( Speed Service Center :: ( enghany

**mido6995575** · 27-08-2012 10:37 AM

عارف والله م انا هاجيلك قريب عشان العربية صوت الموتور مش عاجبني وهاغير طقم الدبرياج والدريكسيون تحت ايدي في حدفة في العربية مش عاجباني ومعلش انا اسف ان هاقول دة بس الكارتيرة لسة بتنقط زيت وراح لراجل تبعه لقي الجوان مربوط بسلك وفي مسمار مش مربوط اصلا في الكرتيرة
لكن في النهاية كفاية زوقك وانك اهتميت اصلا ودة انا مش مستغربة من واحد ذوق وانسان محترم في تعاملاتة زي حضرتك
وشكرا ليك واسف ع الاطالة

**ahmad--ezzat** · 27-08-2012 10:41 AM

المشاركة الأصلية كتبت بواسطة enghany

احمد بك
اذي حضرتك
بص الحمد لله ان التسريب و قف
بس نطمن اكتر عليه
بالنسبه للصيانه مش هتكون اكتر من صيانه دوريه علي العفشه و الفراما و السربنتيته و السوائل + كشف الجهاز و اهلا وسهلا بحضرتك باي و قت

انت مقرتش مشاركتى كويس :))))))

انا عارف انها هتبقى صيانات دوريه بس انا مش عارف اجيلك على 70 اللف ولا 75 ولا 80 :)))))
هي دى الفكره

وبالنسبه لموضوع الارتفاع دة ممكن تكون البطاحات والكوبايات مثلا فى ناحيه متهالكه ادت الى انخفاض ناحيه ؟

**ysamerlabib** · 27-08-2012 11:58 AM

المشاركة الأصلية كتبت بواسطة enghany

اهلا وسهلا بسعادتك
ان شاء الله منتظر سعادتك بس انت كلمني عالموبايل و انا اوصفلك اجدع من اي gps ههههه

باشا حمدا على السلامه . . انا ان شاء الله بعد ساعة حاكون عندك

**ismailnd** · 27-08-2012 05:10 PM

المشاركة الأصلية كتبت بواسطة enghany

بص حضرتك
الاول ياريت اشوف العربيه
ثانيا لما العجله فاتحه او ماخره فده ليه سببين
1- زي ما انت قلت كده مشكله او خبطه شديده بالشمعدان و دي هتحتاج ان العجله يتعمل لها زرجينه و دي بسيطه
2- او يكون الخبطه ماثره في الشاسبه يكون فاتح او قافل و لازم يستعدل و اللي يكشف علي الموضوع ده هو جهاز الزوايا

شكرا جزيلا علي الرد يا مهندس هاني اقدر اجي لحضرتك امتي واتواصل معاك ازاي ؟

**lamborghini911** · 27-08-2012 06:57 PM

المشاركة الأصلية كتبت بواسطة enghany

الوميل الفاضل
بص بالنسبه لبوجيهات بيكونوا ngk\شمعه طويله ب 134 جم و بيكونول في علبه زرقاء في ابيض لي حاجه تانيه لا
الزيت بتاع ال الجير انا بفضل الموبيل اللي هو dexron iii و هو االي انت بتقول عليه احسن من الشل

شكرا يا باشا على الافاده وربنا يخليك لينا وكان الله فى عونك

**easy2002** · 27-08-2012 07:22 PM

ﺷﻜﺮﺍ ﺟﺰﻳﻠﺎ ﻟﺮﺩ ﺣﻀﺮﺗﻚ ﻳﺎ ﺑﺎﺵ ﻣﻬﻨﺪﺱ ﻭﻫﻜﻠﻢ ﺣﻀﺮﺗﻚ ﻋﺸﺎﻥ ﻋﺎﻭﺯ ﺍﺳﺘﻔﺴﺮ ﻋﻦ ﺍﻟﻌﻨﻮﺍﻥ ﻭﻣﻌﻠﺶ ﻋﻨﺪﻱ ﺍﻟﻨﺘﺮﺍ ﺍﻟﺸﻜﻞ ﺍﻟﺠﺪﻳﺪﻭﻣﺸﻴﺖ 5000 ﻛﻴﻠﻮ ﻭﻛﻴﻞ ﻫﻞ ﻟﺎﺯﻡ ﺍﻭﺩﻳﻬﺎ ﺍﻟﺘﻮﻛﻴﻞ ﻋﺸﺎﻥ ﺍﻟﻀﻤﺎﻥ?

**Ashraf_Ibrahim** · 28-08-2012 02:07 AM

هاني باشا
منورنا والله يا باشا
كنت عاوز اسألك بخصوص ردياتير الفيرنا سعره كام وهل يفرق الالومنيوم عن النحاس والاصلي اساسا ايه والاحسن ايه!؟

**ysamerlabib** · 28-08-2012 01:43 PM

أنا رحت امبارح عند المهندس / هاني وشهادة لله الراجل زوق جدا والصنايعية اللي عنده زي الفل ( وخصوصا ناجي) اللي اشتغل في عربيتي
اهم حاجة في مهندس / هاني انه صبووووووووووووووووووور جدددددددددددددددا جدددددددددددا يعني انا كنت رايح علشان اغير فتيس اوتماتيك وفضلنا من الساعة 1 تقريبا لغاية 10 تقريبا
واهم حاجة اكدتلي ان م / هاني فاهم انه كان بيخلي ناجي يطلع يجرب العربية وبعدين يطلع هوه شخصيا يجرب بنفسه تاني علشان يبقى راضي بالشغل تماما
وطبعا بشكرة على فنجان القهوه التاني ابو بن مخصوص وبلاش اتكلم على الفنجان الاولاني ( ابو زيت خروع )

اخر حاجه بس بعد اذن م / هاني انا عايز احط عنوان ال GPS للي عايز يوصل
30.132792,31.366632

والوصفة كالتالي:
وانت جاي من جسر السويس ورايح على الحرفيين حتلاقي حديقة بدر على ايدك الشمال اعمل U turn وخلي الحديقة على ايدك اليمين واول شارع بعد الجنينة ومع سور الجنينة ادخل يمين لغاية لما تلاقي قضيب قطار عديه وادخل يمين بعديه على طول بعد كده اول شمال في نص الشارع تلاقي المركز على الشمال

**enghany** · 28-08-2012 02:49 PM

المشاركة الأصلية كتبت بواسطة ahmad--ezzat

انت مقرتش مشاركتى كويس :))))))

انا عارف انها هتبقى صيانات دوريه بس انا مش عارف اجيلك على 70 اللف ولا 75 ولا 80 :)))))
هي دى الفكره

وبالنسبه لموضوع الارتفاع دة ممكن تكون البطاحات والكوبايات مثلا فى ناحيه متهالكه ادت الى انخفاض ناحيه ؟

اسف جدا اعذرني
المهم حضرتك نغير الفلاتر كلها و السيور طيب خليها بعد 10000 كم ان شاء الله و نراك بكل خير