامى لك وللأسرة وشكراً

اخر المحترم لو الرعشه دي مرتبطه بدوسه البنزين بس يعني لما بترفع رجلك تقل او تخف و لما تدوس تاني تيجي اكشف علي الكبالن الداخليه

**georock** · 05-03-2016 07:17 AM

المشاركة الأصلية كتبت بواسطة enghany

اخر المحترم لو الرعشه دي مرتبطه بدوسه البنزين بس يعني لما بترفع رجلك تقل او تخف و لما تدوس تاني تيجي اكشف علي الكبالن الداخليه

يبقى هو الكوبلن الداخلى لأن الرعشة بتبان فعلا مع البنزين بس

معلش سؤال تانى ياعنى أيه كوبلن داخلى بالأنجليزى علشان أقول عليه للفنيين الهنود اللى عندى علشان يكشفوا عليه و تقريباً سعره كام للجيتز

**georock** · 05-03-2016 07:10 PM

المشاركة الأصلية كتبت بواسطة enghany

اخر المحترم لو الرعشه دي مرتبطه بدوسه البنزين بس يعني لما بترفع رجلك تقل او تخف و لما تدوس تاني تيجي اكشف علي الكبالن الداخليه

معلش ياباشمهندس حتعبك معايا أنا سمعت كلامك وروحت لفنى يكشف لى على الكبالن زى ماقولت لى
دلوقتى أنا روحت لواحد نصحونى بى زمايلى وطلع معايا جرب العربية وقالى أن المشكلة فى الكوبلن الداخلى يمين (الطويل) من غير ما يرفع ولا يكشف مجرد أنه طلع جرب معايا

هل الفنى يقدر يعرف أى كوبلن بمجرد أنه يطلع يجرب ولا كده الفنى اللى رحتله أى كلام ؟

وشكرا على تعبك معايا

**kh_fawzy** · 05-03-2016 10:27 PM

السلام عليكم يا بشمهندس هاني
كان ليا استفسار بخصوص سير الكاتينه وياقي السيور الاصليه النترا 2004 لان الكاتلوج بيقول كل 60000 وناس بتقول لا كل 40000 وناس بتقولي لو عدي عليهم 4 سنين سنين يبقي لازم يتغيروا وعندي مشكله تانيه ان العربيه ساعات علي الاولاني بتقطع كانها واخدها غيار غلط وبعدين تفك لوحدها وتمشي عادي
شكرا

**enghany** · 06-03-2016 09:50 AM

المشاركة الأصلية كتبت بواسطة kh_fawzy

السلام عليكم يا بشمهندس هاني
كان ليا استفسار بخصوص سير الكاتينه وياقي السيور الاصليه النترا 2004 لان الكاتلوج بيقول كل 60000 وناس بتقول لا كل 40000 وناس بتقولي لو عدي عليهم 4 سنين سنين يبقي لازم يتغيروا وعندي مشكله تانيه ان العربيه ساعات علي الاولاني بتقطع كانها واخدها غيار غلط وبعدين تفك لوحدها وتمشي عادي
شكرا

الاصلي 60 الف او 3 سنوات ايهما اقرب بالنسبه للتقطيع البوجيهات اخبارها ايه و البوابه نضفتها اخر مره امتي؟

**kh_fawzy** · 06-03-2016 04:18 PM

المشاركة الأصلية كتبت بواسطة enghany

الاصلي 60 الف او 3 سنوات ايهما اقرب بالنسبه للتقطيع البوجيهات اخبارها ايه و البوابه نضفتها اخر مره امتي؟

الموضوع مستمر معاي قبل وبعد تغيير البوجيهات وتنظيف البوابه الحاجه الوحيدة اللي بتفرق لما بانظف حساس الماف باحس ان الدنيا اتحسنت شويه بس الميكانيكي بيقولي دة عيب حساس شكمان

**enghany** · 07-03-2016 09:22 AM

المشاركة الأصلية كتبت بواسطة kh_fawzy

الموضوع مستمر معاي قبل وبعد تغيير البوجيهات وتنظيف البوابه الحاجه الوحيدة اللي بتفرق لما بانظف حساس الماف باحس ان الدنيا اتحسنت شويه بس الميكانيكي بيقولي دة عيب حساس شكمان

لا يبقي لازم تتحط علي الجهاز الاول مفيش حاجه كده اجتهاديه او بالفكاكه حساس شكمان

**mody112** · 07-03-2016 01:03 PM

ازيك يا هندسة اخبارك ايه
بقولك ايه كنت عاوز ابيع عربيتى الجيتز واركب حاجة المانى ( بقلدك طبعا ) ايه رايك فى اوبل ولا اوكتافيا

**samfigo** · 10-03-2016 12:24 PM

شكر وتقدير

أولا: كل الشكر والتقدير للسيد المهندس/ هاني وجميع العاملين بمركز خدمة Speed Service Center على حسن الاستقبال والترحيب والخدمة فوق الممتازة .

ثانيا: قمت بزيارة المهندس/ هاني يوم السبت الموافق 2016/5/3 حوالي الساعة الثانية والنصف بعد تحديد موعد مسبقا وكان المهندس/ هاني على اتصال دائم بي حتى وصلت إلي مقر مركز الخدمة حيث انها أول مرة أتعامل معه .

ثالثا: السيارة هي النترا hd 2009 وسبب الزيارة هو :

1- تغيير جلبة قطمة الدركسيون (مشكلة مزعجة جدا) بالجلبة الأصلية بعد الحصول عليها من المهندس/ محمد محمود Hamada MOMO زميلنا هنا في نايل موتورز وله أيضا كل الشكر والتقدير ولله الحمد تم تغييرها بسرعة وكفاءة عالية.

2- عمل صيانة ال10000 كيلو وتم تغيير فلتر بنزين + فلتر هواء + طقم بوجيهات + سير المجموعة مع تنظيف البوابة وفحص تيل الفرامل وفحص السيارة بالكامل.

رابعا: انتهينا من الصيانة في حوالي الساعة الخامسة والنصف والسيارة الآن ما شاء الله لاقوة إلا بالله رجعت كما كانت بحالة الزيرو وطبعا كل ذلك بفضل الله تعالى أولا ثم المهندس / هاني والاسطوات العاملين معه لديهم من الخبرة والكفاءة والسرعة في انجاز العمل (كل ذلك في حوالي ثلاث ساعات فقط) .

وفي النهاية كل التحية والاحترام للمهندس / هاني وجميع العاملين بمركز خدمة Speed Service Center

.

ســامح حســين

جنــوب سينـــــاء

الموضوع: ( Speed Service Center :: ( enghany

LinkBack

أدوات الموضوع

عرض

-

المواضيع المتشابهه

تجربة سيئة جداً مع مركز Speed Service Center

Speed service center-----eng hany

Is there service center in sharm elsheikh for nissan?

Chevrolet newest service center

الكلمات الدلالية لهذا الموضوع

المفضلات

المفضلات

ضوابط المشاركة