( Speed Service Center :: ( enghany

**enghany** · 01-04-2013 07:49 PM

[QUOTE=alaaorabi;3874900369]

المشاركة الأصلية كتبت بواسطة enghany

الزميل الفاضل
بص حضرتك
لمبه ال eps بتنور لما يكون في عيب في البااور و العيب ينقسم الي سوفت وير و عيب هاردوير

عيب السوفت وير هو ان القطمه بتحتاج calibration يعني برمجه و تكويد و المفروض انها ماتنورش تاني بس في الحاله دي الباور بيكون شعال عادي و اللمبه منوره

المهندس هانى العزيز
شكرا على ردك وحسن اهتمامك
ولو تسمح لى بزياره للمركز وسعادتك تشوف الوضع على الطبيعه
نحدد موعد تليفونيا ولا ممكن الان
اشكرك..

باشا انا منتظر تشريفك بالاتصال لوة تكرمت

**Captin fg** · 01-04-2013 10:01 PM

السلام عليكم ، شهادة حق أنا النهاردة رحت مركز speed service center عشان اعمل صىا نة للعربية و احب اشكر المهندس هانى و المهندس محمد بجد ناس أخلاق و كفاءة و سرعه في الأداء ناس عندها ذمة شكرًا speed service center و بالتوفيق دائماً

**enghany** · 01-04-2013 10:26 PM

المشاركة الأصلية كتبت بواسطة Captin fg

السلام عليكم ، شهادة حق أنا النهاردة رحت مركز speed service center عشان اعمل صىا نة للعربية و احب اشكر المهندس هانى و المهندس محمد بجد ناس أخلاق و كفاءة و سرعه في الأداء ناس عندها ذمة شكرًا speed service center و بالتوفيق دائماً

الف شكر يا ربان اعلي البحار و دائما في خدمتك ههههههه

**Captin fg** · 01-04-2013 10:35 PM

المشاركة الأصلية كتبت بواسطة enghany

الف شكر يا ربان اعلي البحار و دائما في خدمتك ههههههه

**mohammed adel** · 02-04-2013 01:35 AM

المشاركة الأصلية كتبت بواسطة enghany

الزميل المحترم
بص هو اي راي لا يقال الا بعد تجربه السياره لانها ممكن تكون عيب كبالن داخليه او عيب بالجنوط او الترصيص او الكاوتش ياريت اتشرف باتصال من حضرتك لتحديد ميعاد 01060900088

والله انا بتمنى زيارة حضرتك فى المركز لكن انا مش من القاهرة والمشوار حواللى 230 كم والعربية تقيلة جدااااا فى المشي وخايف يحصل حاجة !!! المشكلة الاكبر انى النهاردة العربية عملت معايا نفس الحركة وكانت بتذحف فى المشي ولما وقفت لاحظت ان الطنابير الامامية سخن جدااااااااااا زى النار لدرجة ان مقدرتش المسها بصوابعي وكمان الموتور سخن جدااااااااااا غير العادة فخايف امشي بالعربية وهى متكتفة كدة يحصل حاجة !!!!!!!!
ياريت اسمع تفسير حضرتك وايه اللى ممكن يتعمل

عاجز عن الشكررررررررررررررررررررر رررررر

**enghany** · 02-04-2013 02:48 AM

المشاركة الأصلية كتبت بواسطة mohammed adel

والله انا بتمنى زيارة حضرتك فى المركز لكن انا مش من القاهرة والمشوار حواللى 230 كم والعربية تقيلة جدااااا فى المشي وخايف يحصل حاجة !!! المشكلة الاكبر انى النهاردة العربية عملت معايا نفس الحركة وكانت بتذحف فى المشي ولما وقفت لاحظت ان الطنابير الامامية سخن جدااااااااااا زى النار لدرجة ان مقدرتش المسها بصوابعي وكمان الموتور سخن جدااااااااااا غير العادة فخايف امشي بالعربية وهى متكتفة كدة يحصل حاجة !!!!!!!!
ياريت اسمع تفسير حضرتك وايه اللى ممكن يتعمل

عاجز عن الشكررررررررررررررررررررر رررررر

زميلي الفاضل
واللهي هي المشكله ان تحديد المشكله بدون كشف ظاهري بتجنبنا التشخصيص الخاطيء و خصوصا ان المشكله ليها اكتر من سبب طيب
خلينا في الشك الاكبر الكبالن الداخليه
بص الرعشه بتكون في جسم العربيه نفسه مش الطاره او البدالات و تزيد مع دوسه البنزين
ولما اكون معشق العربيه والرجه موجوده فك التعشيق لو راحت تبقا كبالن داخليه --جرب و قولللي

**madkoos** · 03-04-2013 10:47 AM

السلام عليكم يا شباب...انا مش هطول عليكم بس انا الفتى بتاع الصنايعية عقدنى..
انا معايا فيرنا 2006 كاملة اوتوماتيك

العربية تمااام بس فى حاجة بتحصل غريبة اجى اقف واطلع تخنق معايا شوية وبعدين تظبط
تقطع كدة وترجع ..فى الطلعة بس

حطيت العربية على الجهاز والرسالة كانت كدة فى الصورة

http://i45.tinypic.com/2q89ht4.jpg

منتظر افادتكم...

**enghany** · 03-04-2013 12:51 PM

المشاركة الأصلية كتبت بواسطة madkoos

السلام عليكم يا شباب...انا مش هطول عليكم بس انا الفتى بتاع الصنايعية عقدنى..
انا معايا فيرنا 2006 كاملة اوتوماتيك

العربية تمااام بس فى حاجة بتحصل غريبة اجى اقف واطلع تخنق معايا شوية وبعدين تظبط
تقطع كدة وترجع ..فى الطلعة بس

حطيت العربية على الجهاز والرسالة كانت كدة فى الصورة

http://i45.tinypic.com/2q89ht4.jpg

منتظر افادتكم...

الزميل الفاضل
cmp يعني cam position sensor او حساس الكامه لكن ممكن المشكله ممكن تكون من كذا حاجه

اولا عيب بالحساس نفسه
2 عند تغير الكاتينه و بتكون فيها سنه زياده او ناقصه العربيه هتسجل الحساس
ده
اخر حاجه و هو احتمال ضعيف ان ممكن يكون في حاجه في الضفيره اللي موصله للحساس
و العيب التاني هو خليط غني يعني نسبه حقن البنزين زياده و هو عيب ناتج من العيب الاول
بس انا عايز اسال حضرتك الجهاز اللي انت كشفت عليه فين و ليه الراجل اللي عنده الجهاز ما كشفشي علي العيب

**madkoos** · 03-04-2013 10:28 PM

اولا شكرا على الرد

وبصراحة انا واحد صحبى جايب الجهاز الى هو cm scan

وحطيتها عندوووو
والى طلع على الشاشة مفهمتش منو غير المفهوم الترجمى :)
لكن المعنى الفعلى لا

يعنى كدة اروح اعيد على حساس الكاتينة؟؟؟

**mado83** · 04-04-2013 10:05 AM

احب انقلكم تجربتى فى سبيد سيرفس
اولا اشكر كل من هم قائمين على العمل بدايه من مهندس هانى ومهندس محمد وكل العمال
واحب اقولكم ان عندهم جوهره اسمه سامى صنايعى برنس البرانيس من بعيد لبعيد كده الواحد بيشم الصنايعى الفاهم والشاطر حتى لو مامدش ايده فى العربيه
اللى تم فى العربيه هو تغيير بليه الكاتينه وظبط الاسبراتير (كهربة السياره) 115 ج بعد عمل خصم
الحمد لله الدنيا مظبوطه وفل الفل
ومش هطول واقولكم على كرم الضيافه ولكن احب اقولكم على عيوب المكان :
-ضيق شويه ولكنه افضل من ورشه الميكانيكى اللى بيجيبلك كرسى وتقعد فى الشارع ده لو جابهولك
فى الصيف الدنيا هتبقى تيت تيت علشان الحر
-كان نفسى اقف على ايد الصنايعى وهو شغال وادخل معاه تحت العربيه وامسكله البلادوس كمان (انا بحب اشوف بنفسى كل مسمار بيتفك ) وطبعا المكان مش سامح
واحب اطمنكم انك تقدر تاخد الخصم بمجرد انك تقول انك جاى من نايل موتورز
واخيرا اشكر كريم منير انه عرفنا على مكان محترم زى سبيد سيرفس