اخبار الرجاله ايه
عرض للطباعة
اخبار الرجاله ايه
الحمدلله
دلوقتي بقالي 31 يوم غير مدخن وافتخر
يعني شهر ويوم :D:D:D
والحمدلله لسة عندي بتاع 7 حبات من الدواء كنت المفروض اخدهم بس كنت بنسي وقولت خلاص انا بطلت
طبعا مش هقول علي الاحساس
كنت محروم من حاجات كتير ربنا رازقني بيهم اولهم صحتي
دلوقتي بطلع سلمنا جري ولا اكني بعمل اي حاجة
مع العلم اني الاول كنت بطلعه عادي وبموت من النهجان
طبعا مرت عليا ايام صعبة قوي
فكرت ارجعلها بس بقول ابعد يا شيطان
ويجي بالصدفة حد يدخن جمبي وبشم ريحة السجاير ببقي مش طايق ريحتها خالص
بقت حاجة لا ارادية عندي اني ابقي ماشي وحد مدخن بيدخن اكتم نفسي لان ريحتها بالنسبالي بقت عاملة زي ....... مش عاوز اتوقف :D:D:D
طبعا الايام اللي كان الشيطان بيوزني فيهم كانو في اول اسبوع
دلوقتي تاقلمت علي اني مش مدخن خالص
بقيت اصحي الصبح بدل ما اول حاجة اعملها ادخن بقيت افطر كويس
بقيت اسلي نفسي دايما في اي حاجة مفيدة
بقيت اصرف الفلوس اللي كنت بصرفها علي السجاير في اي حاجة تفيدني
لدرجة بقيت مهووس عصاير وكيكات وكل ما هو كعك اسفنجي محشو بالكريمة اللذيذة :D
متخنتش زي مكنت متوقع اني هتخن وافشول
لا بالعكس انا زي منا
وممكن اكون زدت شوية بسيطة بس انا بطبيعتي مهما عملت مش بتخن
بقيت الاقي فلوس في جيبي كتيرة ملهاش لازمة كانت بتروح علي السجاير
العصبية الحمدلله قلت بشكل ملحوظ بس يوم ما تجيلي بتجيلي بس مش زي الاول
حاسة الشم رجعتلي تاني بكامل قوتها لدرجة بقيت اشم المية واتاري للمية ريحة حلوة متخفوش :d
واحب اقول اللي كان بيدخن وبطل تدخين
اكنو كان اتولد من جديد
بمعني الكلمة
وانا الحمدلله كنت بروح الجيم 4 سنين ورا بعض وكنت رياضي سابق
بس مقدرتش اكمل عشان التدخين عمل عميلو
اتفقت مع صديق ليا بقينا نجري بعد الفجر ونجري علي العصر كدا في النادي
وابتديت انزل الجيم تاني بس فترات منقطعة
عشان امتحناتي
وناسف علي هذا التاخر
نظرا لامتحناتي اللعينة
فادعو لي بالنجاح اخواني الاعزاء
بتكلم بالفصحي :D:D:D
وناسف علي هذا الانقطاع
وان شاء الله هتابعكم بالاحداث عشان نشجع اكبر قدر ممكن انو يبطل
وربنا يبارك لمحمد بيك لانو هو مفجر هذة الثورة وهو اللي بيشجعني اني اكتب تاني بعد لما اكسل
100 100
انا داخل على تلات اسابيع من غير سجاير
الحياة افضل طبعا
مشكلتى انى لسة بفكر فى السجاير فى اليوم مرتين تلاته
الحمد لله مش مطاوع نفسى بس انا عايز يجى اليوم اللى انساها تماما
الف مبروك على أنك عديت المرحلة الصعبة والى جاى اسهل حتى بعد ما هتبطل الدوا
اصعب فترة هى فترة الثلاثة ايام الاولى وتوصل اعراض الانسحاب لقمتها اليوم الثالث
تليها فى الصعوبة فترة الثلاثة اسابيع الاولى
والاقل صعوبة بعد كده الستة اشهر الاولى وبعدها يكون جسمك استغنى تماما على النكوتين والفترة ديه من اسهل الفترات ومش محتاجه الا تفكر نفسك كل يوم بفوائد تركك التدخين تفصيلا
يعنى تقعد تقول لنفسك الكلام الكلام الى انت كاتبه فوق بالتفصيل
انا باطلع السلم كويس ---- انا باشم ريحه الهوا ----- انا باستطعم الاكل الى كنت نسيت طعمه ..... الخ وبالتفصيل
الخدعة الكبرى" سيجارة واحده وخلاص "اكبر خدعة ممكن تقع فيها الفترة الجاية
هو انك تقول لنفسك [overline]" انا هشرب سيجارة واحدة بس عشان اجرب نفسى "[/overline]
كده هتبقى رجعت خلاص والموضوع انتهى
احذر والله العظيم انت دلوقتى فى نعمة ملايين بيحسدوك عليها فحاول تحافظ على النعمة ديه بكل قوتك واياك وخدعة سيجاة واحدة وخلاص وربنا يوفقك ويثبتك
على فكرة انا عملت زيك بالظبط من ثلاث سنين بطلت بشامبيكس( بعلبتين ) بعد حاجه وعشرين سنة تدخين
والحمد لله ان بقى فيه دوا زى ده بيسهل تبطيل السجاير جدا
اولا احب اقولك لحضرتك ربنا يقوي عزيمتك ومتفكرش ترجعلها تاني
انا الحمدلله اتضريت جامد قوي بسبب التدخين
وحاولت كتير اني ابطل فشلت في عدة محاولات
لكن الحمدلله المحاولة الاخيرة نجحت الحمدلله وكانت بعلبة واحدة شامبكس ولسة العلبة دي فيها بس قولت مش هاخد تاني ومش هدخن تاني
والاوقات اللي كنت بضعف فيها فعلا كانت الايام الاول بس بقول متهدش اللي انت عملتة وكنت بقول منا كل مرة بشرب بقول عاوز ابطل اديني مبطل اهو لو شربت هقول عاوز ابطل
واكتشفت فعلا انك لما تسيب السيجارة والنيكوتين اللي بيعمي الواحد بيقل بتحس بريحة السيجارة الوحش انت عشان محتاجها فبتتقبل طعمها
الحمدلله علي النعمة دي بجد
ولا رجعة ان شاء الله