الموضوع: ( Speed Service Center :: ( enghany

المشاركة الأصلية كتبت بواسطة enghany

ا
الحمد لله علي العلبه اللي كويسه و انك ماتكلفتهاش و شكرا لحضرتك علي الثقه الغاليه دي و دايما رافعين راس اللافاضل اللي بينورونا عن خبره و درايه بالعمل لف شكر لحضرتك يا محمد بك

العفو على ايه يا بشمهندس ده انا اللي بشكرك على القهوه بصراحه حلوه بجد (شكلي كده هزهقك مني كتير الفتره الجايه دي بسبب القهوه )
وربنا ستر والعلبه طلعت تمام لحسن الواحد بقى على الجنط بصراحه لو كان فيها حاجه كنت هسيبها شويه واهو الواحد يستحمل التخبيط شويه كمان
الحمد لله محمد ظبط الزوايا واداني ريبورت مش فاهم منه اي حاجه الحمد لله بس ان شاء الله هتبقى تمام (بس بصراحه نسيت اسيب الدركسيون وانا سايق ومجربتش موضوع الحدفه اللي كانت موجوده بس ان شاء الله هتكون راحت بكره هجربها باذن الله)
كنت عاوز اكلمك بعد ما ظبط الزوايا بس بصراحه حسيت اني تقلت عليك وازعجتك بما فيه الكفايه فقلت ادخل اشكرك على المنتدي احسن عشان متزهقش مني
بعد ظبط الزوايا غيرت الهوا بنيتوجين بعد ما انت و سمير الشهاوي شجعتوني اغيره بصراحه انا حسيت كده في اول طلعه بعد مغيرت ان العربيه بقت انعم شويه (بس مش عارف هل ده بجد ولا دي حاجه نفسيه مش اكتر) بس مش مهم المهم انه يفرق مع العفشه على المدى الطويل
وانا على الدائري مروح كان الدركسيون بيترج جامد فوق ال 90 فارحت رصصت العجل في مدينه نصر والحمد لله العربيه لحد 125 ماشيه زي الفل مفيش رجه وتمام التمام
بخصوص منظف دوره البنزين الليكوي مولي انا مش لاقيه فهل في بديل محترم تاني ولا استنى لحد ما الاقيه عشان مش قادر اروح شارع دمشق دلوقتي

المشاركة الأصلية كتبت بواسطة mido6995575

انسان محترم جدا وفاهم ومش هاقول كتير لاكن فعلا صعب جدا تلاقي شخص فاهم ومحترم وامين زي الباشمهندس هاني بصراحة مفيش عربية من عربيات معارفي وقرايبي الا وقام بالواجب الصح معايا وربنا يزيدة بجد
اسف للاطالة بس لازم كنت ادي للراجل حقة

+1
بس لسه مجبتلهوش معارفي وقرايبي

المشاركة الأصلية كتبت بواسطة enghany

زملائي الافاضل احنا بنجدد العرض مره تانيه لاخر الشهر
1-مياه خضراء ايكا اسباني و دوره غسيل رداتير مجانا مع اي صيانه كاتينه او تغيير طقم دبرياج
2-فلتر زيت مجاني لتغير زيت شل الترا 10000 كم العرض ده لاخر شهر 5 و دايما نتشرف بزيارتكم

ايه صيانه الكاتينه دي يا بشمهندس دي غير تغير سير الكاتينه ولا هي هي؟
وبعدين هي ايه الكاتينه دي اصلا بتعمل ايه؟
انا كل اللي اعرفه عنها ان السير بتاعها لو اتقطع هيعمل مصيبه

المشاركة الأصلية كتبت بواسطة enghany

الصديق الخلوق
بص في المنظف بنتاع موبيل كويس ممكن تجيبه من محطان on the run و الكاتينه اللي هي السيور و البلي اللي حضرتك كنت مغيرهم عند الوكيل المعتمد و بعد الشر علي اي حد من قطع السير

اللي في محطه موبيل (اون ذا رن) نوع اسمه stp امريكي ولونه اسود هو ده ولا حاجه تانيه

المشاركة الأصلية كتبت بواسطة enghany

تماممم كده سعادتك

شكر يا بشمهندس النهارده هجيبه واجربه ان شاء الله