ليه بس يا حوده قول الي انت عايزه مفيش مشكله
عرض للطباعة
تبيعها !
خير يا عم انت ....
تغيير ولا مزنوق في فلوس ولا زهقت منها !
و يا مهندس هاني حوده مش هيقول عشان بيخاف من الحسد أو خايف يتضبط في شدايه :]
الاخوه الأعزاء توجهت بالأمس الى المهندس هانى مركز سبيد سيرفيس وقبل الكلام عن المشكلة وما تم فيها لابد من إعطاء الرجل حقه بصراحة قمة الذوق والتواضع والأخلاق استقبال وكرم ضيافه على اعلى مايكون طاقم العاملين معه ناس فاهمه وشغاله زى ما الكتاب بيقول كانت اللى عمله المهندس هانى فى العربية بصراحة لو فى غبور نفسه الحاجات دى مش هتتعمل وكل حاجه يعملها يصبر لغاية ما العربية تسخن ويجرب بدون زهق او كسل او محاولة الاستهانه بعقل العميل واخيرا بالنسبة للاسعار مش عارف اقول ايه اللى دفعته اقل من نص اللى بياخده الميكانيكى الغبى فى المره الواحده كانت هذه مقدمه لاعطاء الرجل حقه بدون اى مجامله
المهم علشان ما اطولش عليكم العربية كان فيها مشكلتين المشكله الأولى كانت بتغيب فى الدواره وهى سخنه وفى الآخر تبين انها فبرة الكونتاكت بتعلق وللأسف هى ناقصة فى السوق شوية مش هنلاقيها هنضطر نغير الكونتاكت وبالنسبة لأن العربية كانت ساعات بتقطع لدرجة انها بتبقى متلته تبين ان الفيشة بتاعاة الكهرباء اللى داخله على المبينة كانت مقطوعه والميكانيكى الغبى كان معدل فى المبينه وركب فيشه تانية فالفيشة دى ماكانتش موصله كهرباء صح وبالتالى العربية كانت لما تاخد مطب ساعات بتقطع ومرة تانية شكرا للمهندس هانى ولطقم العاملين معاه
لو مزنوق في فلوس هتديني يعني ؟ ههههههههههه
لا بس شكلها منظوره وكل شوية حكات على خبطات على طابلوه لونه يروح كده يعني.
وبالنسبه للصيانه هاني باشا عمل الاتي:
تغيير زيت 10 الاف كيلو. والفلتر مجاني
تنضيف موتور والبوابه
تنضيف الراديتير بالميه
تغيير المسامير الي كانت مكسوره عندي
تنضيف فلتر الهوا وفلتر التكييف
كشف بالكومبيوتر على الاعطال (عمرها ما اتعملت في اي صيانه عندي قبل كده)
وايه تاني عشان مش فاكر ؟ :D
بس الحمدلله العربيه اداءها بقى احسن من الاول ولسه شادد امبارح مع مرسيدس c180 وجبته مش عارف ازاي :D
كلام حق يابشمهندس هاني وده اللي حسيته لما كلمتك وقلتلي مش عايزني اجي واستني كتير
متنساش بقي معادنا لما اكمل 75 اللف :)
كنت عايز اسالك هل ينفع اراجع علي سلامه الجوانات كلها ...يعني جوان الموتور ووالفتيس واويل سيل الكوبلن .....يعني حرصا علي عدم تسريب اي زيوت لاني متعقد
:_Alshmokh22[1]::Copy of majd(4)::36_2_49[1]:
انا مستني اهوه ... ومفتحتش بوقي وانت عارف
توجهت يوم الاربع بناء على ترشيح عم كريم الي ماشيين وراه وهايضيعنا ده :d
الى المهندس هانى مركز سبيد سيرفيس صراحة كان قمة الذوق والتواضع والأخلاق - هو اتأخر عليه شوية بس انا الي كنت رايحله بدري عن معادنا :d
استقبال أكثر من رائع والتدقيق في طلباتك واحتاجاتك الشخصية مع الحاجات الدورية الي مش محتاج ومش خبير أساسا اني اطلبها - المهندس هانى عرفني حاجات في العربية هو نفسه مكانش مصدق ان العربية خارجة من التوكيل له مباشرة - بيقولي التوكيل مش ممكن مايكشفشي على البوابة - أنا مطلع منها (جلخ) - مش ممكن يركب البوجيهات بالشكل ده - أكيد كانت ماثرة على العربية عندك - ودي كانت شكوى عندي لم أبلغ بيها من البداية اساسا
أصعب طلب حققهولي - انطباعه عن كل حاجة غيرها - السير ده كان بايظ - الريداتير كان نظيف وماغيرتش المياه - وانا كنت لسه غاسل الرياداتير ومغير المياه بتاعته من اسبوعين - وهو مكانش يعرف - من الآخر بيعطيك انطباع حقيقي عن حالة كل حاجة غيرها ومغيرهاش في العربية وده شئ مش سهل - ومفيد جدا واخيرا بالنسبة للاسعار جيدة جدا جدا - ولو اني اقترحت عليه يبقى عنده مكنة فيزا علشان التعامل بالكاش مبقاش سهل :d
في النهاية - شكرا جزيلا للمهندس هاني ولاتصاله اليوم التالي للصيانة للاطمئنان على حالة العربية - وعايز أعدي عليك الاحد لو فاتحين او الاثنين علشان نضبط حاجة بسيطة كده - ومسيرنا هانمسك عليك غلطة يا كريم :d