الموضوع: ( Speed Service Center :: ( enghany

المشاركة الأصلية كتبت بواسطة وسام محمد

السلام عليكم باشمهندس هانى
بعد أذن حضرتك كنت عايز أعمل صيانه دورية عند حضرتك
عربيتى هيونداى ألنترا 2005 أتوماتيك فل أوبشن جاية لسة من كوريا وعاملة 70 ألف كيلوا
وطبعا لأنى مش عارف المالك الأول ليها فى كوريا كان مغير إية ومش مغير إية
فكنت بفكر أعمل الأتى :-
1/ تغيير جميع فلاتر زيوت ( المحرك + الفتيس + الهواء + البنزين + تنظيف فلتر التكييف )
2/ تغيير جميع زيوت ( المحرك + الفتيس + الباور + الفرامل )
3/ تغيير جميع السيور بأخرى أصلية
4/ تغيير جميع البوجيهات
5/ الكشف على العفشة وتغيير ما يلزم منها
6/ الكشف على الفرامل والتيول والطنابير وتغيير ما يلزم منها
7/ الكشف بالكمبيوتر على أجهزة السيارة والحساسات
8/ تنضيف البوابة - الأنجكشن - البخاخات - المحرك
والسؤال :
- ما هو الوقت المستغرق لعمل ذلك للسيارة ( يعنى كام ساعة تقريبا )
- هل هناك إمكانية لتوفير قطع الغيار الأصلية والزيوت بمعرفة المركز أم لا ؟
- إمكانية الحجز مسبقا وموعد الحضور صباحا ولا مساءا
- ولأنى أول مرة هتشرف بالحضور لحضرتك ممكن بالتقريب الطريق من السويس لغاية المركز بياخد كام ساعة ؟ لأنى هاجى لحضرتك من جنوب سيناء .
- وأخيرا إن أمكن إجمالى التكلفة التقديرية بالزيادة عشان أعمل حسابى وأنا جاى ( رنج من كام لكام تقديريا ) ؟
مع خالص شكرى وأمتنانى لحضرتك لجهودك فى خدمة جميع أعضاء المنتدى الكرام
ومن واقع شهادات الناس أنت كسبت الناس كلها بأخلاقك وأمانتك وسمعتك زى الجنية الدهب
ربنا يبارك فى حضرتك وفى كل فريق العمل بالمركز

اولا اهلا و سهلا بحضرتك تشرفنا
بالنسبه للوقت المستغرق العربيه تشرفنا يوم من بدايته الصبح للانتهاء منها في نفس اليوم و يااريت التنسيق 01060900088
بالنسبه لقطع الغيار ممكن نوافرها و عموما هي موجوده قريب ممنا
بالنسبه للتكلفه لازم نشوف العربيه الاول بس عموما حضرتك متقلقش احنا ارخص من اي حد تاني

المشاركة الأصلية كتبت بواسطة enghany

بالنسبه للرعشه دي غالبا في قواعد المحرك
اما بالنسبه للخنقه لازم الاول تتحط علي الجهاز و عايز اسالك اوتو ولا مانيوال و ايه اخر صيانه عموما لزيت للفتيس عموما

العربية اوتوماتيك 2011 وآخر صيانة عملتها لزيت الفتيس كانت عند 50000 وهى دلوقتى عامله 63000. و شكرا لرد حضرتك يا بشمهندس

المشاركة الأصلية كتبت بواسطة ramadam

العربية اوتوماتيك 2011 وآخر صيانة عملتها لزيت الفتيس كانت عند 50000 وهى دلوقتى عامله 63000. و شكرا لرد حضرتك يا بشمهندس

اشكرك لرد حضرتك
بس موضوع الخنقه دي لازم كشف و لو حضرتك بتنزل مصر ممكن تشرفني الكشف مجاني هديه من عندي بدون اي رسوم بحكم اننا بلديات :w_030:

جبت الاسبوع اللي فات ماتريكس 2005 مستعملة ماشية 112000 كم . لما استلمتها سألت صاحبتها لو كانت بتغير زيت الفتيس و لا لأ و طلع عمرها مغيرته. قمت غيرته عند ميكانيكي عندنا و فك الكرتيره و نظف الفلتر و خدت 3 لتر زيت موبيل atf 320.
تاني يوم بجربها لقيتها ماشية كويس ماعدا حاجة واحدة. العربية لما تكون باردة و اجيب D و اسيب الفرامل بتمشي على طول لكن لما تسخن و يكون مؤشر الحرارة على النص كده, لما اجيب N و هيه واقفة و ارجع اجيب ال D بتتأخر حوالي ثانيتين كده لما تمشي لوحدها و احسها مخنوقة شوية و تطلع بنتشة بسيطة (لو دوست بنزين بنفسي قبل لما تطلع بتمشي عادي). هيا كده في حاجة و لا طبيعي؟

المشاركة الأصلية كتبت بواسطة mohamedmohyass

جبت الاسبوع اللي فات ماتريكس 2005 مستعملة ماشية 112000 كم . لما استلمتها سألت صاحبتها لو كانت بتغير زيت الفتيس و لا لأ و طلع عمرها مغيرته. قمت غيرته عند ميكانيكي عندنا و فك الكرتيره و نظف الفلتر و خدت 3 لتر زيت موبيل atf 320.
تاني يوم بجربها لقيتها ماشية كويس ماعدا حاجة واحدة. العربية لما تكون باردة و اجيب d و اسيب الفرامل بتمشي على طول لكن لما تسخن و يكون مؤشر الحرارة على النص كده, لما اجيب n و هيه واقفة و ارجع اجيب ال d بتتأخر حوالي ثانيتين كده لما تمشي لوحدها و احسها مخنوقة شوية و تطلع بنتشة بسيطة (لو دوست بنزين بنفسي قبل لما تطلع بتمشي عادي). هيا كده في حاجة و لا طبيعي؟

و في فلتر بيتنظف ؟؟؟؟؟ غيره يا فندم

ممكن ده يكون سبب المشكلة ؟ لان خليت حد يجربها و قالي دي نتشة على ال D بس بتبان و العربية سخنة و ممكن يكون بسبب الزيت علشان هو مش sp 3.
هو فعلا ممكن يكون كده و لا الفتيس فيه حاجة يا باشمهندس

المشاركة الأصلية كتبت بواسطة mohamedMohYass

ممكن ده يكون سبب المشكلة ؟ لان خليت حد يجربها و قالي دي نتشة على ال D بس بتبان و العربية سخنة و ممكن يكون بسبب الزيت علشان هو مش sp 3.
هو فعلا ممكن يكون كده و لا الفتيس فيه حاجة يا باشمهندس

شوف
الافضل الفلتر يتغير و تحط 3 ونص كيلو موبيل atf 320 , و قولي ايه الاخبار

باشمهندس هاني
ازي حضرتك ، انا العربية معايا فيرنا وصلت دلوقتي ل 37000 كيلو و عايز اجهز علشان أجيلك اعمل صيانة الأربعين ، عايز اعرف منك بعد إذنك ايه الحاجة المطلوبة علشان اجهزها و اشتريها و بالنسبة لزيت الباور و زيت الدبرياج لو عايز اغيرهم المرة دي صح و لا غلط و اجيب انواع زيوت ايه
بالنسبة لزيت الفتيس كنت عايز أغيره المرة دي لان صوت الونة لِسَّه موجود مع الغيار الاول و حاسس انه بيزيد اجيب نوع ايه و هل موبيل أحسن و لا فالفولين و موضوع gl4 و gl5 هل فعلا مش فارقة و لا الاحسن التزم بالكتالوج