الموضوع: ( Speed Service Center :: ( enghany

المشاركة الأصلية كتبت بواسطة mido6995575

ومالو اجيلك بس انا كسبت ولا لسة ومش مهم المكسب يا سيدي المهم اني اشوفك والله واقعد معاك بس اشرب قهوة بن مخصوص بتاعك
عايز اجيلك بس مش عارف التوقيت مش مساعد عايز اجيلك يوم سبت الصبح هاينفع
هاكلمك اكد علي حضرتك
محمد عبد الله

يا باشا انت مش محتاج تتكلم دا مكان حضرتك في اي وقت تنورنا و في انتظار تشريفك

المشاركة الأصلية كتبت بواسطة ahmedemara1984

احب بس يا جماعه ان اشكر مهندس هاني على المجهود اللي عامله معايا و على وقوفه جنبي بعد لما عربيتي عملت حادثة - بعيد الشر عنكم. م/هاني بصراحة عمل معايا أكتر من الواجب و العربية رجعت زي الأول و أحسن حتجه في الموضوع انك بتتعامل مع حد فاهك و حد تعرف تاخد و تتدي معاه

االاول حمدا لله علي سلامتك و تاني حاجه حمدا لله علي سلامه العربيهو دائما يسرنا تشريف حضرتك و شكرا لحضرتك علي التقدير

المشاركة الأصلية كتبت بواسطة se_coralsea

حمدا لله علي سلامة عربيتك و حقيقي ألف شكر للمهندس هاني اللي رافع رأسنا دايما و كان عند حسن ظننا به

علي فكره انا زعلان منك من الموضوع للي حضرتك منزله لان بجد هيونداي مالهاش طعم من غير المهندس سمير و لن نقبل بهذا القرار مع كامل احترامنا لحضرتك لان حضرتك و كريم فوزي و اشرف ابراهيم من الناس القليله اللي الواحد يرتاح و يتشرف التعامل معاهم و دائما للامامام و سيبك من الناس الرخمه اللي بيبتدوا باسم ه و ن ا -----بس هما مش هيونداي قوللهم انتم مال ----ههههههههههه

ذهبت للمهندس هانى وهذه أول مرة اتعامل معه ومعى صديقى مؤمن أنا لصيانة ال30000 وزيادة عليها تغير البوجيهات وصديقى لصيانة ال60000 وصوت ونه أسفل السيارة لايعرف صديقى مصدرها فقام الراجل بعمل الصيانه لى وكأنى فى التوكيل وأحسن وقام بتجربه سيارة صديقى وأكتشف إن الونه مصدرها بلى العجل الشمال ثم قام بتغيرها وعمل الصيانه الازمه له و صدمنا بالمصنعيات اللى طلبها مقارنه بالسوق تقريبا النصف فشكرا لأمانته وعدم بخله بالمعلومة وذوقه والحمد لله الواحد دلوقتى ممكن يقول يقول أنه وجد مكان يصلح فيه عربيته وإنسان ممكن يفهمه

حابب أنقل لكم تجربتى مع مركز سبيد سيرفس و م / هانى الرجل المحترم صاحب الكفاءة والخبره واللى إتعرفت عله من المنتدى الجميل وقررت بعد تقارير الأفاضل أعضاء المنتدى وتوصياتهم إنى أروح للمركز على الرغم من بعد المسافة بينى وبينه طبعآ مش هكرر الكلام اللى ذكره حازم فى التعليق اللى فات ولكن أوضح أن المهندس هانى شّخص الونة فى بلية العجله بسهولة و إحترافية ومشكورآ عمل مج شاى محترم وقعدنا ندردش شويه قبل ماخلص الشاى لاقيت وائل الفنى اللى عند المهندس هانى خلص طقم السيور بالبلى 10 دقائق فك العجلة وارح الخراطة يكبس البلية الجديدة و تقريبآ 10 دقايق كمان كان كله تمام ( بالمقارنة بأى مكان تانى هيفهمك أنه بيعمل تركيبة القنبله النيترونيه وهيضيع اليوم كله فى الفك والتركيب ) وتم عمل صيانة كاملة وتنظيف الأنجكشن والماتور والعربيه مشاء الله رجعت جديدة كانت البليه عامله وش بس الحمد لله رجعت بورش تانى
كل الشكر لأعضاء المنتدى اللى إستفدنا بخبراتهم وتجاربهم مع سبيد وكل الشكر للمهندس هانى ذو الخلق والحرفيه المهنية العالية

استاذ هانى
حضرتك انا معايا اكسنت 2006 لسة شاريها الاسبوع دة
هيا عاملة 98 الف كيلو
صيانة الالف بيتم فيها اية
وعايز اعرف التكلفة كام عند حضرتك

ازيكوا يا بشمهندس هانى عامل ايه اكيد حضرتك فاكرنى

انا عندى مشكله فى العربيه مش عارف ايه حلها وروحت للميكانيكى وبتاع الكربراتير ومفيش فايده

العربيه بتاكل بنزين كتيييييييير اوى انا حسبتلها بتاكل حوالى لتر لكل 7 كيلو وده كتير جدا

العربيه 1500 موديل 1995 وانا لسه عامل عمره ومشيت بيها بعد العمره 2000 كيلو لحد دلوقتى يعنى غيرت الزيت بعد الالف الاولانيه وغيرته تانى من يومين

روحت للميكانيكى قالى روح لبتاع الكربراتير وهو هيظبطهولك روحت لبتاع الكربراتير قالى الكربراتير سليم ومفيهوش مشكله طيب الحل ايه فى الاستهلاك الزايد ده مع العلم انى بمشى براحه مبشدش بالعربيه ولا حاجه وبنقل على 2.75 ار بى ام فى كل الغيارات انا شاكك فى البوجيهات بس بتاع الكربراتير شافهم وقالى لا كويسين.