المشاركة الأصلية كتبت بواسطة mohamed_salama
بشمهندس هانى ازى حضرتك انا عندى شويه مشاكل فى العربيه وعايز حضرتك تشوفها , يعنى عايز اجى لحضرتك الورشه تبصلى على اللى فى العربيه لانى متضايق منها جدا.
* العربيه سحبها بطىء شويه وكمان لما بشغل التكييف بحس ان العربيه مبتمشيش اصلا يعنى السحب بيبقى مش كويس.
* كمان العربيه صوتها عالى وهى واقفه على طول بتكتك بصوت عالى الموتور صوته مش ناعم خالص مع العلم انى ظبط التاكيهات بتاعتها.
* كمان العربيه بسخن فى وقت طويل جدا دلوقتى يعنى بتقعد كتير اوى على ما تسخن مع العلم انى شايل حساس كوع الميه امال لما يدخل الشتاء هقعد قد ايه على ما تسخن.
* كمان وانا ماشى والحراره عليت شويه حلوين اوى الغيار الاول والتانى بيقطعوا فى العربيه على حوالى 2 فى الار بى ام وفى صوت صفاره ملازمه الـ 2 فى الار بى ام ولحد الـ 3 بعد كده بتختفى.
* التكييف لما بشغله العربيه بتترعش جامد جدا ولازم اشد الشفاط وانا ماشى والا العربيه بتبقى رجرجه جامده جدا فى حين انى لما رحت شحنت التكييف خليت الراجل يشغلى البتاع اللى لما تشغل التكييف تعلى المكنه.
* العربيه بترعش عامه وهى ماشيه وبتزيد الرعشه وانا مشغل التكييف.
شكرا ليك ويا ريت تقولى التكلفه حوالى كام عشان ابقى عامل حاسبى.