( Speed Service Center :: ( enghany

**corsair** · 13-05-2013 02:48 PM

حبيبي البشمهندس هاني بص يا غالي انا فوجئت ان الولاعه عندي بتاعت العربية مش شغاله ومش بتنطق اعمل ايه لاني محتاج اشغل عليها شاحن الموبيل ومش شغال وجربت عليها الولاعه وبردك مفيش فايده

**Rolland** · 13-05-2013 04:29 PM

تم التعامل مع مركز speed في عربيه هيونداي I10 منذ حوالي شهر ونصف والعربيه ما شاء الله حالتها تحفه دلوقتي والمهندس هانى انسان محترم جدا ومتعاون واخلاق وبيفهمك ايه مشاكل العربيه وايه الحلول زائد ان اسعارهم هايله مع جوده شغل عاليه جدا , وبدون الدخول في مشاكل العربيه بس التوكيل (ابو رواش) قالي ان تكلفه اصلاح العربيه 17000 والمهندس هانى اخد حوالي 4500 ومنهم تمن شراء وش سلندر سلندر استيراد
بصراحه دي اول تجربه ليه معاه بس ان شاء الله اي صيانه او اصلاح في العربيه هيكون عنده في المركز واكر اداره نايل موتورز لان تم التعرف على مركز speed من خلال هذا المنتدي العظيمزز

**reemnabel** · 13-05-2013 05:07 PM

انا مش فاهمه حاجه فى التكييف التاتش بتاع الافانتى الى هى الالنترا
هى موديل 2002 وتكييف لما بيكون على 17 زده اعلى حاجه بحس انه مش بيسفع اوى
يبقه محتاج ايه ولو حد عنده فيديو او اى صور تشرح ايه الزراير الى فى التكييف وايه الاستفاده منها يبقه متشكره جدا
معلش يجماعه اول مره استخدم تكييف الالنترا ده وتاتش كمان

**enghany** · 13-05-2013 10:48 PM

المشاركة الأصلية كتبت بواسطة corsair

حبيبي البشمهندس هاني بص يا غالي انا فوجئت ان الولاعه عندي بتاعت العربية مش شغاله ومش بتنطق اعمل ايه لاني محتاج اشغل عليها شاحن الموبيل ومش شغال وجربت عليها الولاعه وبردك مفيش فايده

بص يا باشا انت عندك علبه الففيوزات الداخليه دور علي فيوز مكتوب عليه light هتلاقيه ضارب غيره

**enghany** · 13-05-2013 11:00 PM

المشاركة الأصلية كتبت بواسطة reemnabel

انا مش فاهمه حاجه فى التكييف التاتش بتاع الافانتى الى هى الالنترا
هى موديل 2002 وتكييف لما بيكون على 17 زده اعلى حاجه بحس انه مش بيسفع اوى
يبقه محتاج ايه ولو حد عنده فيديو او اى صور تشرح ايه الزراير الى فى التكييف وايه الاستفاده منها يبقه متشكره جدا
معلش يجماعه اول مره استخدم تكييف الالنترا ده وتاتش كمان

الاخت الفاضله
هي العربيه قريبه جدا من الالنترا 2005-2006 في حوالي 90% من قطع الغيار
لكن حضرتك تكشفي علي التكييف نفسه و تشوفي نبه الفريون و الفلتر بتاع التكييف و مراجعه اي تسريب من دوره التكييف

**elsheikh2010** · 14-05-2013 12:39 AM

أزيك يا باشمهندي هاني اتمنى من الله أن تكون انت والأسرة بألف خير . معايا فيرنا 2011 من سنة ابتديت أحس ان الدرياج بقى تقيل شوية وفيه خشونة وبالذات لما العربية تبقى باردة ... كأنك راكب عربية موديل التسعينات . وتقريبا ده بيأثر على الغيارت بيبقى الفتيس تقيل شوية .رحت لميكانيكي جربها والعربية واقفه جاب شوية زيت وبحقنة على مكونات الدبرياج من تحت نعم شوية وبعد أسبوع رجع تاني نفس المشكلة قالي بقى ممكن تكون من الفرش بتاع الدبرياج رحت التوكيل قالولي مافيهاش حاجة ولكن المشكلة زي ما هيا وبعدشد وجذب وشكوى للشركة قالولي هانغير طقم الدبرياج بس انت هاتشيل تمن الأسطواتة بس
أنا موافق أغير طقم الدبرياج واشيل الأسطوانة بس يكون منها لأني ابتديت أزهق و أنا بأغير السرعات .
شكرا

**mohammed adel** · 14-05-2013 06:16 AM

ازيك يا باش مهندس هانى عامل ايه ؟؟ انا معايا النترا 2009 عاملة 100000 كم اوتوماتيك حضرتك انا عندى مشكلتين رقم 1- من فترة بحس (بترتيلة) على السلانسيه فى العربية وفتحت الكبوت ولاحظت برجة خفيفة فى الموتور بصيت على الشكمان ولاحظت نفس الترتيلة فى الشكمان و من حواالى اسبوعين الموتور كان بيعمل رجة جامدة وطلع ان العيب من بوبينة بوجيه بايظة وغيرتها بالاصلية بتاعتها ب 265 جم وفعلا الرجة الجامدة راحت و لكن مازلت فيه الترتيلة الاولى!!!!
2-حاليا كل فترة بسمع صوت فرقعة من الشكمان علما ان بحط بنزين 92 من نفس البزينة اللى متعود عليها!!!!!!!!!
وديتها لواحد عندنا هنا فى اسيوط بص على البوجيهات وغيرتها (سعرهم 70جم ) وبص على بوبينات البوجيهات والاسلاك بتاعتها ونظف البوابة ومن غير فائدة انا محتار جداااااا هل فيه علاقة بين المشكلة الاولى والتانية بتاعة فرقعة الشكمان ؟؟؟؟؟ فاتمنى اسمع التفسير من حضرتك(معلش هتعبك معايا)

الف شكررررررررررررررررررررررر ررررررررررررررر

**ABO MALEK** · 14-05-2013 03:15 PM

المشاركة الأصلية كتبت بواسطة moh.abdelbaset

كان يوم طويل جداً امبارح عند الباشمهندس هاني
معايا فيرنا والعربية أول ما تبدأ تمشي في الزحمة الفرامل بتقفش سنة سنة لغاية أما العجل يكلبش في الأرض
رحت بيها لـ م/هاني وبعد الترحيب والشاي
التقييم المبدئي من الباشمهندس إنه ماستر الفرامل..لكن اتضح إن في مشكلة في الدبرياج ولازم يتغير
فغيرنا الديسك والاسطوانة والبلية
لكن المشكلة فضلت زي ما هي
فغيرنا ماستر الفرامل..والمشكلة راحت..الحمد لله
الأسعار:
ديسك واسطوانة وبلية الدبرياج = 620 جنية
قاعدة فتيس = 80 جنية
ماستر فرامل أصلي = 440 جنية
مصنعية = 180 جنية
بشكر باشمهندس هاني على تعبه وشغله معايا امبارح وعلى حسن الاستقبال والضيافة.

أصلا إيه علاقة قفشة الفرامل على العجل بالدبرياج(إيه اللى جاب القلعة جنب البحر)

**enghany** · 14-05-2013 04:56 PM

المشاركة الأصلية كتبت بواسطة elsheikh2010

أزيك يا باشمهندي هاني اتمنى من الله أن تكون انت والأسرة بألف خير . معايا فيرنا 2011 من سنة ابتديت أحس ان الدرياج بقى تقيل شوية وفيه خشونة وبالذات لما العربية تبقى باردة ... كأنك راكب عربية موديل التسعينات . وتقريبا ده بيأثر على الغيارت بيبقى الفتيس تقيل شوية .رحت لميكانيكي جربها والعربية واقفه جاب شوية زيت وبحقنة على مكونات الدبرياج من تحت نعم شوية وبعد أسبوع رجع تاني نفس المشكلة قالي بقى ممكن تكون من الفرش بتاع الدبرياج رحت التوكيل قالولي مافيهاش حاجة ولكن المشكلة زي ما هيا وبعدشد وجذب وشكوى للشركة قالولي هانغير طقم الدبرياج بس انت هاتشيل تمن الأسطواتة بس
أنا موافق أغير طقم الدبرياج واشيل الأسطوانة بس يكون منها لأني ابتديت أزهق و أنا بأغير السرعات .
شكرا

الاستاذ محمد
بص هما بيعتبروا الدبرياج قطعه استهلاكيه زي تيل الفرامل لا تتبع الضمان فعلشان كده بيحملك الاسطوانه
فنصيحه غيرها

**enghany** · 14-05-2013 04:59 PM

المشاركة الأصلية كتبت بواسطة mohammed adel

ازيك يا باش مهندس هانى عامل ايه ؟؟ انا معايا النترا 2009 عاملة 100000 كم اوتوماتيك حضرتك انا عندى مشكلتين رقم 1- من فترة بحس (بترتيلة) على السلانسيه فى العربية وفتحت الكبوت ولاحظت برجة خفيفة فى الموتور بصيت على الشكمان ولاحظت نفس الترتيلة فى الشكمان و من حواالى اسبوعين الموتور كان بيعمل رجة جامدة وطلع ان العيب من بوبينة بوجيه بايظة وغيرتها بالاصلية بتاعتها ب 265 جم وفعلا الرجة الجامدة راحت و لكن مازلت فيه الترتيلة الاولى!!!!
2-حاليا كل فترة بسمع صوت فرقعة من الشكمان علما ان بحط بنزين 92 من نفس البزينة اللى متعود عليها!!!!!!!!!
وديتها لواحد عندنا هنا فى اسيوط بص على البوجيهات وغيرتها (سعرهم 70جم ) وبص على بوبينات البوجيهات والاسلاك بتاعتها ونظف البوابة ومن غير فائدة انا محتار جداااااا هل فيه علاقة بين المشكلة الاولى والتانية بتاعة فرقعة الشكمان ؟؟؟؟؟ فاتمنى اسمع التفسير من حضرتك(معلش هتعبك معايا)

الف شكررررررررررررررررررررررر ررررررررررررررر

و اللهي سيادتك المشاكل اللي سيادتك بتقول عليها ديث لازم الجهاز يتحط علي العربيه ينكشف عليها
لكن لو محتار ممكن تخلها التوكيل بتاع اسيوط للكشف فقط و شوف ايه اللي فيها و لاي مساعده كلمني تحت امرك